აღწერა
მზესთან ერთად დაჰყურებდა ჯადოქართა ქალაქს. კადარედიიდან ამომავალი კვამლი და შუადღის კანიონი, ცეცხლი სახურავებზე და გასხივოსნებული ტაძრები. ორი წითელვალებიანი ჯადოქრისკენ გაექანა, მაგრამ სწორედ იმ წამს გადმოხტნენ უკან, როცა ზემოდან მეტეორივით ცეცხლი უნდა დასცემოდათ და ნახტომშივე გატყორცნეს შუბები შავკანიანისკენ. შუბები არსაიდან გამოძერწილმა სინათლემ ჩაყლაპა და ჰაერშივე გველებად გარდაქმნილნი დაღდასმულებისკენ გაცურდნენ… კლასიკურ მაგიას ორი მხარე აქვს. პირველი მის ექვს ფუნდამენტში იმალება – ექვს ბარონში, რომელთაც გამუდმებით სწავლობენ, მაგრამ ამდენწლიანი გამოცდილების მიუხედავად, მე თვითონ ახლოსაც არ ვარ იმასთან, რასაც ბელიალის, კაეშის, ან თუნდაც, ექვსიდან სხვა რომელიმეს არსი ჰქვია…
