ითვლება, რომ ჰალდუნ თანერი იუმორისტი მწერალია, მაგრამ მკვლევართა ერთ ნაწილს მიაჩნია, რომ “მის ნოველებში სევდა სჭარბობს სიცილს“. თუმცა, დავამატებდით – სიცილს კი არა – ღიმილს, ადამიანებისადმი დიდი სიყვარულით ნასაზრდოებ თანაგრძნობის ღიმილს. დიახ, თანერი არასოდეს იცინის. იგი სევდიანი ღიმილით გვესაუბრება ღრმად ფილოსოფიურ საკითხებზეც კი. ღიად, პირდაპირ არ ამბობს სათქმელს. მის ნოველებში მთავარია ის ბევრისდამტევი ქვეტექსტი, რომელსაც მწერალი ძუნწი, მაგრამ ზუსტი ფსიქოლოგიური დეტალებით ქმნის.

ჰალდუნ თანერის ნოველების კრებული ქართულ ენაზე მეორედ გამოდის. ის ახალი თარგმანებითაა შევსებული.