ქართული
მალინა
16,95 ₾“მალინა“ სულის შემძვრელი და დაუვიწყარი პორტრეტია ქალისა სამყაროში, სადაც მამაკაცები დომინირებენ. ერთდროულად უჩვეულო სასიყვარულო ისტორია და ფსიქოანალიტიკური ძიება ასე შეიძლება დახასიათდეს დიდი ავსტრიელი პოეტის ერთადერთი რომანი, რომელიც მან თავის ხანმოკლე სიცოცხლეში დაწერა. ომისშემდგომ ვენაში ცხოვრობს ქალი, რომელიც მტკივნეულ გაორებას განიცდის და კონფლიქტი აქვს ყველაფერთან, მათ შორის, საკუთარ თავთან. ორი მამაკაცის, ორი პოლარულად განსხვავებული ხასიათის ადამიანის მიმართ ძლიერი ემოციური მიჯაჭვულობა თანდათან სრულიად ფიტავს და ძალას აცლის მას და აშიშვლებს მის ვნებებითა და იარებით დასერილ სულს. ინგებორგ ბახმანი არის ყველაზე გონიერი და მნიშვნელოვანი პოეტი, რომელიც ჩვენმა ქვეყანამ ამ საუკუნეში შვა. თომას ბერნჰარდი როგორც მარადიულ, ასევე ახალ ჰარმონიზაციის ტრფიალ მწერლებსა და სიმშვიდის შენარჩუნების ინსტრუქტორებს ვუპირისპირებ მწერალ-ჭრილობას, ინგებორგ ბახმანს. ელფრიდე იელინეკი”
შარლ პეროს ზღაპრები (6+)
8,95 ₾ერიაში “მოსწავლის არჩევანი” შესულია როგორც სასკოლო პროგრამით გათვალისწინებული ნაწარმოებები, ასევე კლასგარეშე საკითხავი ლიტერატურა. წიგნები დაყოფილია 4 ასაკობრივ ჯგუფად. თითოეულ მათგანს ერთვის სახალისო სავარჯიშოები – კითხვარები და კროსვორდები, რაც უბიძგებს მოზარდს, უფრო დაკვირვებით წაიკითხოს წიგნი და კარგად გაიაზროს მისი შინაარსი.
ბედნიერი ადგილი
16,95 ₾“ჰარიეტმა და უინმა ერთმანეთი კოლეჯში გაიცნეს. მათ იდეალურ წყვილად მიიჩნევენ, თუმცა ყველაფერი თავდაყირა დგება — შეყვარებულები ერთმანეთს შორდებიან. უცნაური ამ ამბავში კი ის არის, რომ მათი დაშორების შესახებ მეგობრებმა არაფერი იციან. სწორედ ესაა მიზეზი, რის გამოც ჰარიეტი და უინი ერთ ოთახში ბინავდებიან კოტეჯში, კურსელების შეკრებაზე, რომელმაც ერთ კვირას უნდა გასტანოს. ესაა მათი ბოლო ზაფხული „ბედნიერ ადგილას“, რადგან ზღვისპირა კოტეჯი, სადაც წლების განმავლობაში ისვენებდნენ, იყიდება. მრავალწლიანი სასიყვარულო ურთიერთობის შემდეგ, საინტერესოა, შეძლებს თუ არა წყვილი, კვლავ წყვილად მოაჩვენოს თავი მეგობრებს.”
პორნოგრაფია
14,95 ₾“ვიტოლდ გომბროვიჩის რომანი „პორნოგრაფია“ ფილოსოფიური რეალიზმის ნიმუშია, რომლის თხრობაც მეორე მსოფლიო ომის ფონზე, პოლონეთში ვითარდება. სიუჟეტის ცენტრში ორი შუახნის მამაკაცი დგას. ვიტოლდი და ფრედე რიკი ახალგაზრდა კაროლსა და ჰენიას შორის „ეროტიკული ინტრი გის“ ინსცენირებას ცდილობენ. ფრედერიკი, ნიჰილიზმით შეპყრო ბილი ათეისტი, პროცესის აქტიური მაკონტროლებელია, ვიტოლდი კი მთხრობელი, რომელიც რომანში მოქმედი პირიცაა და მოვლენე ბის მორალური შემფასებელიც. მათი ქმედებები, ერთი მხრივ, ავ ლენს ობსესიურ ლტოლვას ახალგაზრდობისა და ცხოვრების ვნებია ნობისადმი, ხოლო, მეორე მხრივ, ცხადყოფს ძალაუფლებისადმი მისწრაფებას, რომელიც მანიპულაციის გზით ხორციელდება. რომანი არ გვთავაზობს მზა პასუხებსა და „მორალურ დასკვნებს“, ის ირონიითა და შიშით მიგვანიშნებს ჩვენში არსებულ იმ ბნელ წერტი ლებზე, რომლებიც ხშირად კულტურის, ეთიკისა და სიყვარულის სახელში ინიღბებიან.”
ის, რაც ჩვენ შორისაა
16,95 ₾დედის უკიდეგანო სიყვარული, მარწუხივით სულისშემხუთავი; სიყვარული, რომელიც ყოველივე იმას გიკრძალავს და გაკარგვინებს, რაც გახარებს და გიყვარს; და მეამბოხე გოგონა, რომელიც ცდილობს თავი დააღწიოს დედის ყოვლისმომცველ კონტროლს, მაგრამ მარცხდება. მარცხდება ორივე, დედაც და შვილიც… და ერთხელაც დგება შურისძიების დღე _ სასტიკი და წარმოუდგენელი, მაგრამ არის რაღაც, რაც ქალიშვილმა არ იცის და არც არასოდეს გაუმხელს დედა, რადგან სიმართლე მათ სახლში სიცრუეზე სახიფათოა.
ოლივ კიტერიჯი
16,95 ₾“ამერიკელმა მწერალმა ელიზაბეტ სტრაუტმა „ოლივ კიტერიჯისთვის“ პულიცერის პრემია მიიღო. ეს არის მოკლე მოთხრობების კრებული, რომელთაგანაც თითოეული, პირდაპირ თუ ირიბად, უკავშირდება მენში მცხოვრებ მკაცრ, მომთხოვნ და მტკიცე ნებისყოფის ქალს, ოლივს. ეს არის პორტრეტი უბრალო და, იმავდროულად, შთამბეჭდავი ყოველდღიურობის, ადამიანების, დანაკარგების და იმ აზრთა ნაკადის, რომელიც ჩვენს გონებაში ყოველდღიურად ირევა. ერთ პატარა ქალაქში მცხოვრებ ადამიანებს სირთულეების მიმართ მედეგობა აერთიანებთ. თუმცა ოლივი ყველაზე ღრმად ჩადის პრობლემის არსში და გულწრფელი ძალისხმევით ცდილობს მათთან გამკლავებას. აქ არ გველოდება მოულოდნელობები — ოლივ კიტერიჯი არ გადაინაცვლებს ნათელ მხარეს, არ ხდება უკეთესი ადამიანი კლასიკური გაგებით, მაგრამ ჩვენ ვიწყებთ მის თანაგრძნობას და, რაც ყველაზე უცნაურია, ვხედავთ საკუთარ თავს მასში. მოთხრობების ზოგიერთი გმირი მხოლოდ ერთხელ ჩნდება, მაგრამ სკოლის ყოფილი მასწავლებელი, ოლივი, რომლის სახელიც, შესაძლოა, მხოლოდ ერთ წინადადებაში ისმოდეს, მუდმივად იქაა. შუახანს მიტანებული ქალი იმ სივრცის ნაწილი ხდება, რომელშიც მისი ენერგია, დრო და ცხოვრება ირევა. “
შუა ზაფხულის საიდუმლოები
15,95 ₾შუა ზაფხული… პაპანაქება სიცხე და უცნაურად მომძლავრებული ბოროტმოქმედებები… ისინი ყველგან არიან: საფრანგეთის რივიერაზე, საბერძნეთში, დელფოს ტაძრების ნანგრევებში, ეგვიპტეში, ნილოსზე მოგზაურობისას, თუ რესპექტაბელურ ინგლისურ ოჯახში, მაგრამ რას გახდებიან ცნობილ მაძებრებთან?! ვინ რას გამოაპარებს გონიერ მოხუცს, მის მარპლს, პარკერ პაინს ან შეუდარებელ პატარა ბელგიელს, სახელგანთქმულ ერკიულ პუაროს! კიდევ ერთხელ გაჰყვეთ მათ სახიფათო თავგადასავლებში და დატკბით დეტექტივების დედოფლის, აგათა კრისტის უბადლო მწერლური ოსტატობით.
კვენტინ ტარანტინო – ინტერვიუები
25,00 ₾ტარანტინო იმ გამორჩეულად შემოქმედებით ადამიანთა რიცხვს მიეკუთვნება, რომელთაც ერთი და იმავე აზრის გადმოცემაც კი განსხვავებული, მსმენელისთვის დახვეწილი და დამატყვევებელი ფორმით შეუძლიათ. ამასთან, ეს ინტერვიუები მრავალთაგან სწორედ იმიტომ შეირჩა, რომ ისინი ყველაზე ღრმა, ინფორმაციული და გამომხატველობითია. ტარანტინო ინარჩუნებს ნამდვილი კინომოყვარულის ღრმა მგრძნობელობას და ხელშესახებ, თითქმის ბავშვურ რწმენას კინოს მიმართ, რაც მას თავისუფლებას ანიჭებს.
ხეების იდუმალი ცხოვრება
15,00 ₾“ამ მსოფლიო ბესტსელერში გერმანელი მეტყევე და მკვლევარი, პიტერ ვოლებენი გვიზიარებს თავის ღრმა ცოდნასა და სიყვარულს ტყის მიმართ და გვიხსნის სიცოცხლის, სიკვდილისა და განახლების გასაოცარ, ჩვენთვის აქამდე უცნობ პროცესს. ხეების მეგობრობის, ცხოვრების წესის, მათი თანაცხოვრებების შესახებ შეძენილი ცოდნა მკითხველს სულ სხვა თვალით დაანახებს ტყეს და ძირფესვიანად შეუცვლის ამ იდუმალი სამყაროს აღქმას.
პეტერ ვოლებენი დაიბადა 1964 წელს, ბონში, გერმანიაში. სატყეო მეცნიერებათა უმაღლესი სკოლის დამთავრების შემდეგ მან ოც წელზე მეტხანს იმუშავა ტყის მართვის უწყებებში. დღეს კი გერმანიაში მისსავე დაარსებულ ტყის აკადემიას უძღვება და გამოსცემს ჟურნალს სახელწოდებით “”ვოლებენის სამყარო”” (Wohllebens Welt). ბუნებისა და გარემოს დაცვის ორგანიზაციების მრავალი ჯილდოს მფლობელი ვოლებენი ხშირად მონაწილეობს ტელეგადაცემებში და სისტემატურად კითხულობს ლექციებს ბუნების დაცვის საკითხებზე.
ეს წიგნი 2015 წელს გამოვიდა, მალევე ითარგმნა მრავალ ენაზე და ბევრ ქვეყანაში გახდა ბესტსელერი. წიგნის პოპულარობას კიდევ უფრო შეუწყო ხელი 2020 წელს ნეტფლიქსის მიერ გადაღებულმა ამავე სახელწოდების ფილმმა.
“
სტალინი, წითელი მეფის კარი – ტომი II
25,00 ₾ეს საყოველთაოდ აღიარებული ბიოგრაფიული წიგნი სტალინის ძალაუფლებაში ყოფნის პერიოდსა და მის გარემოცვაზე, სრულად გარდაქმნის ჩვენს წარმოდგენას საბჭოთა დიქტატორის, მარქსისტი ლიდერის და რუსეთის „მეფის“ შესახებ. უახლეს ისტორიულ კვლევაზე დაყრდნობით, საიმონ სებაგ მონტეფიორე ნათელს ჰფენს სტალინის ბურუსით მოცულ სამყაროში დამკვიდრებულ შიშსა და ღალატს, მასში არსებულ პრივილეგიესა და გარყვნილებას, ოჯახური ცხოვრების ამბებსა და ცივსისხლიან სისასტიკეს. სიღრმისეულ სამეცნიერო კვლევაზე დაფუძნებული, დამაჯერებლად და მკაფიოდ მოთხრობილი ისტორია თანამედროვე ისტორიული ლიტერატურის კლასიკა იქცა. მონტეფიორე აღწერს, თუ როგორ განაპირობა სტალინის ფანატიკურმა მარქსიზმმა, მისმა მრავალმხრივმა ნიჭიერებამ და ამავდროულად, ნაკლოვანებით აღსავსე ხასიათმა, მისი ბევრი ტრიუმფი და დანაშაული. მონტეფიორე ქმნის ინტიმურ პორტრეტს კაცისას, რომელიც ისეთივე რთული და ადამიანურია, რამდენად სასტიკი და შემზარავი.
სტალინი, წითელი მეფის კარი – ტომი I
25,00 ₾ეს საყოველთაოდ აღიარებული ბიოგრაფიული წიგნი სტალინის ძალაუფლებაში ყოფნის პერიოდსა და მის გარემოცვაზე, სრულად გარდაქმნის ჩვენს წარმოდგენას საბჭოთა დიქტატორის, მარქსისტი ლიდერის და რუსეთის „მეფის“ შესახებ. უახლეს ისტორიულ კვლევაზე დაყრდნობით, საიმონ სებაგ მონტეფიორე ნათელს ჰფენს სტალინის ბურუსით მოცულ სამყაროში დამკვიდრებულ შიშსა და ღალატს, მასში არსებულ პრივილეგიესა და გარყვნილებას, ოჯახური ცხოვრების ამბებსა და ცივსისხლიან სისასტიკეს. სიღრმისეულ სამეცნიერო კვლევაზე დაფუძნებული, დამაჯერებლად და მკაფიოდ მოთხრობილი ისტორია თანამედროვე ისტორიული ლიტერატურის კლასიკა იქცა. მონტეფიორე აღწერს, თუ როგორ განაპირობა სტალინის ფანატიკურმა მარქსიზმმა, მისმა მრავალმხრივმა ნიჭიერებამ და ამავდროულად, ნაკლოვანებით აღსავსე ხასიათმა, მისი ბევრი ტრიუმფი და დანაშაული. მონტეფიორე ქმნის ინტიმურ პორტრეტს კაცისას, რომელიც ისეთივე რთული და ადამიანურია, რამდენად სასტიკი და შემზარავი.
ახალგაზრდა სტალინი
25,00 ₾” საიმონ სებაგ მონტეფიორე ჩვენი დროის ერთ-ერთი ყველაზე საინტერესო და ავტორიტეტული ისტორიკოსია. იგი არაერთი მსოფლიო ბესტსელერის ავტორია როგორც დოკუმენტური პროზის, ისე მხატვრული ლიტერატურის ჟანრში და მისი წიგნები 48 ენაზეა გამოცემული.
განსაკუთრებით საგულისხმოა მონტეფიორეს წვდომა სტალინის ეპოქის არქივებთან. 90-იანი წლების ბოლოს და 2000-იანების დასაწყისში, მას საშუალება ჰქონდა ემუშავა საბჭოთა კავშირის უშიშროების იქამდე დახურულ არქივებში, მოსკოვსა თუ თბილისში.
„ახალგზარდა სტალინი“ ბიოგრაფიული ნარკვევია და მასში თავმოყრილია საზოგადოებისთვის უცნობი და გაუხმაურებული ისტორიები, რომლებიც მთლიანად დოკუმენტურ მასალებს ეყრდნობა. ამ მასალების კვლევას მონტეფიორემ ათ წელზე მეტი მოანდომა.
მონტეფიორე გვიყვება ქარიზმატული, ტურბულენტური ხასიათის მქონე, სიღარიბეში დაბადებული ბიჭის ამბავს, რომელსაც მისმა აღზრდამ დაღი დაასვა. ბევრი უჩვეულო ნიჭით დაჯილდოებული სტალინი რომანტიკოსი და პოეტი იყო, სწავლობდა სასულიერო აკადემიაში, თუმცა ცხოვრების მთავარი მიზანი გულანთებული და დაუნდობელი რევოლუციის როლში ჰპოვა. ეს არის წიგნი მის ურთიერთობებზე მეგობრებთან და მტრებთან, საყვარლებთან, მეფის საიდუმლო პოლიციასთან. ეს არის წიგნი, რომელიც გვიყვება, როგორ გამოძერწა სტალინმა საბჭოთა კავშირი მისი სასტიკი ხასიათის კვალდაკვალ.
„ახალგაზრდა სტალინი“ 2007 წელს გამოიცა და არაერთი პრესტიჟული პრემია დაიმსახურა. მონტეფიორეს წიგნების ჩამონათვალში შედის: „ეკატერინე დიდი და პოტიომკინი“; „სტალინი: წითელი მეფის კარი“; „იერუსალიმი: ბიოგრაფია“; „რომანოვები: 1613-1918 წწ.“ და სხვა.
საიმონმა დოქტორის ხარისხი კემბრიჯის უნივერსიტეტში მიიღო და ლიტერატურის სამეფო საზოგადოების წევრია. ცხოვრობს ლონდონში.
ჩემი ცხოვრების ფილმები
20,00 ₾“რაზეა ეს წიგნი?
კინოზე, მის მშვენიერებასა და მისი შექმნის სირთულეებზე.
წიგნი აერთიანებს ფრანსუა ტრიუფოს სხვადასხვა დროს დაწერილ სტატიებს, სადაც მთავარი გმირები მისი საყვარელი რეჟისორები და მათი საკულტო ფილმებია. ფოტოებში, თითქმის ყველა მათგანი, კინოკამერასთან დგას, ყველა ფოტოში იგრძნობა მათი განსაცდელი; მათი ბიოგრაფიიდან ვიგებთ, რამდენად რთულ საქმეს არიან შეჭიდებულები და როგორ იბრძვიან იმისთვის, რომ ყოველი ფილმი წარმატებული იყოს.”
დედა-შვილი ან ღამე არ არის არასოდეს ბოლომდე ბნელი
12,00 ₾“წიგნში გაერთიანებულია ლანა ღოღობერიძის ახალი, სრულმეტრაჟიანი დოკუმენტური ფილმის, “”დედა-შვილი ან ღამე არ არის არასოდეს ბოლომდე ბნელი”” სცენარი და ლანას დედის, ნუცა ღოღობერიძის, ერთ-ერთი პირველი ქართველი ქალი რეჟისორის მოთხრობები, რომელიც მან 10 წლიანი გადასახლებიდან დაბრუნების შემდეგ დაწერა.
როგორც ზაირა არსენიშვილი წერდა თავის რეცენზიაში – “”ეს მოთხრობები ჩვენი ისტორიის, ჩვენი ლიტერატურის შენაძენია, თავისი დოკუმენტური უტყუარობით და მწერლური ოსტატობით. ავტორისთვის დამახასიათებელი ლაკონიური თხრობა და სიწრფელე კიდევ უფრო შთამბეჭდავს ხდის ჩრდილოეთის უცხო და მკაცრ გარემოში გადასახლებული ქალების გაუსაძლის ყოფას. და რაც ასე მნიშვნელოვანია და ღირებული, ეს მოთხრობები გისახავს რწმენას, რომ ყველა ვითარებაში, უმძიმესი განსაცდელის დროსაც, ადამიანს ძალუძს ღირსეულად გაუძლოს ჭირთათმენას და დარჩეს ადამიანად.”
თენგიზ აბულაძე – ანარეკლები
30,00 ₾წიგნზე მუშაობა ნანა ჯანელიძემ და ნინო ნატროშვილმა 1994 წელს დაიწყეს, თენგიზ აბულაძის გარდაცვალების შემდეგ. მიზეზი მარტივი იყო: აღმოჩნდა, რომ ფილმების გარდა, მისი პიროვნება არსად იყო აღბეჭდილი, არც ფირზე, არც ინტერვიუებში, არც პირად არქივში, არც ჩანაწერებში. ამიტომ გადაწყდა, რომ მისი ანარეკლები მოეძებნათ მათში, ვისთანაც მეგობრობდა და მუშაობდა. სხვების თვალით დანახული თენგიზ აბულაძე დიდ მუხტს შეიცავდა, ამ მოგონებებით კი ქართული კინოს ისტორია დაიხატა, “მაგდანას ლურჯადან” – “მონანიებამდე” პერიოდი, რომელსაც “ოქროს ხანას” უწოდებენ
დავითი და გოლიათი
20,00 ₾“მალკომ გლედველი „ნიუ-იორკ თაიმსის“ ხუთი ბესტსელერის ავტორია. ის ხშირად წერს ჟურნალისთვის „ნიუ-იორკერი“.
მის წიგნებს ამერიკულ უნივერსიტეტებში ასწავლიან მარკეტინგის, სოციოლოგიის, ისტორიის, პოლიტოლოგიისა და ფსიქოლოგიის ფაკულტეტებზე. გლედველი ასევე მოხვდა ჟურნალ „თაიმის“ 100 ყველაზე გავლენიან ადამიანთა შორის, როგორც ჩვენი დროის ერთ-ერთი ყველაზე გამორჩეული და საინტერესო მოაზროვნე.
გლედველის „დავითი და გოლიათი“ სრულიად მოულოდნელი წიგნია, ტექსტი, რომელიც კვებავს როგორც გონებას, ისე გულს. წიგნში თავმოყრილ ამბებს აერთიანებს იდეა, რომ ხანდახან ნაკლოვანება უპირატესობაა და ხანაც პირიქით, უპირატესობა – ნაკლია. თუმცა, ამ ამბებს კიდევ – რაღაც ისეთი აკავშირებს, რაც წარუშლელ შთაბეჭდილებას და გავლენას ახდენს მკითხველზე, და აღაფრთოვანებს მას.„როცა ამ წიგნს კითხულობ, ისეთი განცდა გეუფლება, რომ მთებს გადადგამ, გოლიათებს მოერევი… ნამდვილად დამაინტრიგებელი და შთამაგონებელია“ – წერდნენ კრიტიკოსები.”
კანარის ჩიტი
15,00 ₾ეს წიგნი, სრულად ილუსტრირებული საშობაო ზღაპარი ბავშვებისთვის, წმინდა ნინოს სახელობის ფოკის დედათა მონასტრის პროექტია.
გზაზე
24,95 ₾ამერიკელი მწერალი და პოეტი ჯეკ კერუაკი (1922-1969) ბიტ-მოძრაობის პიონერია. „გზაზე“ კერუაკის საუკეთესო ნაწარმოებად ითვლება. რომანი ძალიან სწრაფად – სამ კვირაში დაიწერა, თუმცა მისი გამოქვეყნება ავტორმა მხოლოდ შვიდი წლის შემდეგ – 1957-ში მოახერხა. „გზაზე“ ავტობიოგრაფიული წიგნია. სალ ფარადაიზი (რომლის პროტოტიპი თავად ჯეკ კერუაკია) შეერთებულ შტატებსა და მექსიკაში მოგზაურობს. მისი ლეგენდარული ოდისეა ამერიკული ლიტერატურის კლასიკად იქცა. წიგნი, რომელსაც გამოქვეყნებისას კრიტიკოსების უარყოფითი გამოხმაურება მოჰყვა, დღეს მეოცე საუკუნის ასი საუკეთესო ინგლისურენოვანი რომანის სიაშია შეტანილი.
დჰარმის მაწანწალები
22,95 ₾„ბავშვობაში ორეგონში სულაც არ ვგრძნობდი თავს ამერიკელად. ჩემთვის უცხო იყო პროვინციული იდეალები, სექსთან დაკავშირებული აკრძალვები… მაგრამ შემდეგ ბუდიზმი აღმოვაჩინე და მივხვდი, რომ ადრეც მიცხოვრია, მრავალი საუკუნის წინ, ახლა კი მაშინდელი შეცდომებისა და შეცოდებებისთვის ვისჯები. ასეთი ხვედრი მერგო – დავბადებულიყავი ამერიკაში, სადაც ვერავინ ხალისობს და არავის არაფრის სწამს, განსაკუთრებით კი თავისუფლების“. ეს ჯეფი რაიდერის, „დჰარმის მაწანწალების“ ერთ-ერთი მთავარი გმირის სიტყვებია, რომლებიც ამ წიგნის სულისკვეთებას საუკეთესოდ გამოხატავს. ჯეკ კერუაკმა წიგნი 1958 წელს გამოაქვეყნა. ერთი წლით ადრე რომანი „გზაზე“ გამოიცა, რომლის ერთგვარ გაგრძელებასაც წარმოადგენს „დჰარმის მაწანწალები“. ეს რომანი, ისევე, როგორც „გზაზე“, ავტობიოგრაფიულია – გმირების უმრავლესობას რეალური პროტოტიპი ჰყავს. ბუდიზმით გატაცებული რეი სმიტი (კერუაკი) და მისი მეგობარი პოეტები ცდილობენ, სულიერი სიმშვიდე ცივილიზაციისგან შორს, მთებში ხეტიალითა და მედიტაციით მოიპოვონ.
აღმოსავლური სიბრძნე და თანამედროვეობა
20,95 ₾როგორია სინამდვილეში რეალობა? როგორც ქმნის ინდივიდის საზოგადოებასთან ურთიერთობის მცდელობები რეალობის ცრუ აღქმას? სად მთავრდება საზოგადოება და სად იწყება პიროვნება?
ალან უოტსი ამ სკანდალურ ლექციათა კრებულში დასავლური ცივილიზაციის ყველაზე წმინდად მიჩნეულ ცნებებს თავდაყირა აყენებს და თხრობის, ერთდროულად, პროვოკაციული და მხიარული მანერით მკითხველს უბიძგებს, გათავისუფლდეს თავიანთივე შექმნილი ილუზიებისგან, იცხოვროს უფრო ღრმა და, ამავე დროს, მშვიდი, მარტივი ცხოვრებით.
ალან უოტსი დასავლეთში აღმოსავლური სიბრძნისა და მემკვიდრეობის ერთ-ერთი გამორჩეული ინტერპრეტატორია. უოტსი საოცარი სიცხადით გვიამბობს იმ აღმოსავლური ფილოსოფიების შესახებ, რომლებმაც თანამედროვე ადამიანის სულიერების ფორმირებაში გადამწყვეტი როლი ითამაშა.
უოტსის თქმით, ადამიანი იტანჯება მხოლოდ და მხოლოდ იმიტომ, რომ ზედმეტად სერიოზულად უყურებს იმას, რაც, მისი აზრით, ღმერთებმა გასართობად შექმნეს.
თუ მზად ხართ, ამოყოთ თავი ისეთი კითხვების მორევში, რომლებსაც მზა პასუხები არ აქვს, ჩაეფლოთ დროის მიღმა არსებულ ცნებებში და თქვენს ცნობიერებას ოდნავ გაფართოების შანსი მაინც მისცეთ (რადაც არ უნდა დაგიჯდეთ ეს), “აღმოსავლური სიბრძნე და თანამედროვეობა” სწორედ თქვენთვისაა.
საქმიანობა, სახელად ცხოვრება – ჩეზარე პავეზე
24,95 ₾„საქმიანობა, სახელად ცხოვრება“ – ჩეზარე პავეზეს პირადი დღიურია, რომელიც მოიცავს 1935 წლიდან 1950 წლამდე პერიოდს. წიგნში თავმოყრილია ინტიმური ჩანაწერები, ფიქრები, განცდები და ის ინტელექტუალური კვლევები, რომლებსაც ავტორი თავისი ცხოვრების ბოლო 15 წლის განმავლობაში აგროვებდა.დღიური მკითხველს უშუალოდ აცნობს პავეზეს შინაგან სამყაროს – მარტოობის იმ განცდას, რომელიც მუდამ თან სდევდა, მუდმივ სწრაფვას შემოქმედებითობისკენ, ადამიანებთან ურთიერთობის სირთულეებს.
პირადი ჩანაწერების გარდა პავეზეს დღიური იმ სასტიკ და დაუნდობელ სამყაროს ცხადყოფს, რომელშიც თავად ცხოვრობდა – წერს ომზე, ფაშიზმზე, იტალიაზე…
ეს წიგნი ღრმად ემოციური და ინტელექტუალურად დახუნძლული ქრონიკაა ადამიანისა, რომელიც მუდმივად ეძებდა სიცოცხლის მნიშვნელობას, თუმცა შვებას კი ვერ მიაგნო.
ანბანის თაიგულის გასაფერადებელი წიგნი
14,00 ₾თქვენთვის მოვამზადეთ გრიგოლ ტატიშვილის “ქართული ანბანის თაიგულის” (1902 წელი) მიხედვით გამოცემული ანბანის ასოების გასაფერადებელი წიგნი.
ირინკას დღიური
20,00 ₾“ირინკას დღიური” წარმოადგენს თხუთმეტი წლის მოზარდის სულიერი სამყაროს ამსახველ დოკუმენტს, სადაც 1989-1990 წლების პირადი განცდები და ყოველდღიური ცხოვრების წვრილმანები ჰქმნიან ეპოქის სურათს. მოზარდი გოგონა ირინკა გამოგონილ მეგობარს, სახელად პაკოს, წერილების საშუალებით უზიარებს თავის ფიქრებს და ემოციებს. ის განსაკუთრებული სიფაქიზით აღწერს პირველი სიყვარულის განცდას, მეგობრობის ფასს და ოჯახური ურთიერთობების სირთულეებს. ირინკა ასევე აანალიზებს საკუთარ გრძნობებს და ურთიერთობებს, წერილებში განსაკუთრებული სიზუსტით აღწერს ყოველდღიურ მომენტებს – სკოლიდან სახლში დაბრუნებას, მეგობრებთან შეხვედრებს, ოჯახურ საუბრებს, რაც მის ჩანაწერებს განსაკუთრებულ სიცოცხლისუნარიანობას სძენს. დღიურში აღწერილი პირადი განცდები – მონატრება, სიყვარული, იმედგაცრუება, სიხარული – წარმოადგენს იმ ემოციურ ფონს, რომელზეც იხატება მოზარდის ფსიქოლოგიური პორტრეტი. საკუთარი გრძნობების ანალიზი და რეფლექსია – მოვლენების გააზრება, ჰქმნის მოზაიკას, სადაც ყოველი წვრილმანი დეტალი მნიშვნელოვან როლს ასრულებს მთლიანი სურათის შექმნაში. ეს დღიური წარმოადგენს არა მხოლოდ მოზარდის პირად ჩანაწერებს, არამედ ტექსტს, რომელიც ასახავს ახალგაზრდა ადამიანის სულიერ ზრდას, მის ურთიერთობას გარე სამყაროსთან და საკუთარ თავთან. წიგნში კარგად ჩანს, თუ როგორ აისახება საზოგადოებრივი ცვლილებები ადამიანთა ყოველდღიურ ცხოვრებაში. ირინკას მგრძნობიარე დამოკიდებულება სოციალური პრობლემებისადმი, მისი ინტერესი თანამოქალაქეების ბედის მიმართ და თანაგრძნობის უნარი წარმოაჩენს მას, როგორც მოაზროვნე ახალგაზრდას, რომელიც აცნობიერებს საკუთარ პასუხისმგებლობას საზოგადოების წინაშე. ეს არის წიგნი, რომელიც გვაჩვენებს, როგორ ყალიბდება პიროვნების სოციალური ცნობიერება მოზარდობის ასაკში.
ხასიათები
24,95 ₾თეოფრასტოსის „ხასიათები“ 30 ერთმანეთისგან მეტ-ნაკლებად განსხვავებული, განზოგადებული პორტრეტისაგან შედგება და ბერძნულ ყოველდღიურ ყოფას ასახავს. ამ პატარა ნაწარმოებების კითხვისას თვალწინ წარმოგვიდგება ცოცხალი პერსონაჟი ანტიკური ყოველდღიურობიდან, ადამიანური ნაკლოვანებებით, ზოგჯერ უკულტურო ჩვევებითა და ქცევით, თუმცა ჩვენ არ გვაშფოთებს თეოფრასტოსის უხეში ნატურალიზმი, რადგან ეს ცოცხალი ადამიანის ჩვენებაა – ჩანახატი ნატურიდან.
თეოფრასტორი არისტოტელეს მოწაფე იყო და, როგორც მწერალი, უეჭველად აგრძელებს არისტოტელეს ხაზს, თუმცა, მასწავლებლისგან განსხვავებით, რომლის სტილიც მკაცრი და მეცნიერულია, მოწაფის სტილი რაღაც საშუალოა მეცნიერულსა და მხატვრულს შორის.
წიგნში აღწერილ თითოეულ განზოგადებულ პორტრეტს შესაბამისი ილუსტრაცია ახლავს, ეს კი მკითხველს ეხმარება, კიდევ უფრო ცხადად და მკაფიოდ წარმოიდგინოს თეოფრასტოსის მიერ დახასიათებული ამა თუ იმ თვისებების მქონე ადამიანი.
მოკლე ინტერვიუები ამაზრზენ კაცებთან
29,90 ₾ამ კრებულით დევიდ ფოსტერ უოლესი უშიშრად და სრული თავდაჯერებით არღვევს მხატვრული ლიტერატურის ყველა შესაძლო საზღვარს. წიგნის სათაური თითქოს საკმარის მინიშნებას გვაძლევს, მაგრამ ის ბევრად მეტია – მის ყველა კუთხეში აბზაცებს შორის ჩამალულ მოულოდნელობებს ვაწყდებით.
მოკლე ინტერვიუებში დახატული „ამაზრზენი“ პორტრეტები ხშირად ძალიან ნაცნობია და ფამილარულისა და გამაოგნებლის ზღვარზეც გადის. აღსარებითი გულწრფელობით გამოძერწილი უზუსტესი დეტალები ზომიერადაა გაზავებული ავტორის იუმორით, რაც ტექსტებს დამატებით გემოს სძენს. ის, რასაც ფოსტერ უოლესი ამ კრებულით აღწევს, დიდი მწერლის ნიჭისა და შესაძლებლობების სრულყოფილი გამოვლინებაა, რომელიც მკითხველისთვის რთული, მაგრამ შეუდარებელი საჩუქარია.
„და ისიც არასოდეს მოსვლიათ აზრად, რომ, საკუთარი განსხვავებულობის ასე რომ სჯერათ, მაგიტომაც არაფრით განსხვავდებიან სხვებისგან.“
ტოპო-ტიპი ვისწავლოთ და ვითამაშოთ ერთად (3 წლიდან)
12,90 ₾ახლა უკვე შეგიძლია ისწავლო და ითამაშო ტოპო-ტიპთან ერთად!
ეს სახალისო თავსატეხების კრებული მრავალფეროვან სავარჯიშოებს აერთიანებს: დააწყვილე, შემოხაზე, გააფერადე, დაითვალე, დააკავშირე, გაიარე ლაბირინთი, გადახაზე განსხვავებული, შემოავლე კონტური…
ამ დავალებების შესრულებით სკოლამდელი ასაკის ბავშვები მათემატიკურ, ლოგიკურ და მოტორულ უნარებს გაიუმჯობესებენ.
ტრაგედიები
18,90 ₾„ტრაგედიები“ ძველი ბერძნულიდან თარგმნა და კომენტარები დაურთო ლევან ბერძენიშვილმა.
ესქილე ელევსისში, არისტოკრატიულ ოჯახში დაიბადა და ელევსისის მისტერიებმა მასზე დიდი გავლენა მოახდინა. ელევსისმა ესქილეს შემოქმედებას მისტიკურ-ფილოსოფიური მიმართულება მისცა, ხოლო ათენი და დიონისეს თეატრი მის ნამდვილ არენად იქცა. სწორედ ამიტომ ესქილე გახდა არა ლიტურგიული ჰიმნებისა და კანტატების მომღერალი, არამედ დიდი ტრაგიკული პოეტი. ის ათენის სცენის ნამდვილი მეფე იყო, ათენელი მაყურებელი ესქილეს, უბრალოდ, აღმერთებდა. ის ერთადერთი ავტორი იყო, რომლის პიესები მისი სიკვდილის შემდეგაც იდგმებოდა. უნდა ითქვას, რომ სოფოკლეს გამოჩენამდე ესქილეს ღირსეული მეტოქე არ ჰყოლია.
ეპოქა, რომელშიც ესქილეს მოუწია მოღვაწეობა, ბერძნების ცხოვრებაში მთავარი აღმავლობის ეპოქად მიიჩნევა. საბერძნეთში, ატიკაში საფუძველი ეყრებოდა მსოფლიოში უნიკალური დემოკრატიის მშენებლობას. ეს იყო ისტორიის ის ერთ-ერთი ბედნიერი ხანა, როდესაც ინდივიდი თავის თავს დიდი და მნიშვნელოვანი ერთობის ნაწილად იცნობიერებდა. მაგრამ, ამასთან, ეს იყო ახალი ბერძნული სახელმწიფოსთვის ურთულესი გამოცდის ჟამი. საბერძნეთს უზარმაზარი და ძლევამოსილი სპარსეთის იმპერია დაუპირისპირდა. აღსანიშნავია, რომ ეპიტაფიაში, რომელიც ესქილემ საკუთარ თავს დაუწერა, მან ხაზი გაუსვა ომებში გმირულ მონაწილეობას და ერთი სიტყვითაც არ ახსენა, რომ იგი თავისი ეპოქის უდიდესი ხელოვანი იყო.
ლევან ბერძენიშვილი
დიქტატორის ზარი
14,90 ₾ისმაილ კადარეს რომანი „დიქტატორის ზარი“ ერთ იდუმალებით მოცულ ამბავს იკვლევს – 1934 წელს იოსებ სტალინსა და პოეტ ბორის პასტერნაკს შორის შემდგარ ხანმოკლე სატელეფონო ზარს. ამ ერთი შეხედვით უმნიშვნელო მოვლენიდან კადარე ქმნის ტექსტს, რომელიც ძალაუფლებაზე, ლიტერატურაზე და ხელოვანსა და ტირანიას შორის რთულ ურთიერთობაზე დაგვაფიქრებს.
მწერალი რომანში არ ცდილობს თავად საუბრის რეკონსტრუქციას, რომლის ზუსტი დეტალები დღემდე უცნობად რჩება. სამაგიეროდ, კადარე განიხილავს ამ ზარის რამდენიმე ინტერპრეტაციასა და მის შედეგებს სტალინური ეპოქის კონტექსტში. იკვლევს შიშებისა და ეჭვების იმ ატმოსფეროს, რომელიც საბჭოთა კავშირში ინტელექტუალური ცხოვრების განუყოფელი ნაწილი იყო; იკვლევს იმასაც, თუ როგორ შეეძლო პოლიტიკურ ძალაუფლებას, შემოქმედებითი ხელოვნების სფეროში შეჭრილიყო.
„დიქტატორის ზარი“ დახვეწილი და ღრმა ნაწარმოებია, რომელიც აზრის თავისუფალი გამოხატვისა და რეპრესიულ სახელმწიფოში ხელოვანთა როლის მარადიულ კითხვებს ეხმიანება.
ჩიკი გაქცევა ბერლინიდან
12,90 ₾ერთი მოპარული მანქანა, ორი „უვარგისი“ ბიჭი და გზა, რომელსაც, სინამდვილეში, არც დასაწყისი აქვს, არც დასასრული…
ვოლფგანგ ჰერნდორფის რომანი „ჩიკი“ ოჯახის, სკოლისა და საზოგადოებისგან გარიყული ორი მოზარდის შესახებ მოგვითხრობს. მაიკ კლინგენბერგს სკოლაში ვერავინ ამჩნევს. არც მაგარია, არც პოპულარული. უბრალოდ – არის, სანამ ზაფხულის არდადეგების პირველ დღეს მის სახლს მოპარული თუ ნათხოვარი „ლადით“ ჩიკი, უცნაური და თავნება თანაკლასელი, არ მოადგება და ერთმანეთისთვის თითქმის უცხო ბიჭები გზას არ დაადგებიან. არც ზუსტი გეგმა აქვთ, არც რუკა, არც ნებართვა და არც მიზანი. მიდიან და გზად მხოლოდ უცხო ადგილებს, უცხო გზებსა და უცხო ადამიანებს კი არა, უპირველესად, საკუთარ თავს ეცნობიან.
„ჩიკი“ იმ ჩარჩოების გარღვევის ამბავია, რომლებშიც ცხოვრება გვამწყვდევს. ეს არის ისტორია იმაზე, რომ მეგობარი შეიძლება იპოვო იქ, სადაც ყველაზე ნაკლებად ელი, და იმაზეც, რომ გზა ცხოვრების საუკეთესო მასწავლებელია.
რელიგია მოკლე ისტორია
16,90 ₾თავის წიგნში „რელიგია – მოკლე ისტორია“ რიჩარდ ჰოლოუეი გვთავაზობს ცივილიზაციის ერთ-ერთი ყველაზე ძველი და საინტერესო ფენომენის – რელიგიის მოკლე, გონივრულ და ობიექტურ მიმოხილვას.
ავტორი ახლებურად აანალიზებს მსოფლიოს უმთავრესი რელიგიების (იუდაიზმი, ქრისტიანობა, ისლამი, ბუდიზმი, ჰინდუიზმი და სხვ.) განვითარების ისტორიას, მათ იდეებსა და გავლენას კულტურაზე, პოლიტიკასა და საზოგადოებაზე.
ის რელიგიას განიხილავს როგორც სოციალურ-სიმბოლურ ინსტრუმენტს, რომელიც ადამიანებს შიშთან, მარტოობასთან და გაურკვევლობასთან გამკლავებაში ეხმარება.
მიუხედავად თემის სირთულისა, ნაშრომის თხრობის სტილი გამოირჩევა სიმარტივით, ლაკონიურობითა და მოქნილობით. ავტორი, მიუხედავად იმისა, რომ თავად წლების განმავლობაში შოტლანდიური ეკლესიის მსახური იყო, გვერდს არ უვლის რელიგიის ბნელ მხარეებს — ძალადობას, დოგმატიზმს, დევნას, თუმცა არც მის ჰუმანურ ასპექტებს ტოვებს უყურადღებოდ.
სერია „მოკლე ისტორიები“ განკუთვნილია უფროსკლასელი მოსწავლეებისთვის, სტუდენტებისთვის ან, უბრალოდ, ცნობისმოყვარე მკითხველებისთვის, რომელთაც სურთ, ამა თუ იმ საკითხში გაიღრმავონ ცოდნა.
ტალღების ხმაური
12,90 ₾იუკიო მიშიმა (ნამდვილი სახელი სახელია კიმიტაკე ჰირაოკა) მეოცე საუკუნის ერთ-ერთი ყველაზე დიდი იაპონელი მწერალია. მისი ცხოვრებაცა და შემოქმედებაც დრამატიზმითაა სავსე. მიშიმას სტილი განსაკუთრებულია – ესთეტიზმი, სულიერება, სიკვდილი თუ სუიციდი, იაპონური ტრადიციები და გმირული სულისკვეთება, სიყვარულისა თუ პიროვნული ძიებები მისი ნაწარმოებების მთავარი თემებია…
„ტალღების ხმაური“ მიშიმას შემოქმედებისათვის უჩვეულოდ ნათელი რომანია. მოქმედება ვითარდება შემოსაზღვრულ გარემოში, კუნძულ უტაჯიმაზე, რომლის მიკროსამყაროც თითქოს უფრო სუფთა და დაცულია ბოროტებისგან.
მთავარ გმირს, ახალგაზრდა მეთევზეს, კუნძულზე ახალდაბრუნებული მყვინთავი გოგო უყვარდება. მეთევზე ბიჭი მამით ობოლი და ღარიბია, მყვინთავი მდიდარი ოჯახის შვილია. ეს, ერთი შეხედვით, კლასიკური ისტორიაა, მაგრამ სიუჟეტი ღრმა და საინტერესო განვითარებას იძენს.
რომანი სიყვარულისა და სიწმინდის ამბავია, რომელშიც ტრადიციები, შინაგანი ბრძოლა და ადამიანური ღირსება ერწყმის ერთმანეთს.
თეთრი მაგნოლია
14,95 ₾“აფხაზეთის ერთ პატარა, საიდუმლოებებით სავსე ქალაქში მხოლოდ მკვდარს შეუძლია, სიმართლე ხმამაღლა თქვას. ზღვის პირას, მაგნოლიების ასწლოვან პარკში, სწორედ მაშინ, როცა იქაურობა ბედნიერი ტურისტებით უნდა გაივსოს, საზარელი მკვლელობა ხდება. მსხვერპლი უცხო ახალგაზრდა ქალია, რომელსაც ადგილობრივებიდან მხოლოდ ერთი მდიდარი ოჯახი იცნობს. წარსული არასოდეს არ კვდება ჩუმად, ადრე თუ გვიან, ახმაურდება და ადამიანებს გაუგონარი სისასტიკისკენ უბიძგებს. ვინ არის ნამდვილი დამნაშავე და ვინ — ნამდვილი მსხვერპლი? თამარ ერაძე ფსიქოლოგიური თრილერის, დეტექტივისა და სასიყვარულო რომანის მოყვარულებს მომაჯადოებელ გამოცდილებას ჰპირდება. „თეთრი მაგნოლია” ტრილოგიის პირველი წიგნია.”
მარო მაყაშვილის დღიური
14,95 ₾მარო მაყაშვილის, საქართველოს დამოუკიდებლობისა და თავისუფლებისთვის მებრძოლი ახალგაზრდა ქალის, დღიური რჩება ერთ-ერთ ყველაზე შთამაგონებელ ტექსტად, რომელშიც აღწერილია არა მხო- ლოდ 1921 წლის სამხედრო ვითარება, არამედ 16 წლის მოზარდის ცხოვრებაც. ამ წიგნში გაიცნობთ მაროს, არა მხოლოდ როგორც ეროვნულ გმირს, არამედ როგორც პირველი კურსის სტუდენტს, რომელსაც საფრანგეთში სამეურნეო საქმის სწავლა უნდა: „მე თვითონ მინდა ვიმუშაო ჩემ მიწა- წყალზედ~; გოგონას, რომელიც წითლდება, როცა უცნობ თეთრჩოხიანს გადაეყრება შემთხვევით: „კარგი სახე აქვს. ძალიანაც მინდა გავიცნო~; და მებრძოლს, ვისთვისაც სამშობლოზე ფიქრია მამოძრავებელი ძალა: „ეჰ! რა დროს პირად გრძნობებზეა ლაპარაკი. ამ დღეებში წყდება სა- ქართველოს ბედ-იღბალი… სისხლის უკანასკნელ წვეთამდე ვიბრძო- ლებთ… რა არის უმაღლესი და ულამაზესი სამშობლოსადმი სიყვარუ- ლის გრძნობისა~. ეს გამოცემა კიდევ ერთხელ გააცოცხლებს გოგონას, რომელიც თავი- სუფლებისა და სამშობლოს სიყვარულის სიმბოლოდ იქცა; გოგონას, რომლის მთავარი იარაღიც სიმართლისა და ღირსების დაცვა იყო და რომელმაც გარდამტეხ დროს თქვა, მე იქ უნდა ვიყო, სადაც იღვრება თანამემამულეთა სისხლი და ცრემლიო.
ჰობიტი
24,95 ₾ჯ.რ.რ. ტოლკინის ჯადოსნური ზღაპარი, რომელსაც მკითხველი საოცარ სამყაროში შეჰყავს და ჰობიტის ოდისეის მეგზურად აქცევს. „ჰობიტი“ პირველად 1937 წელს გამოიცა. მიუხედავად იმისა, რომ წიგნი თავდაპირველად ბავშვებისთვის იყო განკუთვნილი, შეუდარებელმა თხრობამ და საინტერესო ფოლკლორულმა ელემენტებმა ყველა ასაკის მკითხველის გული დაიპყრო. ბილბო აბგელს, ამ მორიდებულ, მაგრამ გაბედულ ჰობიტს, ჯადოქარი გენდალფი და ცამეტი ჯუჯა ფათერაკებით სავსე მოგზაურობაში იწვევენ: დატყვევებული ტროლები, მიწისქვეშა გვირაბებში მობინადრე გობლინები, მომხიბვლელი, მაგრამ საშიში ელფები და, რა თქმა უნდა, ბნელი, უძირო მღვიმე, სადაც ჰობიტი ისეთ განძს გადააწყდება, რომელიც მთელ სამყაროს შეცვლის. „ჰობიტი“ არის მოგზაურობის, სიმამაცის, მეგობრობისა და პიროვნული ზრდის ისტორია. ეს წიგნი მკითხველს არა მხოლოდ ჯადოსნური სამყაროს კარს უღებს, არამედ აჩვენებს, თუ როგორ შეიძლება პატარა არსება, უბრალო, შეუმჩნეველი ცხოვრებიდან, დიად გმირად იქცეს. „ჰობიტი“ უფრო მეტია, ვიდრე უბრალო ზღაპარი. ეს არის წიგნი, რომელმაც ახალ, ტოლკინისეულ, სამყაროს დაუდო სათავე.