აკადემიკოსების ვარლამ თოფურიასა და სიმონ ყაუხჩიშვილის სასკოლო “რუსულ-ქართული ლექსიკონის” ბოლო გამოცემის შემდეგ თითქმის ნახევარმა საუკუნემ განვლო. პოლიტიკურ და სოციალურ-ეკონომიკური ძვრების გამო სოციალიზმის დროინდელი საზოგადოებრივი ლექსიკაც თითქმის მთლიანად განიდევნა ენიდან. ამიტომ ლექსიკონის ახალი გამოცემისათვის აუცილებელი გახდა სიტყვანის სათანადო გაცხრილვა-გადამუშავება.