„რამ გადამაწყვეტინა ამ წიგნის დაწერა? თბილისის ისტორიაზე წიგნების კითხვისას უმთავრესად თვალში გვხვდება ქალაქის პოლიტიკური თავგადასავალი. თანაც იმის გამო, რომ ამ წიგნების უმეტესობა რუსეთის იმპერიულ ან საბჭოთა პერიოდშია გამოცემული, ეს ისტორიაც პოლიტიკური და იდეოლოგიური კონიუნქტურის გათვალისწინებითაა დაწერილი.

ამ წიგნებში, გულწრფელობის გარდა, ყოველთვის მაკლდა ამბები ქალაქის ინფრასტრუქტურის, ხიდების, ტრანსპორტის, უბნებისა და მისი გამწვანების შესახებ. დამეთანხმებით, ასეთი საკითხავის შექმნა გაცილებით მარტივი უნდა ყოფილიყო ახლა, იდეოლოგიური წნეხისგან თავისუფალ ეპოქაში.

ასეთ წიგნს დიდხანს ველოდი. საბოლოოდ კი გადავწყვიტე მე თვითონ დამეწერა, მოკლედ, ყველასთვის გასაგებ ენაზე მომეთხრო თბილისის თავგადასავალი…“ (ავტორის წინასიტყვაობიდან)

წიგნს ერთვის მდიდარი ფოტომასალა.