სტამბოლელი ნაბიჭვარი

ელიფ შაფაქის რომანში „სტამბოლელი ნაბიჭვარი“ მოთხრობილია ორი ოჯახის, თურქებისა და სომხების ისტორია. ჩახმახჩიანების ოჯახი, რომელიც ახლა აშშ-ში ცხოვრობს, 1915 წლის სომხების გენოციდის მსხვერპლია. იმ სისხლიანმა დროებამ ისინი დევნილად აქცია. მას შემდეგ დიდი დრო გავიდა და ჯერაც არ მოშუშებიათ ჭრილობები, მაგრამ ჰგონიათ, სამუდამოდ დააღწიეს თავი თურქეთს, სტამბოლს, ჰგონიათ… თუმცა მაინც გადმოსწვდებათ იმ დღეების ექო, ისევ და ისევ სტამბოლში დაგვირგვინდება გასულ საუკუნეში დატრიალებული ტრაგედია, თუმცა ამჯერად ახალი თაობის თურქებმა უნდა გაიღონ მსხვერპლი.