მემარნის უბის წიგნაკი

„მემარნის უბის წიგნაკი“ განკუთვნილია მოყვარული მევენახეებისა და „ოჯახური“ ტიპის ღვინის მწარმოებელთა ფართო წრისათვის. იგი არ წარმოადგენს მეცნიერულ კვლევას, არამედ ამ საკითხით დაინტერესებულ მკითხველს აწვდის საჭირო ინფორმაციას. წიგნაკში განხილულია ვაზთან, ქვევრსა და ტრადიციული წესით დამზადებულ ღვინოსთან დაკავშირებული ის საკითხები, რომლებიც, ავტორის მოსაზრებით, უკავშირდება ბიოლოგიურად სუფთა პროდუქტის მოყვანასა და მხოლოდ „საოჯახო ღვინის“ წარმოებისას წამოჭრილ პრობლემებს და არა ზოგადად მევენახეობა-მეღვინეობის ფართო სფეროს. სასურველია, მკითხველი არ დააბნიოს და არ შეუქმნას მცდარი წინასწარი განწყობა გამოცემის სათაურმა, ვინაიდან იგი პირობითია. რეალურად, ზოგადი ხასიათის ინფორმაციასა და ანალიზს მოიცავს მისი ზოგადი ნაწილი, ხოლო კერძო ნაწილში მიმოხილულია არაერთი დეტალური გარემოება. ამდენად, „მემარნის უბის წიგნაკი“ წარმოადგენს არა იმდენად „წიგნაკს“, რამდენადაც „ოჯახური მეღვინის გზამკვლევს“.