სანდიტონი

“ჯეინ ოსტინს თუ დავუჯერებთ, ყოველ სოფელს თითო დიდებული ქალბატონი ჰყავს. ამ ნათქვამში გარკვეულ ორაზროვნებას, ირონიასა და ქვეტექსტებსაც ამოვიკითხავთ და დავრწმუნდებით, რომ ლიტერატურული „მანევრების“ ოსტატ ავტორს ვეცნობით. ჯეინ ოსტინის დაუსრულებელი რომანი „სანდიტონი“ გვაცნობს ინგლისის არაჩვეულებრივ ქალებს, რომელთაც სქესის, ტრადიციის, წესჩვეულებების ჩარჩოებს მიღმა გაიხედეს და აღმოაჩინეს, რომ თვალს, გულსა და გონებას იმაზე მეტის აღქმა შეუძლია, ვიდრე ამაზე დამკვიდრებული წარმოდგენებით იცოდნენ. რომანი ქართულ ენაზე პირველად გამოიცემა, თუმცა ქართველი მკითხველი მის პერსონაჟებს შეიძლება 2019 წელს გამოსული ამავე დასახელების ცნობილი სერიალიდან იცნობდეს. „გონების ხმა“ კი ენ ელიოტის ამბავია _ ქალის, რომელიც ოჯახმა გარიყა; ქალის, რომელიც გონების კარნახით უარს ამბობს სიყვარულზე; ქალის, რომელიც იძულებულია საკუთარ სურვილებს შეეწინააღმდეგოს… მაგრამ მსხვერპლი ყოველთვის დანაკარგი როდია და ეს რომანი ამაზეცაა”