როგორც საბრძოლო სპილო იღებს თავის სხეულში მშვილდიდან გასროლილ ისარს, ასე მოთმინებით ავიტან შეურაცხყოფას. რაღა თქმა უნდა, ადამიანთა უდიდესი ნაწილი მანკიერია.
საუცხოოა გაწვრთნილი ჯორები, სინდჰის წმინდა სისხლის ცხენები და დიდი საბრძოლო სპილოები. მათზე უკეთესია კაცი, რომელიც თავის თავს აკონტროლებს.
მყარსა და გასინათლებულ კაცს ვერავინ შეურაცხყოფს. ის ნიშანსვეტს ჰგავს, უშლამო ტბასავით კამკამას. მისთვის აღარ არსებობს დაბადების და სიკვდილის ციკლი.