ვერელი პაპის პარადოქსი

ლია ბაბუნაშვილი დაიბადა 1964 წლის 11 ოქტომბერს. იმ წელიწადს თბილისის “დინამო” პირველად გახდა სსრკ-ს ჩემპიონი. პროფესიით სპორტული ჟურნალისტია – მესვეტე, ბლოგერი, წიგნების ავტორი, თანაავტორი და მთარგმნელი. იმავდროულად მას მწერლობასაც მოუსინჯა ძალა. გამოცემული აქვს რომანები: “იმპერატორის მახვილი”, “ეზ ეზუნავორანი” და მოთხრობათა კრებული “თეთრი ფანქრით დახატული ნისლი”. ჟურნალ “ლიტერატურულ პალიტრაში” იბეჭდებოდა მისი რომანები “პროფესორი პენდოლინი” და “ცვილის კაცი ანუ მეწამული მონასტრის საიდუმლოება”. მას მერე, რაც მისი გზები კლუბ “ფანტასტთან” და მის სულისჩამდგმელ მწერალ ირაკლი ლომოურთან გადაიკვეთა, ახალ ჟანრში სცადა ბედი და შინაარსით თბილისურ-იუმორისტული, არქიტექტორულად კი Sci-/Fi მოთხრობები გამოუვიდა. შემდეგ გაკადნიერდა და მათი თქვენს სამსჯავროზე გამოტანა გაბედა.