ახლახანს გამოვეცით ჩვენი ტრადიციული ავტორის – ზაზა აბზიანიძის ბიოგრაფიული რომანი „ალექსანდრე ყაზბეგი – ჩანაწერებში ამოკითხული ბიოგრაფია“. ვიმედოვნებთ, მკითხველი ინტერესით გაეცნობა პოსტმოდერნული სტილისტიკით გადმოცემულ, უმეტესობისათვის სრულიად უცნობ ეპიზოდებს დიდი ქართველი მწერლის ცხოვრებიდან და ექსპრესიულ ავტორისეულ კომენტარებს – უზუსტეს მინიშნებებს ალექსანდრე ყაზბეგის იმ პიროვნულ თვისებებზე, რომელთაც განაპირობეს მისი ბიოგრაფიული დრამა, მაგრამ იმავდროულად – შობეს მისი პროზის ყველაზე გენიალური, ყველაზე სულისშემძვრელი ფურცლები..

წიგნი გამოიცა მწერალთა სახლისა და საქართველოს კულტურის, სპორტისა და ახალგაზრდობის სამინისტროს მხარდაჭერით.