ჯანო ჯიქიძის რომანს „ჯადოსნური თმა“ ეწოდება და… რა გასაკვირია, თომას მანის „ჯადოსნური
მთა“ რომ მოგაგონდეს.
უნებურად იმზირები დიდი ბელეტრისტიკისაკენ.
ჯანო ჯიქიძეც თითქოს თომას
მანის გავლენით იწყებს თხრობას;
გახსოვთ, როგორ იწყება თომას
მანის რომანი? დაახლოებით ამგვარივე ალუზია სურს ავტორს რომ
შექმნას და აღწევს კიდეც.
ორივე რომანის მთავარი პერსონაჟი თომას მანთან _ ჰანს კასტორპი, ხოლო ქართველ ავტორთან _მწერალი _ კაკი პერევისელი _
მაღლა, ზევით, სადღაც, დაკიდებული გზით მიემგზავრება 1400
მეტრის სიმაღლეზე, სადაც მხოლოდ მედიკოსები და ცდისპირები
ცხოვრობენ.