წიგნში შესული მოთხრობები და-ძმა ლომოურებს ერთად არ დაუწერიათ, არამედ – ცალ-ცალკე, მაგრამ მათ მსგავსი განწყობა აერთიანებს, რამაც მარინას გაუჩინა იდეა, ერთად გამოეცათ – ორი წიგნი ერთში, საერთო სათაურით.
„აშკარად ერთი ჟანრის ტექსტებია (მებიუსის ლენტივით, რომელსაც თითქოს ორი მხარე აქვს, არადა, სინამდვილეში, ერთი სიბრტყეა). პირობითად შეიძლება ითქვას, რომ ესაა სოციალურ-ირონიულ-აბსურდული ფანტასტიკა. სიურეალიზმი. ანდა – საქართველოს ალტერნატიული ისტორიის ეპიზოდები.