უდიდესმა ქართველმა პოეტმა შოთა რუსთაველმა გენიალური პოემით `ვეფხისტყაოსანი, – ჩვენი ქვეყანა მთელ მსოფლიოს გააცნო. საუკუნეების განმავლობაში ეს ლიტერატურული შედევრი უდიდეს ზეგავლენას ახდენდა ქართველთა სულიერ ცხოვრებაზე: ძნელბედობის ჟამს, ბრძოლასა და ქარ-ცეცხლში დაჰქონდათ, ბედნიერების ჟამს კი ქალიშვილს ატანდნენ მზითვად. ბევრმა ქართველმა ზეპირად იცოდა მთელი პოემა. ტრადიციულად, `ვეფხისტყაოსანი ქართველთა ცოდნისა და განათლების საზომი იყო. პოემას ოჯახში ხმამაღლა კითხულობდნენ.