წიგნების კატალოგი
ყველაზე დიდი ვახშამი, რომელიც კი ოდესმე გინახავთ
35,00 ₾განთქმულმა შეფ-მზარეულმა, მისიე ფურმიმ, ყველა ცხოველი დაპატიჟა ვახშამზე, მაგრამ მაგიდასთან ადგილების განაწილება შეუძლებლად ეჩვენება – ძაღლი და კატა ერთად ვერ დასხდებიან, ცხვარი მგლის სადილად გადაქცევის რისკის ქვეშაა, ბუ კი დაჟინებით მოითხოვსსიბნელეში ჭამას.
რა რთული თავსატეხია!
როგორ მოახერხებს ჩვენი შეფ-მზარეული ყველა სტუმრის განთავსებას?
დარიო პომოდორო გენუაში, საბავშვო ბაღში ყვება ისტორიებს და უვლის ბავშვებს. ის მუდმივად წერს, თუმცა მისი დიდი დებიუტი 2022 წელს, მას შემდეგ შედგა, რაც მან დაწერა „ლოლა იცვლის სახლს“. ის შთაგონებას ირგვლივ ყველაფერში პოულობს და თავისი შვილების, ჯოვანისა და ვიტორიას, თვალებით უყურებს სამყაროს.
ბავშვთა წიგნების ბოლონიის ბაზრობამ ლორენცო სანჯიო საბავშვო ილუსტრატორთა ახალი თაობის „იტალიელ წარჩინებულ ილუსტრატორებს“ შორის შეარჩია. ის მთელი მსოფლიოს გამომცემლებთან თანამშრომლობს. უყვარს ბუნების, კატებისა და ქალაქების ხატვა
კონი ბრაზობს
20,00 ₾ჩვენი გამომცემლობის ერთ-ერთი საყურადღებო თემაა ემოციების სამყარო, რომლისთვისაც არაერთი პროექტი მიგვიძღვნია. არც კონის ეს წიგნია გამონაკლისი, რადგან ამ პერსონაჟთან ერთად ბევრად ადვილია ბრაზის, როგორც ემოციის, გააზრება და მისი ჯანსაღი გზებით მართვა.
კონის მთელი დღეა, არ უმართლებს – ბაღში გააბრაზეს, დედას ზოოპარკში არ მიჰყავს, მამამ მის საყვარელ სათამაშოს ფეხი დააბიჯა, ოთახში დიდი არეულობაა. კონის ჰგონია, საცაა, ბრაზისგან გასკდება. რა კარგია, რომ დედამ და მამამ იციან, როგორ დაეხმარონ მას.
ახლა უკვე კონიმაც იცის, როგორ დაეხმაროს თქვენს შვილებს, როცა ისინი მსგავს მდგომარეობაში აღმოჩნდებიან.
კონი ვერ იძინებს
20,00 ₾ყველა მშობლის ერთ-ერთი რთული გამოწვევაა ბავშვის ძილი. რამდენ რამეს ვფიქრობთ და ვიგონებთ იმისთვის, რომ შვილებს, ჩვენთან ერთად თუ დამოუკიდებლად, ვასწავლოთ ძილი.
ამ წიგნში კონი სწავლობს დამოუკიდებლად ძილს. ცდილობს, არ ეშინოდეს სიბნელის, არ გადაიტანოს ყურადღება თამაშისკენ და არ ირბინოს ხან – რაზე და ხან – რაზე, თუმცა ყოველთვის არ გამოსდის, ამიტომ მიზნის მიღწევაში ეხმარება მშობლების ხელშეწყობა, სასიამოვნო რიტუალები და წესები.
ამ წიგნის წაკითხვისას, ბავშვები კონისთან ერთად მოიფიქრებენ ახალ საინტერესო ძილისწინა რიტუალებს და უფრო მარტივად დაიძინებენ.
კონი მაღაზიაში დაიკარგა
20,00 ₾მხიარული სიტუაციების გარდა, კონი ბავშვებს რთულ ვითარებებთან გამკლავებასაც ასწავლის. ყველას გვქონია მომენტი ცხოვრებაში, როცა დავკარგულვართ. რა უნდა ვქნათ ასეთ დროს? შეხვედრის ადგილი დავთქვათ თუ იმ ადგილზე გავშეშდეთ, სადაც მივხვდით, რომ გზა აგვერია?
ამ წიგნის დახმარებით, ჩვენ, მშობლებს, გვეძლევა საშუალება, მსგავსი ცხოვრებისეული სიტუაციები ბავშვთან ერთად მშვიდ, უსაფრთხო გარემოში გავარჩიოთ და თუ მსგავსი სიტუაცია დადგება, ჩვენს შვილებს ექნებათ გამოცდილება, როგორ გაუმკლავდნენ სირთულეს მშვიდად, პანიკის გარეშე.
კონი საბავშვო ბაღში მიდის
20,00 ₾საბავშვო ბაღში წასვლა დიდი და საპასუხისმგებლო საქმეა არამხოლოდ ბავშვის, არამედ მშობლისთვისაც. ამ საქმეში თქვენი დამხმარე იქნება კონი, რომელიც ახლა მიდის ბაღში. ღელავს, რადგან არ იცის, მოეწონება თუ არა იქაურობა. არ იცის, ვინ დახვდება, რას შეჭამს და გაძლებს თუ არა მთელი დღე დედის გარეშე.
ამ წიგნში კონისთან ერთად მოხვდებით თბილსა და მეგობრულ გარემოში, ნახავთ, როგორ არის აწყობილი დღე საბავშვო ბაღში და მომზადებულად შეხვდებით თქვენი შვილის პირველ დღეს ახალ გარემოში.
კონი ავად გახდა
20,00 ₾მართალია, ჩვენ, მშობლებს, ალბათ ყველაზე მეტად გვიჭირს ჩვენი შვილების ავად ყოფნის პერიოდის გადატანა, მაგრამ ყველაზე ჯანმრთელი ბავშვიც კი ოდესმე ავად ხდება. ეს წიგნი დაგეხმარებათ მაშინ, როდესაც ამ პრობლემის წინაშე დადგებით.
მაღალი სიცხეც დაიწევს, გაუსაძლისი ყელის ტკივილიც გაივლის და სურდოც დასრულდება, მთავარია, კარგი განწყობით მივუდგეთ გაციების და გრიპის დღეებს. კონის გამოცდილება ასწავლის ბავშვებს, თუ რამდენად მნიშვნელოვანია რეჟიმის დაცვა, რატომ არ უნდა ეშინოდეთ მათ ექიმების და რომ თურმე წამლებსაც შეიძლება კარგი გემო ჰქონდეს.
კონის ჯიბის ფული
20,00 ₾ყველა ადამიანმა უნდა იცოდეს ფულის სწორად განკარგვა. კარგია, თუ ამ ცოდნას ბავშვობიდან მივიღებთ.
კონიმ გადაწყვიტა, რომ უკვე საკმაოდ დიდია და სურს ჰქონდეს საკუთარი ჯიბის ფული. მას ხომ ამ ფულით ბევრი სათამაშოს ყიდვა შეეძლება. თუმცა იმისათვის, რომ სასურველი პონი იყიდოს, ფულის შეგროვება სჭირდება.
კონი მზადაა, ჩვენს პატარებს გააგებინოს, აუხსნას და მათთან ერთად ისწავლოს ფულის გარჩევა, დაზოგვა და ხარჯვა.
კონის პირველი ფრენა
20,00 ₾კონი მშობლებთან ერთად არდადეგებისთვის ემზადება. ეს იქნება მისთვის განსაკუთრებული მოგზაურობა, რადგან პირველად ჩაჯდება თვითმფრინავში. კონი ღრუბლებს ზემოთ სადილობს და იგებს, რა არის საჰაერო ხვრელი… რაკი ფრენა ძალიან საინტერესოა, მოუთმენლად ელოდება შემდეგს!
კონი და უცნობი
20,00 ₾პატარა ბავშვის ცხოვრებაში ყოველდღე ახალ-ახალი საინტერესო და ხშირად ამაღელვებელი სიახლეებია. ოც წელზე მეტია, მთელი მსოფლიოს ბავშვები კონისთან ერთად იზრდებიან. მისი ყოველდღიური ისტორიები ეხმარება ბავშვებს ახალი უნარების დაუფლებაში, მეგობრების შეძენაში, დამოუკიდებლობისა და თავდაჯერებულობის მოპოვებაში, ცნობისმოყვარეობის გაღრმავებაში.
კონი ქოთანზე ჯდება
20,00 ₾პატარა ბავშვის ცხოვრებაში ყოველდღე ახალ-ახალი საინტერესო და ხშირად ამაღელვებელი სიახლეებია. ოც წელზე მეტია, მთელი მსოფლიოს ბავშვები კონისთან ერთად იზრდებიან. მისი ყოველდღიური ისტორიები ეხმარება ბავშვებს ახალი უნარების დაუფლებაში, მეგობრების შეძენაში, დამოუკიდებლობისა და თავდაჯერებულობის მოპოვებაში, ცნობისმოყვარეობის გაღრმავებაში.
კონი კბილის ექიმთან მიდის
20,00 ₾პატარა ბავშვის ცხოვრებაში ყოველდღე ახალ-ახალი საინტერესო და ხშირად ამაღელვებელი სიახლეებია. ოც წელზე მეტია, მთელი მსოფლიოს ბავშვები კონისთან ერთად იზრდებიან. მისი ყოველდღიური ისტორიები ეხმარება ბავშვებს ახალი უნარების დაუფლებაში, მეგობრების შეძენაში, დამოუკიდებლობისა და თავდაჯერებულობის მოპოვებაში, ცნობისმოყვარეობის გაღრმავებაში.
ემოციების დიდი წიგნი
45,00 ₾ემოციები მნიშვნელოვან როლს თამაშობს ჩვენს ცხოვრებაში. ემოციები ახდენს გავლენას ჩვენს ქცევაზე, გადაწყვეტილებებზე და ზოგადად ჩვენს კეთილდღეობაზე. ემოციების ცოდნა გვეხმარება თვითცნობიერებაში, აუმჯობესებს ურთიერთობებს და დადებითად მოქმედებს ჩვენს მენტალურ ჯანმრთელობაზე.
ამ წიგნის საშუალებით :
ბავშვები გაეცნობიან ემოციებს სახალისო გზით, იდეალური ყველა ასაკის ბავშვისთვის
შეძლებენ ამოიცნონ, გამოხატონ და მართონ საკუთარი ემოციები ჯანსაღი გზით და შესაბამისად, შეეძლებათ უკეთესად გაუმკლავდნენ გამოწვევებს და ჰქონდეთ ჯანსაღი ურთიერთობები.
მოცემული სავარჯიშოები და გამკლავების მექანიზმები დაეხმარებათ უკეთესად მართონ და გაუმკლავდნენ საკუთარ ემოციებს. რაც მომავალში, დაეხმარებათ სხვადასხვა რთულ სიტუაციებთან გამკლავებაში.
ემოციების ცოდნა აუმჯობესებს სოციალურ უნარებს – უკეთ გაიგონ სხვების გრძნობები, ემოციები, რაც დაეხმარებათ ჰქონდეთ უფრო ჰარმონიული ურთიერთობები.
შეძლებენ გაიუმჯობესონ ემოციური ლექსიკა, სწორად დაარქვან სახელები საკუთარ ემოციებს და უკეთესად გამოხატონ გრძნობები, რაც ასევე მნიშვნელოვანი უნარია როგორც ურთიერთობებში, ასევე თვითცნობიერებისთვის.
ასაკი: 6-14 წელი
რას გვიამბობს სახლი
55,00 ₾ამბობენ, რომ ადამიანები ჰგვანან თავიანთ სახლებს და პირიქით, სახლები ემსგავსებიან ადამიანებს, რომლებიც ამ სახლებში ცხოვრობენ.
ეს წიგნი ადამიანებსა და მათ დიდ და პატარა საქმეებზეა, სიყვარულსა და ზრუნვაზე, სიხარულსა და ტკივილზე, რომელიც ადამიანების ცხოვრებას და მათი სახლის მაღალჭერს ავსებდა და ავსებს.
ეს წიგნი შენს ქვეყანაზეა, შენს სახლზე, რომელმაც ბევრი რთული და ნათელი დღე გადაიტანა, კიდევ გადაიტანს, მაგრამ ყოველთვის გადარჩება თავისი ადამიანების წყალობით.
ნებისმიერი ასაკის მკითხველისთვის
ნეტავ ეს წიგნი ჩვენს მშობლებს წაკითხული ჰქონოდათ
30,00 ₾ყველა მშობელს სურს, რომ მისი შვილი ბედნიერი იყოს და პრობლემები ააცილოს თავიდან, მაგრამ როგორ შეიძლება ამის მიღწევა? ამ შთამაგონებელ, ჭკვიანურ და სახალისო წიგნში ცნობილი ფსიქოთერაპევტი ფილიპა პერი გვიზიარებს, რას აქვს რეალურად მნიშვნელობა და რას არა, მშობლობისას რა გავაკეთოთ და რა არა. “სრულყოფილი” გეგმის შემუშავების ნაცვლად, პერი გვთავაზობს, შორიდან მთლიანობაში შევხედოთ იმ დეტალებს, რომლებსაც საბოლოო ჯამში მშობლისა და შვილის კარგი ურთიერთობისჯენ მივყავართ. ეს წიგნი განკითხვის გარეშე გვახსენებს და გვეხმარება: • გავიგოთ, როგორი გავლენა აქვს ჩვენსავე აღზრდას ჩვენი მშობლობის სტილზე. • გავითვალისწინოთ, რომ შეცდომებს ჩვენც დავუშვებთ და ვისწავლოთ, როგორ გამოვასწოროთ ისინი. • დავძლიოთ მანკიერი წრე და ჩვევები. • გავუმკლავდეთ ჩვენსა და ჩვენი შვილების გრძნობებს. • გავიგოთ, რას მიგვანიშნებს სხვადასხვა ქცევა. ბრძნული და გონივრული რჩევებით სავსე ეს არის წიგნი, რომლის წაკითხვას ყველა მშობელი ისურვებდა და ყველა შვილი ისურვებდა, რომ მის მშობლებს წაეკითხათ. “ეს არის სიკეთითა და მიმტევებლობით სავსე წიგნი, რომელიც მოგვიწოდებს, სიკეთითა და მიმტევებლობით მივუდგეთ საკუთარ თავსა და ჩვენს მეუღლეებსაც”. კატი ტენზენბრიკი (The Times)
დედმამიშვილები მეტოქეობის გარეშე
30,00 ₾დედმამიშვილები მეტოქეობის გარეშე, არის მსოფლიო ბესტსელერი, რომელსაც აგრძელებს ‘როგორ ველაპარაკოთ ბავშვებს’-ის ხაზს.
გთავაზობთ წიგნის პირველ გამოცემას ქართულ ენაზე.
წიგნი გამოიცა საქართველოში აშშ-ის საელჩოს წიგნების თარგმნის პროგრამის ფარგლებში.
საერთაშორისოდ აღიარებულმა ავტორებმა ადელ ფაბერმა და ელეინ მაზლიშმა უარი განაცხადეს მუდმივ გაღიზიანებაზე, კამათსა და ჩხუბზე, როგორც ერთზე მეტი შვილის ყოლის საფასურზე. საკუთარ გამოცდილებასა და ჩატარებულ ასობით სემინარზე დაყრდნობით, ავტორებმა შეიმუშავეს მარტივი, თუმცა საოცრად ეფექტიანი გზები დედმამიშვილებში კონფლიქტის შესამცირებლად და კეთილ განწყობის ხელშესაწყობად.
არიადნე
18,95 ₾“არიადნემ თეზევს მიწისქვეშა ჩახლართული ლაბირინთის გასავლელი გზა ასწავლა და ნახევრადადამიანი და ნახევრადხარი, მინოტავროსი, დაამარცხებინა. კრეტის უძლეველი მეფე მინოსის ქალიშვილმა უღალატა სამშობლოს და ოჯახს და თავადაც სიყვარულის მსხვერპლი გახდა — ის მიატოვა მისმა რჩეულმა გმირმა და უკაცრიელ კუნძულზე სიკვდილისთვის გაწირა. მაგრამ მხსნელად მუდამ მხიარული ღმერთი დიონისოსი მოევლინა და ბედნიერება მოუტანა, თუმცა არიადნე მოკვდავია, დიონისოსი კი — უკვდავი. რამდემდე გაგრძელდება ოლიმპოსელი ღმერთის ერთგულება?! ნუთუ არიადნემ ისევ ღალატის სიმწარე უნდა იგემოს?!”
პირანეზი
16,95 ₾სიუზანა კლარკის „პირანეზი“ მკითხველს უნიკალურ, იდუმალ სამყაროში ამოგზაურებს. ეს უზარმაზარი სახლია, რომლის ქვედა სართულებიც ოკეანის საუფლოა, ზედა კი — ღრუბლებისა და ფრინველების საბრძანებელი. აქ დარბაზები სავსეა მშვენიერი ქანდაკებებით — ისინი, დროსთან ერთად გაქვავებულები, წყლის მოქცევის დროს უსიტყვო მცველებად დგანან. პირანეზი, რომლის ამბავიც დღიურების სახითაა მოთხრობილი, ამბობს, რომ სახლში სულ თხუთმეტნი არიან, რომელთაგანაც მხოლოდ ორია ცოცხალი, თვითონ და კიდევ ერთი — სხვა, შუახნის მამაკაცი, რომელიც დიადი საიდუმლოს ამოხსნას, დაკარგული ცოდნის პოვნას ცდილობს. სხვას პირანეზიც ეხმარება, თუმცა მათი ურთიერთობა მალევე იძაბება. პირანეზი ეჭვობს, რომ სახლი რეალურ სამყაროსთაა დაკავშირებული და ვინ იცის, იქნებ თავადაც სხვა, დავიწყებული ცხოვრების ნაწილი აღმოჩნდეს…
მედეა. ხმები
18,95 ₾კრისტა ვოლფი თავის რომანში „მედეა. ხმები“ არგონავტების ცნობილი მითის დეკონსტრუქციას გვთავაზობს, ნაწილ-ნაწილ შლის მას და მითის ყველა მთავარ მონაწილეს აძლევს საშუალებას ამოიღოს ხმა და მომხდარის საკუთარი ვერსია გვიამბოს (სწორედ ამიტომ ჰქვია რომანს „მედეა. ხმები“). ჩვენ თვალწინ ცოცხლდებიან მედეა, იასონი, კოლხეთის მეფე აიეტი და დედოფალი იდია, კორინთოს მეფე კრეონი და მისი პირველი ვარსკვლავთმრიცხველი აკამასი. ვხედავთ, რა აღელვებთ მათ, რისკენ ისწრაფვიან, როგორ იბრძვიან ძალაუფლების შენარჩუნებისთვის… და ამ ფონზე ვხედავთ მედეას, ძლიერ, დამოუკიდებელ ქალს, რომელსაც სურს ჩასწვდეს სამყაროს და ადამიანების მოწყობის საიდუმლოს, ქალს, რომელიც ყოველთვის სინდისის კარნახით მოქმედებს და აზროვნების ახალ სტანდარტს უწესებს მაშინდელ ავტორიტარულ სასახლის კარს, პატრიარქალურ საზოგადოებას…
კლიტემნესტრა
18,95 ₾სიყვარული და მძულვარება, წინასწარმეტყველება და ძალაუფლება სპარტის მეფე ტინდარევსის ასულს ბედისწერამ განუმზადა ხვედრად. პირველი სიყვარული წაართვეს, ქმარი და შვილი მოუკლეს და მას შემდეგ შურისძიების წყურვილი ახრჩობს. არჩევანი მწარეა – ბედთან შეგუება თუ მოძალადე, საძულველი ქმრის მოკვლა? მან ხომ კიდევ ერთი საყვარელი შვილი მოუკლა -იფიგენია შესწირა მსხვერპლად, მხოლოდ იმიტომ, რომ ტროაში საბრძოლველად მიმავალს ღმერთებს ზურგის ქარი ეწყალობებინათ. კლიტემნესტრა მარტოა, ღმერთების იმედი არა აქვს და ბრძოლას იწყებს, უნდა გაუსწორდეს ყველას, ვისაც ოდესმე ტკივილი მიუყენებია
მკვლელობა შუა ზამთარში
15,95 ₾ზამთარი – შესანიშნავი დრო შეუდარებელი აგათა კრისტის დეტექტივების წასაკითხად აგუზგუზებული ბუხრის წინ, ცხელი სურნელოვანი ჩაის ფინჯნით ხელში. თქვენთან ერთად იქნებიან შესანიშნავი მეგზურები: პატარა ბელგიელი, მაძებარი ერკიულ პუარო, გონიერი მოხუცი მის მარპლი, ჯენტლმენი მისტერ სატერთუეიტი, გულუბრყვილო და თავდაჯერებული ინსპექტორი ჯეპი, ენერგიული ცოლ-ქმარი ტომი და ტაპენსი ასევე დანაშაულების მონაწილე არაერთი საინტერესო გმირი. მაშ, წაიკითხეთ დეტექტივების დედოფლის განუმეორებელი მოთხრობების კიდევ ერთი კრებული – „მკვლელობა შუა ზამთარში””.
მოახლის საიდუმლო
16,95 ₾მოახლემ ერთი წესი აუცილებლად უნდა დაიცვას _ არასოდეს არ უნდა შეიჭყიტოს და არც შევიდეს იმ ოთახში, სადაც შესვლა აკრძალული აქვს, თორემ შეიძლება ოთახის კარი კი არ შეაღოს, არამედ პანდორას ყუთი გახსნას და ეს სანანებლად გაუხდეს. მაგრამ მილი წესებს არ ემორჩილება, კარს შეაღებს და დამქირავებლის მეუღლეს გაიცნობს, ნაცემ ქალს, რომელსაც სიკვდილივით ეშინია სასტიკი ქმრის, და მილი მის გადარჩენას გადაწყვეტს… სულ მალე კი თავად იქნება გადასარჩენი.
დიდი იმედები
24,95 ₾„დიდი იმედები ჩარლზ დიკენსის ერთ-ერთი ყველაზე გამორჩეული და ამაღელვებელი ნაწარმოებია. აქ თხრობა პირველ პირში მიმდინარეობს. რომანის მთავარი გმირი, ობოლი პიპი გვიყვება საკუთარ ამბავს – თუ როგორ ცხოვრობდა ერთ მყუდრო სოფელში დასა და სიძესთან ერთად, სანამ მის ცხოვრებაში უცნაური ადამიანები გამოჩნდებოდნენ, რათა მისთვის გული გაებზარათ იმედები ჩაესახათ, ერთგულება ეჩვენებინათ ანდა უმადურად ექციათ. დასაწყისშივე მკითხველის თვალწინ მოღუშული პეიზაჟი იშლება ჭაობები, სასაფლაო და ციხიდან გამოქცეული პატიმარი, რომელიც პატარა პიპს გზად გადაეღობება. მალევე ერთი, ამქვეყნიერებას მოწყვეტილი ქალი ბიჭს სახლში მიიწვევს და მშვენიერ ესტელას გააცნობს. აქედან პიპის უჩვეულო თავგადასავალი იწყება – უცნაური დამთხვევებითა და ფათერაკებით სავსე. ჰიპი ძალზე ემოციურად, სევდიანად და ირონიულად აღწერს მთელ ამბავს. ნაწარმოებში შეხვდებით ტრაგიკომიკურ სცენებსაც, კრიმინალურ დრამასაც, გოტიკურ პასაჟებსაც, სასიყვარულო ისტორიებსაც, იდეით შეპყრობილობასაც და სინდისის ქენჯნასაც. „დიდი იმედები“ ლიტერატურული ჟანრების, ანტაგონისტური პერსონაჟებისა და ემოციების ნამდვილი თაიგულია. „დიდმა იმედებმა“ არაერთი რეჟისორის ყურადღება მიიპყრო – მის მიხედვით გადაიღეს მრავალი ფილმი და დადგეს სპექტაკლები სხვადასხვა ენაზე.
მწერლობა, როგორც ხელოვნება
16,95 ₾თუ რომანის შეთხზვა თვითგამოხატვის საშუალებაა, წერის პროცესის აღწერაც აუცილებლად მოიაზრებს საკუთარ თავზე თხრობას. ამდენად, ჰარუკი მურაკამის „მწერლობა, როგორც ხელობა“ ერთგვარი ავტობიოგრაფიული ესეების კრებულია. რატომ გახდა მწერალი? ყოველდღიურად სასტიკ რეალობას ვაწყდებოდი, ამიტომ მინდოდა ჩემით გამოჩორკნილი კონტა სამყარო, თავშესაფარი მქონოდაო. რატომ დაწერა ეს წიგნი? იმიტომ, რომ მკითხველს საკუთარი გამოცდილება გაუზიაროს. მომავალ მწერლებს კი მკაფიოდ და პრაქტიკულად უჩვენოს გზა, – გრძელი, რთული და წინააღმდეგობრივი, – რომელიც თავად გაიარა. ეს წიგნი მათთვისაა, ვისაც აინტერესებს შემოქმედებითი აზროვნების ბუნება – როგორ ყალიბდება შინაგანი ხმა სიტყვებად და როგორ იქცევა ყოველდღიური გამოცდილება ხელოვნებად. „მჯერა, ადამიანი იმიტომ არ წერს რომანებს, რომ ეს ვინმემ სთხოვა. ის წერს, რადგან მოთხოვნილება აქვს: ძლიერი შინაგანი მოტივაცია უბიძგებს, წეროს და გაუძლოს ყველა გასაჭირს, რომელიც მწერლობას ახლავს“.
ებრაელი დედები არასდროს კვდებიან
25,95 ₾“ებრაელი დედები არასდროს კვდებიან” თამამი და იუმორით სავსე რომანია. მრავალფეროვანი და ცოცხალი სახეების მეშვეობით ავტორი აღწერს ოჯახურ ურთიერთობებს, დედობას და “ებრაელი დედის” მითს. იგი ეყრდნობა სახელგანთქმული ადამიანების ნაწარმოებებს, სადაც ისინი თავიანთ დედებზე საუბრობენ და ქმნის შვილებზე მოამაგე ქალების პორტრეტებს, რომლებმაც გენიოსები გაზარდეს. ამგვარად ავტორი მკითხველს აცნობს ალბერტ აინშტაინის, ზიგმუნდ ფროიდის, ვუდი ალენის, მარსელ პრუსტის, რომენ გარის, ალბერ კოენის და ძმები მარქსების დედებს. რომანი თარგმნილია რამდენიმე ენაზე.
აილინი
15,90 ₾შობის დღეებს არავითარი სიხარული არ მოაქვს აილინ დანლოპისთვის – ახალგაზრდა მარტოხელა ქალისთვის, რომელიც მდივნად მუშაობს მოზარდი ბიჭების კერძო გამოსასწორებელ დაწესებულებაში, ცხოვრობს ლოთ მამასთან ერთად და ოცნებობს, გაიქცეს დიდ ქალაქში, რომელიც მის ფანტაზიებში ცოცხლობს. აილინის დღეები სავსეა სევდით, ნაღველით და საკუთარი თავის ზიზღით, ღამეები კი – წვრილმანი ქურდობით, უცნაური ფანტაზიებით და მამის შეშლილი საქციელით.
„მურჰედში“ მოდის ახალგაზრდა ქალი – რებეკა სენტ-ჯონი. აილინი მოიხიბლება მისით და მათი მეგობრობა გადაიზრდება სახიფათო დანაშაულებრივ თამაშში, რომელიც აილინის ყველაზე თამამი წარმოდგენების ფარგლებსაც კი სცილდება.
ამბავს გვიყვება ხანდაზმული აილინი, იხსენებს წარსულს, თავისი უღიმღამო, უსიხარულო ცხოვრების უკანასკნელ დღეებს იმ ცივ, პირქუშ ქალაქში.
ნიჟარების ბილიკი
14,90 ₾ანდრეა ტექნოლოგიებზე დამოკიდებული, სოციალური ქსელებით შეპყრობილი და რეალურ სამყაროზე გულაცრუებული ბიჭია. მეტავერსით გატაცებულმა, ერთი დიდი შეცდომა დაუშვა, რის შემდეგაც მშობლებმა „სასჯელი“ მოუფიქრეს – ზურგჩანთამოკიდებულმა, ათი დღის განმავლობაში ოჯახის უცნაურ მეგობართან ერთად წმინდა იაკობის გზის ასობით კილომეტრი ფეხით უნდა გაიაროს, თანაც – ტელეფონის გარეშე!..
გზა ნამდვილი კოშმარივით იწყება, მაგრამ ყოველი ახალი ნაბიჯი, ახალი ადგილი და ახალი გამოცდილება ანდრეას საკუთარ თავთან აახლოებს – იმასთან, ვისაც აქამდე ვერ ამჩნევდა.
ერთი შეხედვით, დაუძლეველი დაბრკოლებები, ახალგაცნობილი თანატოლი თუ ბევრად უფროსი თანამგზავრები, პირველი სიყვარული და მოულოდნელი სირთულეები ანდრეას ასწავლის მეგობრობას, თავმდაბლობას, თანაგრძნობას და იმას, რომ პასუხისმგებლობა სასჯელი კი არა, განვითარებისა და ზრდის საყრდენია; რომ ზოგჯერ საკმარისია ერთი გზა, ერთი ადამიანი და ერთი გაკვეთილი, რომ შენი ცხოვრება ახალ კურსს დაადგეს და იპოვო საკუთარი ხმა სამყაროში, რომელშიც ყველაზე მძაფრად სწორედ შენი სიჩუმე ისმის.
დეტექტივი ელიკე (9-11)
10,90 ₾11 წლის ელიკე, დეტექტივების მოყვარული დეიდა გატას აზრით, „ხან საშინელება, ხან უშინელება“ გოგოა. სინამდვილეში, ელიკე მოუსვენარი და, ამავე დროს, ძალიან ცნობისმოყვარე ბავშვია, ცნობისმოყვარე ბავშვებს კი ხშირად იმაზე მეტი კარგი საქმის კეთება შეუძლიათ, ვიდრე უფროსებს წარმოუდგენიათ.
ელიკე რომ არა, პატარა ქალაქში ალბათ დიდხანს ვერავინ გაიგებდა, რა შეემთხვა საბავშვო მწერალს, ეულელია ც.-ს. იქნებ უბრალოდ, სამოგზაუროდ წავიდა? ან ხომ არ მოკლეს? სად შეიძლება დაკარგულიყო?!
ამ კითხვებზე პასუხებს თანამედროვე საბავშვო მწერლის, ლელა ცუცქირიძის დეტექტივში იპოვი.
მამლუქი
11,90 ₾„მამლუქის“ სიუჟეტი დასავლეთ საქართველოს პატარა ქალაქის მკვიდრი ბიჭის, ბესოს გარშემო ვითარდება. საბჭოთა სამხედრო სამსახურის გაწვევით ავღანეთში აღმოჩენილი ბესო უცნაური შემთხვევის წყალობით გადაურჩება სიკვდილს. ამ შემთხვევის მიზეზი ისლამ სულთანოვია, ქირბალის ხანების შთამომავალი, საბჭოთა რეჟიმის მიერ გადასახლებული და შემდეგ თბილისიდან დასავლეთის იმ პატარა ქალაქში განდევნილი ბრძენკაცი, სადაც ბესოს ოჯახი ცხოვრობს. ისლამს კინოსტუდია აბარია. თანაქალაქელებს უჩვეულო, კარჩაკეტილ კაცად მიაჩნიათ, მაგრამ ბესოს მასთან განსაკუთრებული, საბედისწერო სიახლოვე აკავშირებს. საბჭოთა კავშირის დაშლის შემდეგ შავბნელი დრო დგება, ქვეყანა აირევა. ისლამ სულთანოვი აღმოსავლური სიდინჯით და შორსმჭვრეტელი თვალით აკვირდება ყველაფერს და ბესოს ხშირად არიგებს, მის ცხოვრებას მიმართულებას აძლევს.
„მამლუქი“ პირველად 2009 წელს გამოიცა. 2010 წელს მიიღო ილიას სახელმწიფო უნივერსიტეტის „წლის საუკეთესო ქართული რომანის“ პრემია.
ცოცხალი კედელი
15,90 ₾2024 წლის 26 მარტი ქართული ფეხბურთისთვის გარდამტეხ მომენტად იქცა. დამოუკიდებლობის ისტორიაში პირველად საქართველოს ნაკრები ევროპის ჩემპიონატის ფინალურ ეტაპზე გავიდა. ამ უმნიშვნელოვანესმა მოვლენამ მთელი ქვეყანა თითქოს ერთ გუნდად შეკრა და დიდ-პატარა ფეხბურთის თაყვანისმცემლად აქცია.
ჟურნალისტისა და ბლოგერის, არმაზ ახვლედიანის ეს წიგნი სწორედ ამ ისტორიული, „ევრო 2024“-ის დღიურია. თუმცა „ცოცხალი კედელი“ არ არის მხოლოდ კონკრეტული ევროტურნირის ყოველდღიურობის აღწერა, არამედ პირადი მოგონებებითა და გამოცდილებით შეზავებული ამბავი, რომელიც თავიდან ბოლომდე ფეხბურთთანაა გადაჯაჭვული. წიგნში თავმოყრილი მოგონებები ხელახლა გვაზიარებს პირველ ისტორიულ გამოცდილებას – როგორია, იყო საქართველოს ნაკრების გულშემატკივარი ევროპის ჩემპიონატზე.
ჯეიმსი
19,90 ₾შთამბეჭდავი და განსაკუთრებული რომანია, რომელიც მარკ ტვენის „ჰეკლბერი ფინის თავგადასავალს“ სრულიად ახალი პერსპექტივიდან წარმოგვიდგენს.
ჯიმი ჰეკ ფინის თავზეხელაღებული ამბების ჩრდილიდან გამოდის და ამჯერად ის იქცევა მთხრობლად.
„1861 წ., მდინარე მისისიპი.
ჩემი ფანქრით დაწერილმა მშვა…“
ჯიმი შემთხვევით ყურს მოკრავს, რომ ნიუ ორლეანში უნდა გაყიდონ და თავის ცოლ-შვილს დააშორონ. გადაწყვეტს, ახლომდებარე ჯექსონის კუნძულს შეაფაროს თავი, სანამ უკეთეს გეგმას არ დასახავს.
ამასობაში, ჰეკ ფინი საკუთარ სიკვდილს გაითამაშებს, რათა ქალაქში დაბრუნებულ მოძალადე მამას აარიდოს თავი. აქ იწყება სახიფათო მოგზაურობა მდინარე მისისიპიზე, „თავისუფალი შტატებისკენ“, რომლებიც მონობაში გატანჯულებს ბუნდოვან თავისუფლებას ჰპირდება. ჯეიმსი და ჰეკი ერთად ცდილობენ, გზა გაიკვლიონ დიდი მდინარის მზაკვრულ წყლებში, სადაც ყოველი მოსახვევი გადარჩენას ან დაღუპვას უქადით.
ჯეიმსს ამ გზაზე ორმაგი ტვირთის ზიდვა უწევს:
სცადოს, ოჯახი დაიხსნას და, იმავდროულად, არავინ გაიგოს მისი ვინაობა. ჯეიმსის ტრაგიკული ოდისეა ახლებურად გაგვაცნობს ჰეკის და ჯიმის ცნობილ დუეტს და სულ სხვა სინათლეს მოჰფენს მათ თავგადასავალს.
მაიმუნის წელიწადი
14,90 ₾პატი სმითის მოგონებებისა და სიზმრების საგა გრძელდება.
წარსული და აწმყო, სინამდვილე და წარმოსახვა, ლოგიკური აზროვნება და წინათგრძნობა ქართულად გამოცემულ მის მესამე წიგნშიც კვლავ ერთმანეთთან გადაჯაჭვულია, ისე რომ ძნელია, გაარჩიო, სად გადის მათ შორის ზღვარი. თუმცა, პატი სმითის თაყვანისმცემლებს კარგად მოეხსენებათ, რომ ამ უჩვეულო ხელოვანის – მომღერლის, მხატვრის, პოეტის, კომპოზიტორის – „პორტალებში“ სვლა მართლაც უსაშველოდ საინტერესოა. თურმე შესაძლებელია, საყვარელ ადგილებში მოგზაურობისას შენი თანმხლები მექსიკელი ინტელექტუალი თან არსებობდეს და თან არა, ანდა სასტუმროს აბრა განუწყვეტლივ გელაპარაკებოდეს და ყველგან უკან დაგდევდეს, ან კიდევ მეგობარი პოეტი აზროვნების ძალით, ჰაერის ტალღებით გიგზავნიდეს შეტყობინებებს; შენ კი დროდადრო შუა საუკუნეებში გადაინაცვლო, გენტის საკურთხევლის ხატვას შეესწრო და, იქიდან დაბრუნებულმა, ხელიდან წითელი საღებავი ვეღარ მოიშორო. ეს უჩვეულო, სასწაულებრივი ამბები მაშინ ხდება, როცა „სამყარო მომაკვდინებელ სიგიჟეს მოუცავს“ (ანტონენ არტო), პატი სმითი კი თითქოს გვასწავლის, სიცოცხლის შემოდგომის მიწურულს როგორ შეიძლება ვებრძოლოთ უსიამოვნო ამბებით მოგვრილ იმედგაცრუებასა და ნაღველს.
ასე რომ, მკითხველს ელოდება გამაოგნებელი მოგზაურობა პატი სმითის მრავალგანზომილებიან არტისტულ სამყაროში, რომლის რაიმენაირ საზღვრებში მოქცევა ისევე შეუძლებელია, როგორც ამ ნაწარმოების ჟანრის განსაზღვრა.
ადამიანი – კომბინი
12,90 ₾ზოგი წიგნი სილის გაწვნას ჰგავს: უეცრად შეგაცბუნებს, გატკენს, გამოგაფხიზლებს, უთუოდ დაგასევდიანებს და სარკეში ჩახედვასაც გაიძულებს. ახალი პროზის ვარსკვლავად აღიარებულმა საიაკა მურატამ ამ ნაწარმოებით იაპონიის (და არა მხოლოდ) საზოგადოებას გვარიანი ალიყური აჭამა და აკუტაგავას პრემიაც მოიპოვა. მწერალი ქალი დახვეწილად და ფრთხილად იკვლევს საზოგადოებისგან მივიწყებულ ე. წ. „ფსკერს“, სადაც ტრადიციული სამყაროს ღირებულებები უფასურდება და სადაც შეიძლება, მოულოდნელად მბრწყინავი ქვები ვერ აღმოაჩინო.
მაინც რა ბედი ელის განსხვავებულ ადამიანებს, რომლებიც „სოფლის მოთხოვნებს“ ვერ აკმაყოფილებენ და საზოგადოებისთვის ტვირთად ქცეულან? როგორ იცხოვრონ, როგორ იარსებონ, როგორ ისუნთქონ თავისუფლად ისე, რომ თავსმოხვეულ წესრიგსა თუ გარშემომყოფთა წნეხსაც გაუმკლავდნენ და საკუთარი სიცოცხლის საზრისიც თავად იპოვონ? საიაკა მურატას მთავარ პერსონაჟებს, რომლებსაც ერთმანეთთან არაფერი აკავშირებთ, მხოლოდ ის უნდათ, რომ არავინ განსაჯოს, მათ ცხოვრებაში ცხვირი არავინ ჩაყოს; ამიტომ გადაწყვეტენ, ერთად ითვალთმაქცონ და თავიანთი ყოფა შეცვალონ. ვნახოთ, რა შედეგს გამოიღებს მათი მცდელობა…
მეხსიერების პოლიცია
14,90 ₾იაკო ოგავა თანამედროვე იაპონელი მწერალია. მას მიღებული აქვს სხვადასხვა ლიტერატურული ჯილდო, მათ შორის აკუტაგავას პრემია.
ოგავას ალეგორიული რომანი „მეხსიერების პოლიცია“ დიქტატორულ რეჟიმებში ადამიანის, მისი მეხსიერების გაქრობის ლიტერატურული სურათია, ოღონდ ეს გაქრობა იმდენად მშვიდი და თანმიმდევრულია, უზარმაზარი შფოთვისა და საფრთხის ნაცვლად, ასევე მშვიდ, კომფორტულ სივრცეს აჩენს მკითხველისთვის.
ავტორი თითქოს მუდმივად მართავს დიალოგს ბეკეტთან, კაფკასა თუ ორუელთან, მაგრამ მაინც მძაფრად ინდივიდუალისტურ სამყაროს ქმნის, რომელშიც ადამიანზე ტოტალური კონტროლი უფრო რბილად და, შესაბამისად, უფრო საშიშად დგება. ამ სიმძიმეს უწყვეტ ხაზად მიჰყვება ერთგვარი რომანტიკულობა და ფინალიც თითქოს ზუსტად ამგვარ, რომანტიკულ გამოსავალს გვთავაზობს.
რომანს იაპონურად „დამალული კრისტალი“ ჰქვია, რაც იაპონურ მითოლოგიას უკავშირდება და გაუგებარია დანარჩენი სამყაროსთვის. ამიტომ თავად ავტორის თანხმობით ინგლისურ, ფრანგულ, გერმანულ და ახლა უკვე ქართულ ენაზეც მას „მეხსიერების პოლიცია“ ეწოდა.
1 ლოკი ასგარდელი ღმერთის მორჯულება
12,90 ₾მე, ლოკის, ცბიერების ძლევამოსილ ღმერთს, ოდინმა მომისაჯა, რომ დედამიწაზე თერთმეტი წლის ბიჭად გარდასახულმა ვიცხოვრო. სახლში დასაბრუნებლად მე:
1. კარგი საქმეები უნდა ვაკეთო (რა მოსაწყენია)
2. სკოლაში უნდა ვიარო (რა სისასტიკეა)
3. თორი უნდა ავიტანო (რა სისაძაგლეა)
წარმატება მისურვეთ! ან არა. რიგითი მოკვდავების აზრი ოდნავადაც არ მადარდებს…
ლარი ლუზერი ნამდვილი ჩემპიონი
14,90 ₾გაიცანით ლარი ლუზერი – ბიჭი, რომელსაც დაუდევრობის, ხათაბალაში გახვევის და ქაოსის მოწყობის ნიჭი აქვს. წინ გელოდებათ ბევრი…
კომიქსში შეხვდებით ლარის ოჯახს, შინაურ ცხოველებს, მის საყვარელ მეგობრებსა და არც ისე საყვარელ მტრებს!
გაფრთხილება! მოემზადეთ ბევრი სიცილისთვის..