წიგნში მოცემულია პირველი რესპუბლიკის შექმნის კონტექსტი (პირველი მსოფლიო ომი, რუსეთის რევოლუცია) და განხილულია 1905 წლის გურიის რესპუბლიკა, როგორც 1918 წელს შექმნილი სახელმწიფოს წინამორბედი. ავტორი აღწერს იმ რეფორმებს, რომლის გატარებაც მოასწრო პირველმა რესპუბლიკამ არსებობის არასრულ სამ წელიწადში (მაგ. აგრარული რეფორმა) და ასევე განიხილავს პროფესიონალური კავშირებისა და კოოპერატივების მდგომარეობას. ერთი თავი მთლიანად ეძღვნება მსოფლიოს სოციალ-დემოკრატიული მოძრაობის ლიდერების ვიზიტს საქართველოში 1920 წელს. იმ პერიოდისათვის ეს ძალიან მნიშვნელოვანი ვიზიტი იყო, თუმცა დღეს სპეციალისტების გარდა, ცოტა ვინმემ თუ იცის ამის შესახებ.
განსაკუთრებით აღსანიშნავია, რომ ავტორისთვის ქართული სოციალ-დემოკრატია ევროპის ისტორიის შემადგენელი ნაწილია. ის მიიჩნევს და წიგნში ადასტურებს, რომ ქართული სოციალ-დემოკრატია ევროპული ფენომენი იყო და მაგალითიც კი, იმდროინდელი პოლიტიკური მოღვაწეებისათვის.
მკითხველები ასევე ირჩევენ
კომუნისტების მიერ აკრძალული საქართველოს ისტორია უძველესი დროიდან XIX საუკუნის დამდეგამდე
36,60 ₾ამ წიგნით 1943-1956 წლებში საქართველოს საშუალო სკოლების უფროს კლასებში ისწავლებოდა საქართველოს ისტორია.
1956 წელს წიგნი ამოიღეს სასწავლო პროგრამიდან და კრემლის ბრძანებით ,,დაატუსაღეს”.
1956 წლიდან წიგნს არ ენახა დღის სინათლე.
და დღეს ის გვიბრუნდება. გვიბრუნდება პირვანდელი სახით. დღევანდელი გადმოსახედიდან ცოტა ძველმოდურად ნაწერი, ცოტა ხარკმოხდილი, მაგრამ ალალი, მართალი, საქართველოს სიყვარულით და სიამაყით გასხივოსნებული
თავისუფლებაზე
24,95 ₾წიგნში თავმოყრილია ამონარიდები მსოფლიოში ერთ-ერთი ყველაზე ცნობილი მწერლის, „1984“-სა და „ცხოველების კარ-მიდამოს“ ავტორის, ჯორჯ ორუელის რომანებიდან, ესეებიდან, სტატიებიდან… კამილა შამსმა, წიგნის შემდგენელმა, ეს ნაწყვეტები გააერთიანა თავისუფლების თემის გარშემო და კიდევ ერთხელ დაგვაფიქრა, რამდენად მნიშვნელოვანია სიტყვის, აზრის, პოლიტიკური თუ პიროვნული თავისუფლება. „ჯორჯ ორუელი თავისუფლებაზე“ დღევანდელ სისტემურ პროპაგანდასაც პასუხობს, რადგან ენა არ არის უბრალოდ კომუნიკაციის საშუალება, ესაა თავისუფალი აზროვნების საყრდენი. ავტორი გვახსენებს, რომ პრესა, წიგნები და ინტელექტუალური სივრცეები საჭიროებენ თავისუფლებას, წინააღმდეგ შემთხვევაში მწერალს წართმეული ექნება საკუთარი შესაძლებლობის, წარმოსახვისა და აზრის გამოთქმის უფლება
