შესანდობარი

ესანდობარნი ცალკე რკალად გამოირჩევა ოთარ ჩხეიძის ნოველების ციკლში „ჩემი სოფლის ეტიუდები“. თავისი
მნიშვნელობა აქვს ამ რკალს, მიმოფანტულს ნოველების სამტომეულში, და თავისი მნიშვნელობა — გამოკრებილსა და
ასე ცალკე გამოცემულსაც, დიდებულ სახელთა ათინათით გადაცისკროვნებულს.

დოკუმენტური ფონი, ხელშესახებად
გამოკვეთილი ოთარ ჩხეიძის რომანთა
ციკლში „მატიანე ქართლისაი“, განსაკუთრებით მაინც ორი საუკუნის შესაყარზე
შექმნილ ნიმუშებში, თვალსაჩინოა „ჩემი
სოფლის ეტიუდებშიც“, რისი დასტურიცაა
შესანდობრებად ნაგულისხმევი ნოველები, გარდა თავისთავადი მხატვრული შთამბეჭდაობისა, მკითხველს საგრძნობლად
რომ შეუვსებს წარმოდგენას ამათუიმ გამოჩენილ მწერალსა და მოღვაწეზე.