ედუარდ მანე

იმპრესიონიზმის სულისჩამდგმელმა და მისმა წინამძლოლმა,
ედუარდ მანემ (1823-1883), თავისი დროის კონკრეტულო-
ბასთან ერთად, შექმნა მაღალი პოეტური სულის, აბსოლუ-
ტური ღირებულების ხელოვნება. მან ჩაუყარა საფუძველი,
კონსტრუქციულ მთელად მოაზრებულ, სიორას ფერწერას,
სეზანის ფერწერულ-პლასტიკურ სინთეტიზმს, ვან-გოგის,
უკიდურესად გამძაფრებულ, ფერადოვნულ კვინტესენციას,
გოგენის, სიმბოლური ელფერის, სინთეზურ დეკორატიუ-
ლობას. მანე ერთადერთი იყო ფრანგ ფერმწერთა შორის,
რომელმაც ადრე უცნობი, დახვეწილი მხატვრული ხერხებით
გაამარადისა მისი თანამედროვე პარიზის ყოფა. მხატვარს
გვერდი არ აუვლია ადამიანის გულწრფელობისა და კეთილ
განწყობისთვის, იქნება ეს „ოლიმპია“ თუ „ფლეიტისტი“,
„ბარი ფოლი-ბერჟერში“ თუ „გამოსვლა ბულონის ტყიდან“.