ალესანდრო დელ პიერო

არაფერია იმაზე დიდებული, ვიდრე ის, რაც ამ 19 წლის განმავლობაში მაჩუქეთ. მიხარია, რომ მიღიმოდით, მქომაგობდით, ტიროდით, მღეროდით, ყვიროდით ჩემთვის და ჩემთან ერთად.

არც ერთი ფერი იქნება ჩემთვის იმაზე ნათელი, ვიდრე შავი და თეთრი. თქვენ ოცნება ამიხდინეთ. და რაც დღეს ყველაზე მეტად მინდა, ისაა, რომ მადლობა გადაგიხადოთ. მუდამ თქვენს გვერდით, ალესანდრო“.

ამ სიტყვებით დაემშვიდობა იტალიური ფეხბურთისა და ტურინის „იუვენტუსის“ ლეგენდა ალესანდრო დელ პიერო გულშემატკივარს, ასე დასრულდა Storia Di Un Grande Amore, ანუ დიდი სიყვარულის ისტორია მიუხედავად იმისა, რომ „ნამდვილი ჯენტლმენი არასდროს ტოვებს თავის ქალბატონს“.