დიდი რუსი მწერლის ლევ ტოლსტოის რომან-ეპოპეაში “ომი და მშვიდობა” დასმულია სიკვდილ-სიცოცხლის, პატრიოტიზმის, გმირობისა და მამაცობის და რასაკვირველია, ომისა და მშვიდობის პრობლემები. მისი აზრით, ხალხს სძულს ომი, შრომისა და წყნარი ცხოვრებისათვის მას მშვიდობა სჭირდება, მაგრამ ქვეყნის, ნაშრომის, ოჯახის სიმშვიდის დასაცავად იგი იარაღით ხელში აღდგება მტრის წინააღმდეგ. ომის ბედსაც სწორედ ხალხი წყვეტს.