რბილი
გაცნობიერებული ცხოვრების საფუძვლები – ცხოვრება ტანჯვის გარეშე
40,00 ₾რატომ გადავწყვიტე ამ წიგნის დაწერა? მე მიყვარს ადამიანები და პროფესიიდან გამომდინარე, დიდი ხანია ვამჩნევ იმას, რომ ისინი იტანჯებიან, როცა ტანჯვის არანაირი აუცილებლობა არ არსებობს. ცხოვრება არ არის ტანჯვა, თუმცა ის სწორედ ასეთ სახეს იღებს, თუ ადამიანი გაუცნობიერებლად ცხოვრობს. ზოგჯერ რაკურსის მცირე ცვლილებაც კი საკმარისია ხოლმე იმისთვის, რომ ადამიანმა ტანჯვა წარსულს მიაბაროს და აღმოაჩინოს, რომ თურმე მის გარეშე ცხოვრება სავსებით შესაძლებელი და მეტსაც გეტყვით, ბუნებრივი ყოფილა. თავისი არსით, ემოციები ბუნებრივია, ტანჯვა – არაბუნებრივი, თუმცა ტანჯვა გაუცნობიერებლად ცხოვრების ბუნებრივი შედეგია.
რეალობა მრავალკომპონენტიანია. რაც უფრო ნაკლებ კომპონენტს ხედავს ადამიანი, მით უფრო დიდია იმის ალბათობა, რომ ის დაიტანჯება ან მინიმუმ, უკმაყოფილო იქნება საკუთარი ცხოვრებით.
წიგნის მიზანია, მკითხველში განავითაროს ის შტრიხები, აქცენტები და ხედვა, რომლებსაც ის შემდგომში, ცხოვრების ბოლომდე გამოიყენებს და გააფართოებს იმისთვის, რომ მეტი გაცნობიერებულობა შეიტანოს თავის ყოველდღიურ ცხოვრებაში.
მეორე ტრაქტატი სამოქალაქო მმართველობაზე & წერილი შემწყნარებლობის შესახებ
28,50 ₾წიგნში შევიდა დიდი ინგლისელი ფილოსოფოსის ჯონ ლოკის (1632-1704) ორი ყველაზე მნიშვნელოვანი პოლიტიკური ნაშრომი.
პირველი (მეორე ტრაქტატი სამოქალაქო მმართველობაზე), აყალიბებს ძირითად პრინციპებს, რასაც თანამედროვე ლიბერალური დემოკრატია ემყარება.
მეორე უფრო მცირე ზომის (წერილი შემწყნარებლობის შესახებ), ასაბუთებს სეკულარიზმს, ეკლესიისა და სახელმწიფოს გამიჯვნის აუცილებლობას როგორც გამართული სახელმწიფო წყობის, ისე ქრისტიანული (ან სხვა) რელიგიისთვის.
My Georgian Flavors
67,00 ₾“წიგნში თავმოყრილია 40-ზე მეტი საოჯახო რეცეპტი. კულინარიის სიყვარული დედისგან და ბებიებისგან გადმომეცა. რეცეპტები დაყოფილია სექციებად – სტარტერები, ცხელი კერძები, სოუსები, სალათები და ა.შ. წიგნი ილუსტრირებულია როგორც ფოტოებით, ასევე პატარა, ხელით შესრულებული ილუსტრაციებით.” – ირმა ლაღაძე
სულხან – საბა ორბელიანიდან ცისფერყანწელებამდე
19,95 ₾„სკოლას“ ორ ტომს აერთიანებს, პირველ ტომში შერჩევითაა მიმოხილული ჩვენი ლიტერატურა სულხან-საბა ორბელიანიდან ცისფერყანწელებამდე, ხოლო მეორე ტომი მთლიანად გალაკტიონს მიეძღვნება.
პირველ ტომში საუბარია საბაზე, დავით გურამიშვილზე, გრიგოლ ორბელიანის ერთ ლექსზე, ნიკოლოზ ბარათაშვილზე, ილიასა და აკაკიზე, შედარებით ვრცლად – ვაჟაზე, ძალიან მოკლედ ალექსანდრე ყაზბეგსა და დავით კლდიაშვილზე და უფრო ვრცლად ჩვენს დიდ რომანისტებზე, მიხეილ ჯავახიშვილსა და კონსტანტინე გამსახურდიაზე. წიგნში მოკლედაა მიმოხილული ტერენტი გრანელისა და ცისფერყანწელების პოეზიაც. ეს, რა თქმა უნდა, მხოლოდ ესეების კრებულია და არავითარ შემთხვევაში არ არის სახელმძღვანელო. მას არ გააჩნია პროგრამის სრულად ათვისების პრეტენზია. ამ წიგნებს მარტივი მიზანი აქვს – უბრალოდ დაეხმაროს მოსწავლეს.
შევეცადე, მელაპარაკა არსებითად და თანაც სკოლის მოსწავლისთვის გასაგები ენით, თუმცა წიგნი არც სტუდენტებისთვის და არც სხვა ასაკის მკითხველისთვის უნდა იყოს მიუღებელი.
გალაკტიონი
19,95 ₾ჩვენი სერია ორ ტომს აერთიანებს, პირველ ტომში შერჩევითაა მიმოხილული ჩვენი ლიტერატურა სულხან-საბა ორბელიანიდან ცისფერყანწელებამდე, ხოლო მეორე ტომი მთლიანად გალაკტიონს ეძღვნება.
ეს წიგნი ახალგაზრდა მკითხველზეა გათვლილი და არაა გადატვირთული სოფისტიკით, მეცნიერული წიაღსვლებით ან გალაკტიონის ბგერწერაზე, მეტრიკასა და მეტაფორისტიკაზე ამომწურავი საუბრებით.
წიგნში შევეცადე, წარმომედგინა ჩემი პირადი დამოკიდებულება გალაკტიონისადმი.
და როგორია ჩემი პირადი დამოკიდებულება ჩვენი პოეზიის უკანასკნელი გენიოსისადმი?
გალაკტიონი არის მეოცე საუკუნის მსოფლიო პოეტი. როგორც რომაელი დრამატურგი, ტიტუს მაკკიუს პლავტუსი ამბობდა, Nomen est omen „სახელი თავად ლაპარაკობს საკუთარ თავზე“, გალაკტიონი არის გალაქტიკა, კოსმოსური პოეტი. შედევრების რიცხვით მას, ალბათ, ვერავინ ვერასოდეს ვერ გაუტოლდება. ჩვენ უბრალოდ ვალდებული ვართ, რომ ეს განძი მსოფლიოს ვაჩუქოთ. დიახ, გალაკტიონი მსოფლიოს ეკუთვნის და მსოფლიო მას საერთოდ არ იცნობს. იყო რამდენიმე გამონაკლისი, როდესაც ზოგიერთმა ჩვენმა კეთილმოსურნემ მსოფლიოს გალაკტიონი უხსენა ან გაახსენა, ან შეახსენა (ვგულისხმობ ბორის პასტერნაკის მაღალ შეფასებას, როდესაც ნობელიატმა პოეტმა ბრძანა, ბარათაშვილს, შექსპირსა და გოეთეს შევბედე თარგმნა და გალაკტიონს ვერ შევბედეო; ბულატ ოკუჯავას მიერ იტალიური გამოცემისთვის მიცემულ ინტერვიუში გალაკტიონის მსოფლიოს ნომერ პირველ პოეტად დასახელებას; ასევე ბელა ახმადულინას ყველაზე უფრო ადეკვატურ თარგმანებსა და მშვენიერ სიტყვას გალაკტიონზე ნიუ-იორკში), მაგრამ ეს მხოლოდ ზღვაში წვეთია. ის ამბავი, რომ ზოგიერთ კულტურაში გალაკტიონი ცნობილია მხოლოდ როგორც ტიციანის ბიძაშვილი, კიდევ ერთხელ მიგვითითებს იმ სამუშაოთა მოცულობაზე, რომელიც დღევანდელი თაობის გასაკეთებელია.
ლევან ბერძენიშვილი
ფსიქოტროპი
15,00 ₾“დრამატურგიით დაინტერესება ჩემმა მეგობრებმა განაპირობეს. დიდი ხნის წინ, ამ საქმეში
გამოუცდელს სრული ნდობა გამომიცხადეს და პიესის დაწერა მთხოვეს. წერის და ფიქრის
პროცესშიც ჩემს გვერდით იყვნენ და ის შიშიც გადამალახინეს, რაც საერთოდ, პირველად
მომხდარ ამბებს ახლავს. ასე დაიბადა „ბამბაზიის სამოთხე“ და ჩემი მეგობრები კი –
რეჟისორი გიორგი სიხარულიძე და რეჟისორი (და იმ დროს მსახიობიც) იოანე ხუციშვილი,
თეატრის ჯადოსნურ და ურთულეს სამყაროში ჩემს მუდმივ მეგზურებად იქცნენ. ამ კრებულში
შესული პიესების უმრავლესობა სწორედ სხვადასხვა თეატრის დაკვეთითაა დაწერილი,
შესაბამისად, ისინი დაიდგა კიდეც სცენაზე. ამ მხრივ განსაკუთრებით ნაყოფიერი გიორგი
სიხარულიძესთან ურთიერთობა აღმოჩნდა – ჩვენ თითქმის ათ სპექტაკლზე ვიმუშავეთ და
ერთად გავიარეთ ის ძნელი და საინტერესო გზა, რაც პირველი რემარკიდან იწყება და
ფიცარნაგის ზღურბლთან მთავრდება. ეს იყო (და არის) დიდი თანამოაზრეობის,
თავისუფლების და საერთო იდეალების მიმართ ერთგულების ვნებით დამუხტული
შემოქმედებითი დრო, რის გამოც მუდმივად მადლიერი ვიქნები ღვთისაც და ამ
ადამიანებისაც.- ნინია სადღობელაშვილი
ქართული პოეზიის ანთოლოგია – 12 ქალი პოეტი
30,00 ₾წინამდებარე კრებული 12 ქართველი თანამედროვე პოეტი ქალის ლექსებს აერთიანებს. პოეზიის სამშობლოდ მიჩნეულ ქვეყანაში პოეტების სიმრავლე არავის უკვირს, თუმცა ნებისმიერი ახალი კრებული კიდევ ერთხელ წარმოაჩენს ხოლმე ქართული პოეზიის სივრცეებს, მის აქტუალობას და მარადისობის მძლავრ ანარეკლებს მასში. 12 პოეტი ქალი – სხვადასხვა თაობის, განსხვავებული ხმისა და სათქმელის, თვითმყოფადი მხატვრული სამყაროს შემოქმედია. მათი ფიზიკური და მეტაფიზიკური სამშობლო საქართველო და ქართული ენაა. სწორედ ამ წიაღიდან იშლება მათი მხატვრული აზროვნების ჰორიზონტები, რომლებიც თანამედროვე გლობალური სამყაროს ტკივილებს ირეკლავს.
ხიდი ტერაბითიაში
12,95 ₾ერთი თოკი, ერთი ნახტომი და შენ უკვე ტერაბითიაში ხარ! ჯეს აარონსს ეგონა, რომ მისი ზაფხული მხოლოდ სირბილში ვარჯიშით შემოიფარგლებოდა, სანამ მეზობლად უცნაური გოგონა, ლესლი ბერკი არ დასახლდა. მათ ერთად შექმნეს სამყარო, სადაც ჯადოქრობა რეალურია, ხოლო შიშები თითქმის არ არსებობს. მაგრამ რა ხდება მაშინ, როდესაც რეალობა მოულოდნელად იჭრება ზღაპარში? ეს არის ამბავი დიდ დანაკარგზე, გამბედაობასა და იმ უხილავ ხიდებზე, რომლებსაც ადამიანები ერთმანეთის გულებამდე ვაგებთ. „ხიდი ტერაბითიაში“ მსოფლიო ლიტერატურის შედევრია, რომელიც გვასწავლის, რომ ყველაზე ბნელ დროსაც კი, მეგობრის ხელი და ფანტაზიის უნარი გადაგვარჩენს, და შეგვახსენებს, რამდენად ფასდაუდებელია ბავშვობის პირველი, ყველაზე გულწრფელი ემოციები. „ხიდი ტერაბითიაში“ მსოფლიო ლიტერატურის შედევრია, რომელიც განსაკუთრებით ცნობილი 2007 წლის ეკრანიზაციის შემდეგ გახდა.
მდიდარი მამა ღარიბი მამა
19,95 ₾ეს მოტივაციური გზამკვლევი ამსხვრევს მითს, თითქოს სიმდიდრის მისაღწევად აუცილებელია მაღალი შემოსავალი – განსაკუთრებით დღეს, როდესაც ტექნოლოგიები, რობოტები და გლობალური ეკონომიკა თამაშის წესებს ცვლის; გვასწავლის, რატომ შეიძლება აქტივების შეძენა და შექმნა უფრო მნიშვნელოვანი იყოს თქვენი მომავლისთვის, ვიდრე მაღალი ხელფასი – და რა საგადასახადო უპირატესობებით სარგებლობენ ინვესტორები და ბიზნესის მფლობელები; ეჭვქვეშ აყენებს რწმენას, რომ თქვენი სახლი აქტივია – როგორც ეს მილიონობით ადამიანმა საკუთარ თავზე გამოცადა, როდესაც უძრავი ქონების ბაზარზე კრიზისი დაიწყო; გვახსენებს, რატომ არ უნდა ვენდოთ სასკოლო სისტემას, რომ ჩვენს შვილებს ფულის მართვა ასწავლოს და რატომ არის ეს კრიტიკული უნარი დღეს უფრო მნიშვნელოვანი, ვიდრე ოდესმე; ხსნის, რა უნდა ასწავლოთ თქვენს შვილებს ფულის შესახებ რათა ისინი მზად იყვნენ თანამედროვე სამყაროს გამოწვევებისა და შესაძლებლობებისთვის და იცხოვრონ იმ მდიდარი ცხოვრებით, რომელსაც იმსახურებენ.
ძმები ჰოთორნები
18,95 ₾მსოფლიო ბესტსელერი! 4 მლნ-ზე გაყიდული ეგზემპლარი! The New York Times-ისა და USA Today -ს ბესტსელერების ტოპ-ათეულის წიგნი. Amazon-ის ეკრანიზაცია. Good Choice Awards-ის გამარჯვებული. Kirkus Review-ისა დაPublishers Weekly-ს ვერსიით წლის წიგნი. იატაკქვეშა სათამაშო სახლი; ფული, ძალაუფლება და ფსონები. ოთხი ძმა, მემკვიდრე ეივერი და ორი სახიფათო მისია-თამაში. საოცარი თავგადასავლები და ახალი საიდუმლოები, რომლებიც გრეისონ და ჯეიმსონ ჰოთორნებმა უნდა ამოხსნან. თამაშები გრძელდება!
უკანასკნელი გამბიტი
16,95 ₾„უკანასკნელი გამბიტი“ „მემკვიდრეობის თამაშების“ გაგრძელებაა. ეს არის უჩვეულო დეტექტივი-გამოცანა, მოულოდნელი სიუჟეტური გადახვევებითა და თავსატეხებით, რომანტიკით, ინტრიგებით, ვერაგობითა და ერთგულებით, სიყვარულის სამკუთხედითა და დაძაბული თამაშით. მემკვიდრეობისთვის ბრძოლა გრძელდება! ეივერის ბოლო თამაში დარჩა, რომ ჰოთორნების მემკვიდრეობა მიიღოს, მაგრამ ეს არც ისე ადვილია. მამაც გოგონას ბედი გაუღიმებს თუ ამჯერადაც მისი გონიერება გაიმარჯვებს?! ახლა მას ძალიან ძლიერი მეტოქე ჰყავს, მაგრამ მის გვერდით ძმები ჰოთორნები არიან.
ურჩი
24,95 ₾პეიდინი დევნილია. მას შემდეგ, რაც ილიის სიმშვიდე დაარღვია, მისი ერთადერთი გზა სასტიკ მიწაზე გაქცევაზე გადის. აქ, უცხო და სახიფათო უდაბნოში, გადარჩენა მხოლოდ უდრეკი ნებისყოფითაა შესაძლებელი. თუმცა, პეიდინს კვალდაკვალ მიჰყვება ადამიანი, რომლისგან თავის დაღწევაც ყველაზე მეტად სურს და, ამავდროულად, ყველაზე მეტად უჭირს. როდესაც მონადირე და მსხვერპლი პირისპირ ხვდებიან, ზღვარი მოვალეობასა და ვნებას შორის იშლება. აქ მათ მოუწევთ ბრძოლა არა მხოლოდ ერთმანეთის, არამედ იმ აკრძალული გრძნობების წინააღმდეგ, რომლებიც ორივეს განადგურებით ემუქრება. სასტიკი არჩევანი სამეფოსადმი ერთგულებასა და გულისხმას შორის – ამ სახიფათო თამაშში მხოლოდ ერთი გადარჩება. თუმცა, როდესაც სიყვარული და სიძულვილი ერთმანეთში ირევა, გამარჯვება შესაძლოა ყველაზე დიდ დამარცხებად იქცეს.
ბახტრიონი დახატული ლეგენდა
25,00 ₾ვაჟა-ფშაველას პოემის “ბახტრიონი” მიხედვით შექმნილი ილუსტრირებული პოემა. “ბახტრიონის” წინამდებარე ტექსტი ემყარება 1956 წლის გამოცემას. ილუსტრაციების ავტორი – ჟუჟა ქემოკლიძე
კანიბალები
27,00 ₾ეს წიგნი მართლაც კანიბალებზეა, მაგრამ ბევრი ალეგორიაც შეგიძლიათ მოძებნოთ.
,, სინამდვილესა და წარმოსახვას შორის ზღვარი არ არსებობს. რაც შენს თავში ხდება, იმას არ ნიშნავს, რომ რეალური არაა. ყველაფერი, რაც დღეს იხილე, შენივე წარმოსახვის ნაყოფია და ის გაცილებით ნამდვილია, ვიდრე ეს რეალობა, რომელშიც იმყოფები. მაგრამ საბოლოო ჯამში, შენ უნდა გადაწყვიტო. სიმართლის გარკვევა მხოლოდ და მხოლოდ შენი პასუხისმგებლობაა.“
„ქალაქი მტვრის ბუდეშია გახვეული. სადაც სიმშვიდეა, ხმაურს ნატრობენ, სადაც ხმაურია – სიწყნარეს ეტროფიან. გზა საბურავებს თოვლის, კედლები – ჭორებს, ბანკომატები – ფულს, ხალხი კი – წუთებს. ცას მიწის მეთვალყურეობა ებარება, მიწას – თავის მოვლა, ჩვილს – ტირილი, ქუჩებში ავი ძაღლები ყეფენ. მაღაზიებში კვერცხები გამოილა, გულებში – ლოცვა, ერთი ბიბლია ყველა ოჯახში დევს.“
დჰამაპადა
18,00 ₾დჰარმაპადა ბუდისტური ლიტერატურის ერთ-ერთი ყველაზე ცნობილი და გამორჩეული ნაწარმოებია. იგი წარმოადგენს ბუდისტური წერილობითი მემკვიდრეობის უძველესი გადარჩენილი ტექსტების ნაწილს და ტრადიციულად მიიჩნევა თავად ბუდას ავთენტურ სწავლებად, რომელიც მან სიცოცხლეში წარმოთქვა და მისი გარდაცვალების შემდეგ მისმა მოწაფეებმა დაიმახსოვრეს და თაობებს გადასცეს.
ჩაკრები
29,00 ₾ჩარლზ ვ. ლედბიტერის „ჩაკრები“ არის წიგნი, რომელიც გვთავაზობს ადამიანის სხეულში არსებული უძველესი და მისტიკური ენერგეტიკული ცენტრების სიღრმისეულ შესწავლას. ავტორი გვიზიარებს თავის უნიკალურ შეხედულებებს და გამოცდილებას ჩაკრების შესწავლისას და აერთიანებს აღმოსავლურ სულიერ ტრადიციებს დასავლურ ეზოთერულ ცოდნასთან.
ავტორი „ჩაკრაში“ განმარტავს სასიცოცხლო ენერგიის ცენტრების ბუნებას, ფუნქციას და მნიშვნელობას, რაც მკითხველს აძლევს დეტალურ ცოდნას მათი როლის ფიზიკური, ემოციური და სულიერი კეთილდღეობის შესახებ. მისი მკაფიო და ხელმისაწვდომი ნაწერი რთულ მეტაფიზიკურ ცნებებს გასაგებს ხდის, როგორც ახალბედებისთვის, ასევე სულიერი კვლევების გამოცდილი პრაქტიკოსებისთვის.
„ჩაკრები“ აუცილებელი საკითხავია ყველასთვის, ვისაც აინტერესებს ადამიანის სხეულის რთული ენერგეტიკული სისტემების გაგება და მათი ღრმა გავლენა ჯანმრთელობასა და ცნობიერებაზე. ჩარლზ ვ. ლედბიტერის ავტორიტეტული და გამჭრიახი ნაშრომი კვლავაც ქვაკუთხედია ეზოთერული ანატომიის და სულიერი განვითარების შესწავლაში.
ამ წიგნის ქართულ ენაზე გამოჩენა მართლაც რომ მნიშვნელოვანი მოვლენაა, რადგან საქართველოში ქართულ ენაზე ჩაკრების შესახებ ნაშრომი ფაქტობრივად პირველად გამოიცა.
როგორ ვაქციე ჩემი ცხოვრება წიგნად
12,90 ₾კატინკას ჰგონია, რომ მის ცხოვრებაში ყველაფერი ჩვეულებრივია – სკოლა, ვარჯიში, მამა, ძმა. მაგრამ როცა გადაწყვეტს, მწერალი გახდეს, ის, რაც ჩვეულებრივი ეგონა, არაჩვეულებრივი ხდება.
რა უნდა გააკეთოს მიზნის მისაღწევად? – რა თქმა უნდა, მწერლებივით წერა უნდა ისწავლოს. ვინ იცის ეს საქმე ყველაზე კარგად? – რა თქმა უნდა, მწერალმა. და კატინკაც დაემოწაფება მეზობელ ლინდას, რომელიც, არც მეტი, არც ნაკლები, ბესტსელერების ავტორია.
კატინკა სწავლობს და აღმოაჩენს, რომ წერა მხოლოდ სიტყვების დაწყობა კი არა, სამყაროს დანახვის, საკუთარი გრძნობების გაგებისა და გადმოცემის ხელოვნება ყოფილა. შეგიძლია მკითხველს შენი სამყარო აჩვენო და გარშემომყოფები პერსონაჟებად გადააქციო.
აი, ეს ყოფილა წერა.
ასე რომ, ამბავი იმაზე, თუ როგორ აქცია კატინკამ თავისი ცხოვრება წიგნად, მათთვისაა, ვისაც გულწრფელი ისტორიები უყვარს; ვისაც არ შეეშინდება, საკუთარ თავგადასავალს მოჰყვეს, საკუთარი განცდები აჩვენოს, გზადაგზა შეცდომებიც დაუშვას, მაგრამ საბოლოოდ საკუთარი სათქმელი და ხმა იპოვოს.
ჩვენი ცხოვრების ფილმი
12,90 ₾12 წლის ოლივია ბარსელონაში, დედასთან და უმცროს ძმასთან ერთად ცხოვრობს. თავად რომ ჰკითხოთ, მისი ცხოვრება არაფრითაა გამორჩეული; როგორც ყველა მისი თანაკლასელი, თვითონაც საღამოობით საშინაო დავალებებს ასრულებს. თუმცა, ერთ საღამოს, როდესაც ოლივიას საკლასო პროექტისთვის ინტერნეტ-სტატია აქვს წასაკითხი, სახლში ელექტროენერგია ითიშება და კომპიუტერიც ირთვება. ამ, ერთი შეხედვით, უმნიშვნელო ამბის შემდეგ, ოლივიას და მისი ოჯახის „არაფრით გამორჩეულ“ ცხოვრებაში მოულოდნელი ამბები იწყება, რაც ოლივიას ნამდვილ გმირად აქცევს.
ოლივიას ტელევარსკვლავი დედა ჰყავს, თუმცა ბოლო დროს არც სერიალებში და არც რეკლამებში აღარ იწვევენ. საქმე იმდენად ცუდადაა, რომ მალე მათ პატარა ოჯახს ბინიდან გამოსახლება დაემუქრება. როგორ უნდა მოიქცეს 12 წლის გოგონა იმისათვის, რომ პატარა ძამიკო ვერაფერს მიხვდეს? საგონებელში ჩავარდნილ ოლივიას გენიალური იდეა დაებადება – კინოში ხომ ყველაფერი ხდება და მათი ცხოვრებაც ფილმივითა…