თუ ჯორჯ მარტინმა ერთხელ უკვე მოგიხელთათ, არჩევანი აღარ გაქვთ – მილიონი სხვა მკითხველივით, თქვენც მის ჯადოსნურ ქსელში გახლართულხართ და ეგ არის! და რა გაძლებს, ვიდრე მარტინი წერას დაასრულებს. ოთხი მეფე, რომელიც ერთი რკინის ტახტისთვის ექიშპება ერთმანეთს; კრაკენები, რომელთაც წარსული დიდების დაბრუნება სურთ; ნედ სტარკის შვილების ბედი, მთელ ვესტეროსში რომ მიმოფანტულან; გრიგალით შობილი დენერისი და მისი დრაკონები საკუთარი თავისა და საკუთარი ბედისწერის ძიებაში. ყველაფერი ეს, და სხვაც ბევრი – ჯორჯ მარტინის ჯერაც ბოლომდე დაუწერელი, მაგრამ უკვე დანამდვილებით და უდავოდ კლასიკად ქცეული “ყინულისა და ცეცხლის სიმღერის” მეორე რომანში “მეფეთა ჯახი”. “სატახტოთა თამაშის” გაგრძელება პირველ რომანზე პოპულარული გამოდგა და 1999 წელს მას ლოკუსის პრემია მიენიჭა.