წინამდებარე წიგნში თავმოყრილია და დეტალურადაა განხილული 1548-1801 წლებში შექმნილი ასზე მეტი ევროპული მინიატიურული რუკა. ეს უნიკალური და იშვიათი მასალა მკაფიო დემონსტრირებაა იმისა, თუ რაოდენ დიდი და მზარდი იყო გასული საუკუნეების განმავლობაში ევროპული საზოგადოების მხრიდან საქართველოსადმი ინტერესი. უფრო მეტიც, წარმოდგენილი კარტოგრაფიული მასალა ადასტურებს, რომ ევროპელ გეოგრაფთა, კარტოგრაფთა თუ მოგზაურთა მხრიდან, საქართველო, ხშირ შემთხვევაში, სწორედ ევროპის კონტინენტის ორგანულ ნაწილად აღიქმებოდა.