გრინგეიბლი მწვანე სახურავიანი სახლია კანადაში, პრინს ედუარდის კუნძულზე, პატარა ქალაქ ევონლიში. ამ სახლში და-ძმა კათბერტები ცხოვრებენ, რომლებიც გადაწყვეტენ, სამეურნეო საქმეებში დასახმარებლად ბავშვთა სახლიდან ბიჭი წამოიყვანონ. თუმცა, მათ შეცდომით გოგონას ჩამოუყვანენ. გოგონა წითურთმიანი, გაჩხინკული, ჭორფლიანი ენ შირლია. მეოცნებე, სიცოცხლით სავსე ენი, რომელსაც შეუძლია სამყაროს მშვენიერება ყველგან და ყველაფერში დაინახოს, სრულიად შეცვლის მეთიუსა და მარილას ცხოვრებას…

კანადელი მწერლის, ლუსი მოდ მონტგომერის წიგნი „ენი გრინგეიბლიდან“ 1908 წელს გამოიცა. მან მალევე მოიპოვა პოპულარობა და კლასიკად იქცა. ამ საოცრად კეთილი წიგნის მიხედვით სხვადასხვა ქვეყანაში არაერთი ფილმი და სერიალი გადაიღეს.