ჯორჯ ორუელის „1984“-მა, XX საუკუნის ერთ-ერთმა უდიდესმა რომანმა, საპატიო ადგილი დაიმკვიდრა მსოფლიო ლიტერატურაში. ორუელი თავისი დროის პოლიტიკური მწერალი იყო. მას სძულდა ტოტალიტარიზმი, კრიტიკული თვალით უყურებდა კომუნიზმს და ემხრობოდა სოციალიზმს. ვერ იტანდა ინტელექტუალებს, თუმცა თვითონ ლიტერატურის კრიტიკოსი იყო. სძულდა პირმოთნეობა და სისასტიკე ცხოვრებაშიც და ლიტერატურაშიც. „1984“ – გამაოგნებელი ძალმოსილების ორიგინალური რომანი – დღემდე თანამედროვე კლასიკისა და ე. წ. „ანტიუტოპიის“ დიდ ნიმუშად რჩება. მასში აღწერილი წარმოსახვითი სამყარო დამაჯერებელია პირველიდან უკანასკნელ სტრიქონამდე.