კაცობრიობის ციკლი

დიდი ინდოელი რელიგიური ფილოსოფოსის, მისტიკოსისა და პოეტის, შრი აურობინდოს „კაცობრიობის ციკლი“ ფსიქოლოგიური კუთხით იკვლევს საზოგადოების განვითარების ცალკეულ ეტაპებს. ავტორი გამოყოფს კაცობრიობის ევოლუციის ხუთ ფსიქოლოგიურ ფაზას. ამ განვითარების ბოლო საფეხური, აურობინდოს აზრით, არის სულიერების ეპოქა, რომელშიც უნდა მოხდეს არა მხოლოდ ცალკეული ინდივიდების, არამედ მთელი საზოგადოების „განსულიერება“ (სპირიტუალიზება). შრი აურობინდო, ამასთანავე, პოლიტიკური მოღვაწეც იყო, მისტიკოსიც, სულიერი ლიდერიცა და პოეტიც. ცხოვრების უკანასკნელი 23 წელი განმარტოებაში გაატარა. სწორედ ამ პერიოდში დახვეწა ის სულიერი პრაქტიკა, რომელსაც თავადვე უწოდა ინტეგრალური იოგა. შრი აურობინდოს ტრაქტატები ფილოსოფიაში, ეთიკასა თუ ჰუმანიტარულ მეცნიერებებში ჩვენი ეპოქის უმნიშვნელოვანეს თხზულებებს მიეკუთვნება.