ქართული ჟურნალისტიკა ერთ-ერთი უძველესი და უმდიდრესია საბჭოთა კავშირში. მძიმე პირობებში ქართველმა ხალხმა შექმნა თავისი საამაყო სულიერი კულტურის ღირსი პრესა, რომელმაც განუზომელი როლი შეასრულა საზოგადოებრივი აზრის, სოციალური მოძრაობის, მწერლობის ლიტერატურული კრიტიკის, მეცნიერების, მთელი ეროვნული კულტურის დაწინაურებაში. წინამდებარე “ქართული ჟურნალისტიკის ისტორია” განიხილავს და აფასებს მე-19 საუკუნის ყველა ჟურნალ-გაზეთს, მათი რედაქტორების, თანამშრომლების, ცნობილი თუ მივიწყებული ქართველი ჟურნალისტების ცხოვრებასა და მოღვაწეობას.