ისევ მე ვარ ისევ მოვსულვარ

თქვენ წინაშეა ესმა ონიანის სრული კრებული, მისი ლიტერატურული მემკვიდრეობა – პოეზია და ესეისტიკა, რომლებიც ამ ბრწყინვალე შემოქმედის, პოეტისა და მხატვრის ცხოვრების მანძილზე იქმნებოდა. წიგნში ასევე შესულია თითქმის ყველა მნიშვნელოვანი ესე თუ კრიტიკული წერილი, რომელთა ავტორები ღრმად ხსნიან ესმა ონიანის შემოქმედების საზრისს და მნიშვნელობას.

ერთ წიგნად თავმოყრილი შემოქმედება უფრო უკეთ განაცდევინებს მკითხველს ესმა ონიანის სამყაროს საიდუმლოებას და დაეხმარება, უკეთ გაიაზროს ეს გამორჩეული, თვითმყოფადი მაღალმხატვრული ლიტერატურა.