შველი სახელად კოპლი

„შველი, სახელად კოპლი“ „ჯეინი და მისი ცხოველების“ სერიას ეკუთვნის. ამ სერიის მომნუსხველი პატარა ამბები ხან გაგაცინებთ, ხანაც აგატირებთ და თავს აუცილებლად შეგაყვარებთ.

ერთ დღეს უბედური შემთხვევა მოხდა – გზაზე შველს მანქანა დაეჯახა. ნადიამ მისი გადარჩენა ვერ მოახერხა, მაგრამ პაწაწა ნუკრს სიცოცხლე აჩუქა. ასე გაჩნდა „მუხის კორომის” ფერმაში ლამაზთვალება ციცქნა კოპლი. ჯეინმა დედობილის მოვალეობა იკისრა, ნუკრს მზრუნველობას არ აკლებდა, თავს დასტრიალებდა, მაგრამ ხიფათი ვერ ააცილა.

რა დაემართა კოპლს? რატომ ვერავინ დაეხმარა? რა ბედი ეწევა – ფერმაში დარჩება თუ თავშესაფარში იცხოვრებს? – ჯეინს ფიქრი მოსვენებას არ აძლევს…