გამოჩენილი ფრანგი ეთნოლოგი და ანთროპოლოგი კლოდ ლევი-სტროსი სტრუქტურალური თეორიის ერთ-ერთ დამფუძნებლად ითვლება. მეცნიერის კვლევის ინტერესი შემდეგ სფეროებს მოიცავდა: ეთნოგრაფია, ლინგვისტიკა, მითოლოგია, ნათესაობის პრობლემატიკა, ტოტემიზმი. პირველი სამეცნიერო შრომები ავტორმა მიუძღვნა ბრაზილიის ინდიელებს, რომლებიც ველზე შეისწავლა 1935-1939 წლებში. მისი საველე მუშაობა აისახა ნაშრომში – „ნათესაობის ელემენტარული სტრუქტურები“, რომელიც 1949 წელს გამოიცა.