შენ ხარ ვენახი

ვთვლი, რომ კარგია, რაჟამს საკუთარი მიწა-წყლისათვის შენა ხარ „ხრმალი უქარქაშო“ და „ხანჯარი ამოღებული“… ფრიად სამწუხაროა, რომ ბევრ ქართველს ვერ ძალუძს, არ შეუძლია გაშიშვლებული მახვილის რანგში ყოფნა, მავან და მავან მიზეზთა გამოისობით. ვფიქრობ, თუ შენ ვერ მიაგებ ამგვარ სამსახურს ქვეყანას შენსას, მაშინ კარგი „სასრევი“ ანუ მახვილის პირის გასალესი ქვაი მაინც უნდა იყო ან უბრალო „დამღა“ – ხმლის პირს დაკრული ბეჭედი – „დავითფერულის“ გამჭედი ოსტატის ნიშანი შესატყვისი.