კვაზიმოდოს ქალაქი

„კვაზიმოდოს ქალაქი“ – რეალურ ამბებზე აგებული ინფორმაციულად და ემოციურად დატვირთული ნაწარმოებია. რომანში მოქმედება დასავლეთისა და ახლო აღმოსავლეთის საზოგადოებრივ-პოლიტიკური მდგომარეობისა და აღმოსავლურ-დასავლური კულტურული და რელიგიური ფასეულობების ასახვის ფონზე ვითარდება. ეპიზოდებისა, თუ სიუჟეტური ქარგის ოსტატურად აგების, საინტერესო თხრობის წყალობით, მწერალი რომანში აღწერილი ამბების თანამონაწილედ გხდის, რათა შენთან ერთად გასცეს პასუხი ცხოვრებისგან დასმულ უმძიმეს შეკითხვებს – სად გადის ზღვარი სიკეთესა და ბოროტებას შორის, შენთან ერთად განსაზღვროს, რას ნიშნავს სიკეთის სახელით ჩადენილი ბოროტება, მუდმივად დილემის წინაშე მდგომი, დროში დაკარგული, ორად გახლეჩილი ადამიანის ცნობიერებისთვის.