ქარიშხლიანი უღელტეხილი

ემილი ბრონტე 1818 წელს ჩრდილოეთ ინგლისის სოფელ თორნთონში დაიბადა. იგი შარლოტა და ენ ბრონტეების შუათანა დაა. დაავადებების შიშით ემილი სკოლიდან ადრეულ ასაკში გამოიყვანეს და განათლება მან სახლში მიიღო. შემდგომშიც მას მშობლიური სოფელი თითქმის არასოდეს დაუტოვებია.
„ქარიშხლიანი უღელტეხილი“ ემილი ბრონტემ 1847 წელს გამოაქვეყნა და შემდეგ 30 წლის ასაკში გარდაიცვალა. ეს მისი ერთადერთი რომანია.
წიგნს თავდაპირველად ფრთხილად შეხვდნენ, იმდენად განსხვავებული იყო იგი იმდროინდელი ლიტერატურისგან. მას უწოდებდნენ „უცნაურად ორიგინალურს“, „ველურს“, „უთავბოლოს“, ვულგარულად უზნეოს“…
„ქარიშხლიანი უღელტეხილი“ დღეს ინგლისური და მსოფლიო ლიტერატურის კლასიკაა, რომლის მიხედვითაც იღებენ ფილმებს, ქმნიან მუსიკას, წერენ პიესებს და დგამენ სპექტაკლებს.
ეს არის უსაზღვრო სიყვარულის და სიძულვილის ისტორია, თან ისე ოსტატურად დაწერილი, რომ ძნელი წარმოსადგენია, როგორ შექმნა ის ინგლისის ჩრდილოეთში გამოკეტილმა 28 წლის ქალმა.