მამა მუმინმა გადაწყვიტა, თავისი საოცარი თავგადასავლებით სავსე ცხოვრების შესახებ გვიამბოს. იგი თხრობას ბავშვობის ამბით იწყებს, როცა ჯერ კიდევ პატარა მუმინტროლმა ქალბატონ ჰემულს გამოსათხოვარი წერილი დაუტოვა და უპატრონო ბავშვთა სახლიდან გაიქცა. მამა მუმინი საინტერესოდ აღგვიწერს, როგორ შეხვდა გრძელყურება ფრედრიქსონს, როგორ გაიცნო ყავის ქილაში მცხოვრები სუნსულა და შლაპიანი იუქსარე; ამ მემუარებიდან ასევე გაიგებთ, როგორ დააფუძნა მამა მუმინმა კოლონია და როგორ მოუხმობდა მოჩვენებას საშინელებათა კუნძულზე.