კაპიტანმა გრუნსტედმა კავკასიის ომში მიიღო მონაწილეობა. ახლა ის უკვე მოხუცია, განმარტოებით ცხოვრობს და თითქმის არავის ელაპარაკება, რადგან გული ისევ კავკასიის მთებისკენ, კავკასიელი ხალხისკენ მიუწევს და იქაურ შთაბეჭდილებებს ვერ ელევა…

ანა-ლინა და მისი უმცროსი ძმები ახერხებენ დაუახლოვდნენ ყველასგან გამორჩეულ, უჯიათ და უკარება _ ასე ფიქრობენ მასზე გარშემომყოფნი _ მოხუც კაპიტან გრუნსტედს, რომელსაც ისევ თავისი საყვარელი ჩოხა აცვია. ბავშვები კაპიტანს ცხოვრებას უბრუნებენ, კაპიტანი კი მათ თავის უჩვეულო თავგადასავალს უყვება…

ირმელინ სენდმან ლილიუსი ერთ-ერთი წამყვანი შვედურენოვანი ფინელი მწერალია ტუვე იანსონთან ერთად. მის წიგნებს, რომლებიც საოცარ შთაბეჭდილებას ახდენს მკითხველზე, მიღებული აქვს მრავალი პრიზი და თარგმნილია სხვადასხვა ენაზე.