რობერტ ბერნსი შოტლანდიის ეროვნული სიამაყე და მსოფლიოს ერთ-ერთი უდიდესი პოეტია. მის ლირიკაში გამოხატული აზრები დღეს ისეთივე თანამედროვე და მოწინავეა, როგორც ორას ორმოცდაათი წლის წინათ. წერს იმაზე, რაც იცის და უყვარს: ხან ძველი ლეგენდისა თუ უბრალოდ, ყოფითი ამბის მთხრობელია, ხან ცხოველებთან თუ მცენარეებთან მოსაუბრე ბუნების მესაიდუმლე, ხან მზრუნველი მამა, ხან მგზნებარე მიჯნური და გამნდობი მეგობარი.