არაქელა ოქუაშვილი

არაქელა ოქუაშვილი მუშა-ხალხოსანი, სოციალ-დემოკრატიული მოძრაობის ერთ-ერთი უხუცესი წევრი გახლდათ. მუშათა მოძრაობაში დიდი ავტორიტეტის მქონეს, შემდგომში „სტალინის მასწავლებლის“ სახელითაც იცნობდნენ. მრავალჯერ დაპატიმრებული და გადასახლებული არაქელა 1905 წლიდან ურყევი ბოლშევიკი იყო, თუმცა 1921 წელს მისი და „მოსწავლის“ გზები გაიყო.

1930-იანი წლების შუა პერიოდში დაწერილი ეს მემუარები 1937-1938 წლების დიდი ტერორის დროს ავტორის დახვრეტის შემდეგ საიდუმლოდ ინახებოდა და ის პირველად ამ გამოცემის სახით დაიბეჭდა.