რიგი

ვლადიმირ სოროკინი (დ. 1955) ცნობილი მწერალი და თანამედროვე რუსული პროზის კონცეპტუალიზმისა და სოც–არტის მეწინავე წარმომადგენელია. მის ნაწარმოებებში, რომლებიც სავსეა პორნოეპიზოდებითა და შავი იუმორით (რის გამოც ხშირად თანამედროვე მარკიზ დე სადს უწოდებენ), მუდამ ჩადებულია ბომბი – არა დაყოვნებული მოქმედების ყუმბარა, არამედ ბომბი რომელიც ფინალში აუცილებლად აფეთქდება.
„რიგი“ – რომანი–ჩანახატი, საბჭოთა ქრონოტოპოსიდან გადმომხტარი ვრცელი ირონიული მოთხრობა. რიგი ხომ საბჭოთა სისტემის ერთერთი ფუძემდებელი რეალიაა, რომელიც ერთდროულად აღიქმება როგორც ერთგვარი გზა ბედნიერებისაკენ და ამავდროულად როგორც თავისებური ტექსტი გამძლეობასა და მედეგობაზე (გაძლებ ან ვერ გაძლებ) ცოცხალი რიგი, რომელშიც ხალხი დგას მაგრამ არ იცის რის გამო…