წიგნების კატალოგი
ტიბეტური სიკვდილის წიგნი
24,95 ₾Bardo Thödol ტიბეტური სიბრძნის უმაღლესი მემკვიდრეობაა, რომელიც ათასწლეულების განმავლობაში მონასტერში ინახებოდა. მე-20 საუკუნეში ის პირველად ითარგმნა დასავლურ სამყაროში. კარლ გუსტავ იუნგმა მასში ადამიანის ფსიქიკის არქეტიპული რუკა ამოიცნო, ხოლო ბიტ-თაობისთვის ალენ გინზბერგისა და ტიმოთე ლირისათვის, წიგნი გარდამავალ განზომილებათა გზამკვლევად იქცა, ცნობიერების ახალი სივრცეების აღმოსაჩენად.
Bardo Thödol – ჩემი მუდმივი თანამგზავრი გახლდათ, მას ვუმადლი უამრავ შთამაგონებელ იდეასა და აღმოჩენას, აგრეთვე საკუთარი სულიერი ინტუიციის საწყისების განმტკიცებას.
კარლ გუსტავ იუნგი
კარლ გუსტავ იუნგის ფსიქოლოგიურიკომენტარის თარგმანის კონსულტანტი გია ეძგვერაძე
დიდი საჭადრაკო დაფა
24,95 ₾„დიდი საჭადრაკო დაფა“ ერთ-ერთი ყველაზე გავლენიანი ნაშრომია თანამედროვე გეოპოლიტიკის შესახებ, რომელშიც ავტორი აანალიზებს ცივი ომის შემდგომი მსოფლიო წესრიგის ჩამოყალიბებას და ევრაზიის განსაკუთრებულ მნიშვნელობას გლობალური ძალთა ბალანსის განსაზღვრაში. ზბიგნევ ბზეჟინსკი ამტკიცებს, რომ სწორედ ევრაზიაა ის სტრატეგიული სივრცე, სადაც წყდება მსოფლიო პოლიტიკის ბედი და სადაც ერთმანეთს ეჯიბრებიან დიდი სახელმწიფოები.
წიგნში დეტალურადაა განხილული ამერიკის შეერთებული შტატების როლი როგორც ერთადერთი ზესახელმწიფოსი და მისი გრძელვადიანი სტრატეგიული ინტერესები ევრაზიის სხვადასხვა რეგიონში. ავტორი განსაკუთრებულ ყურადღებას უთმობს ევროპას, რუსეთს, ჩინეთს, ცენტრალურ აზიასა და კავკასიას, აღწერს მათ გეოპოლიტიკურ მნიშვნელობას და აფასებს იმ პოლიტიკურ პროცესებს, რომლებიც გავლენას ახდენს ძალთა განაწილებაზე ამ ფართო სივრცეში.
ბზეჟინსკის ანალიზი აერთიანებს ისტორიულ გამოცდილებას, სტრატეგიულ ხედვასა და პრაქტიკულ პოლიტიკურ ცოდნას. წიგნი მნიშვნელოვანი ინტელექტუალური გზამკვლევია საერთაშორისო ურთიერთობების, გეოპოლიტიკისა და მსოფლიო პოლიტიკის საკითხებით დაინტერესებული მკითხველისთვის და დღემდე რჩება ერთ-ერთ ძირითად ტექსტად გლობალური სტრატეგიისა და ევრაზიის პოლიტიკის გააზრებისათვის.
წამით გამკრთალი
19,95 ₾ოლდოს ჰაქსლის „წამით გამკრთალი“ (ფრაზა შექსპირის „მაკბეტიდან“ Brief Candles), ოთხი მოთხრობისგან შედგება. წიგნი პირველად 1930 წელს გამოიცა. მიუხედავად იმისა, რომ ოთხივე მოთხრობა სხვადასხვა ამბავს გვიყვება და სრულიად განსხვავებულ სიუჟეტურ სტრუქტურას ქმნის, გამოცდილი მკითხველის თვალს, პერსონაჟების უმეტესობაში, საერთო შტრიხების ამოცნობა არ გაუჭირდება. მოთხრობები საუკეთესოდ გადმოსცემს ადამიანის ქცევის წესებსა და უცნაურობებს. უნდა აღინიშნოს, რომ ჰაქსლიმ დიდ მწერლებთან ერთად – გოლსუორსი, ფორსტერი, უელსი, მოემი, მენსფილდი, კიპლინგი, კოპარდი – მოთხრობის, როგორც ლიტერატურის ერთ-ერთი წამყვანი ჟანრის ჩამოყალიბებაში დიდი წვლილი შეიტანა.
ჰაქსლის მოთხრობები ადეკვატურად გადმოსცემს ეპოქის სწრაფ, წინააღმდეგობრივ განვითარებას, ზნეობრივ საკითხებსა და ფაქტობრივ სინამდვილეს. ავტორი უამრავ კითხვას სვამს, უამრავ საკითხს ეხება და ცდილობს ყოველ მათგანს თავად გასცეს პასუხი. ის მკითხველს ადამიანური სისუსტეების, ბედისწერასა და ცხოვრებას შორის კავშირის, ზნეობრივი საქციელის, თვალთმაქცობის, სიხარბის, თვითიდენტობის სირთულეების აღწერასა და ღრმა, საინტერესო ანალიზს სთავაზობს.
ჰაქსლის თხრობის ტონი ხან ირონიულია, ხანაც მწვავე და განმგმირავი, რაც ყოველ წინადადებას დიდ მნიშვნელობას სძენს. ზუსტი ფსიქოლოგიური ანალიზისა და ინტელექტუალური თხრობის მოყვარული მკითხველები არაერთხელ უბრუნდები ან კრებულს. თითოეული ისტორია ზედმიწევნით ფრთხილად ვითარდება და მოულოდნელ შემობრუნებამდე მივყავართ, რაც ნათელს ჰფენს მოკვდავობის, თვითმოტყუებისა და იმედის მყიფე თემებს. საინტერესოა მწერლის შეხედულება ხელოვნებაზე. მისი აზრით, ხელოვანმა რეალობის მრავალმხრივი ქაოსიდან მოწესრიგებული ერთიანობა უნდა შექმნას, რაც ადამიანის ინტელექტის ამაღლებასა და შინაგანი თავისუფლების მოპოვებას მოემსახურება…
კრებული განკუთვნილია მხატვრული ლიტერატურის მოყვარულებისთვის – მათთვის, ვინც აფასებს მოხდენილ და, ამავდროულად, მიზანდასახულ თხრობას. ლაკონიური, ძლიერი და ღრმად ადამიანური „წამით გამკრთალი…“ მე-20 საუკუნის დასაწყისის ლიტერატურული სრულყოფილების ნიმუშს წარმოადგენს.
ძველი სიმღერები
11,95 ₾შემოქმედი კი არ ირჩევს თემატიკა იქნება, ხედვის რაკურსი თუ ენობრივ-სტილური თავისებურება, არამედ: თემატიკა, ხედვის რაკურსი თუ ენობრივ-სტილური თავისებურება ირჩევს შემოქმედსაც და მის სვლასაც ამ გზაზე – გარდასახვებიანად, შემობრუნებებიანად, ნიღბებიანად. ყველაზე ხელშესახები გიორგი კეკელიძის სიმღერათა ამ ორ დინებას შორის აღმოჩნდებოდა სწორედ ზმანება, ერთში – იდუმალებიდან ამომზევებული, ხოლო მეორეში – კიდევ უფრო ჩაძირული იდუმალებაში, ოღონდ მზეც რომ თან უნდა ჩაჰყოლოდა, გახსენებად ზეცის არსებობისა, რათა:
მისი უქონლობა მთელი ძალით განეცდევინებინა მკითხველისათვის და მოენდომებინა კვლავაც ზიარება იმ დაკარგულ სამყაროსთან, რომელიც ყოფით რეალობად ეგულებოდა და მშვიდადაც უმზერდა, როგორც უკვე მოპოვებულს.
დაფის მეორე მხარე
11,95 ₾დათო გორგილაძის ,,დაფის მეორე მხარე“ აერთიანებს მინიატურებს, მცირე პროზასა და ლიტერატურულ მისტიფიკაციას, ,,ნათარგმნ“ პოეტურ ჩანაწერებს – ყველაფერს, რასაც თავად ავტორი შესავალში ,,ჩასუნთქვებსა და ამოსუნთქვებს“ უწოდებს.
ჩასუნთქვისას შეჩერებული წამი და ამოსუნთქვას ამოყოლებული გული – კიდევ უფრო ზუსტად, ალბათ, ასე შეიძლება აღვწეროთ წიგნში შესული თითოეული ტექსტი – მონატრებით, ტკივილით, მარტოობითა და დანაკრგის სევდით სავსე ამბები.
მანგროს ტყის გადაკვეთა
19,95 ₾კუნძულ გვადალუპაზე ერთ-ერთი სოფლის იდუმალებით მოცულ მკვიდრს, ფრანსის სანშეს, მკვდარს პოულობენ. მისი სიკვდილი არავის უკვირს, რადგან მელანქოლიურ სანშეს თავად ჰქონდა საკუთარი აღსასრული ნაწინასწარმეტყველები; თუმცა ვინ იყო ის სინამდვილეში – კაცი, რომელიც ერთდროულად ასეთი მომხიბვლელი და ასეთი საძულველი იყო – არავინ იცოდა.
სანშეს პანაშვიდის მსვლელობისას, სოფლის მაცხოვრებელთა სამგლოვიარო სიტყვები და შინაგანი მონოლოგები, პაზლის ნაწილებივით, ნელ-ნელა მთლიან სურათს ქმნის. მარიზ კონდე დიდი ოსტატობით, ფრაგმენტულად ააშკარავებს იდუმალი გმირის პორტრეტსა და თავად სოფლის მაცხოვრებლების ფარულ ვნებებსა თუ სურვილებს.
მარიზ კონდე ფრანგი, წარმოშობით გვადალუპელი ავტორია, რომელსაც 2018 წელს ლიტერატურაში შეტანილი განსაკუთრებული წვლილისთვის „ალტერნატიული ნობელის” სახელით ცნობილი ახალი აკადემიის ჯილდო გადაეცა.
სხვა ხმები, სხვა ოთახები
20,95 ₾13 წლის ჯოელი დედის გარდაცვალების შემდეგ აქამდე უცნობ მამასთან მიემგზავრება. ჯოელი მისისიპის ერთ მივიწყებულ მამულში აღმოჩნდება, სადაც მას პარალიზებული მამა, ექსცენტრიკული ნათესავები და უცნაური, იდუმალებით მოცული გარემო ხვდება.
აუტანელ სიცხესა და წარსულის აჩრდილებს შორის ბიჭი უმანკოების მსხვრევის, საკუთარი იდენტობის ძიებისა და გარდაუვალი მარტოსულობის პირისპირ აღმოჩნდება.
ლეგენდარული ამერიკელი მწერალი, თრუმენ კეპოუტი ამ ნახევრად ავტობიოგრაფიულ რომანში ოსტატურად აღწერს ახალგაზრდა ბიჭის შინაგან ტრანსფორმაციას. „სხვა ხმები, სხვა ოთახები” თრუმენ კეპოუტის სადებიუტო რომანია, რომელიც მან 23 წლის ასაკში დაწერა. ქართულად უკვე გამოცემულია ავტორის გახმაურებული რომანი „ხელის აუკანკალებლად”.
არაფერი
21,95 ₾„ომის ნანგრევებში, კარმენ ლაფორეტმა, 23 წლის ახალგაზრდა ქალმა, შექმნა ნაწარმოები, რომელიც ლიტერატურული აფეთქების ტოლფასი აღმოჩნდა“. – მარიო ვარგას ლიოსა
კარმენ ლაფორეტის „არაფერი“ ესპანურენოვან ლიტერატურაში ერთ-ერთ უმნიშვნელოვანეს ლიტერატურულ ნაწარმოებად მიიჩნევა. ავტორის ცხოვრებისეულ გამოცდილებაზე დაფუძნებული რომანი მოგვითხრობს ობოლი ახალგაზრდა ქალის ისტორიას, რომელიც პროვინციიდან ბარსელონაში სასწავლებლად მიემგზავრება.
მდიდარ თანაკურსელებთან ურთიერთობა და ბარსელონას ქუჩებში ხეტიალი ანდრეასთვის ერთადერთი გზაა საკუთარი თავის ხელახლა შესაქმნელად. ეს არის ამბავი ეგზისტენციალური შფოთვით გაჟღენთილი შინაგანი მოგზაურობისა, რომელშიც, ადამიანური ბუნების სიღრმისეულად შეცნობის მცდელობით, კარმენ ლაფორეტი გვიჩვენებს, თუ როგორ შეიძლება, ინდივიდმა მიაკვლიოს შინაგან თავისუფლებას ყველაზე კრიტიკულ მდგომარეობაშიც კი.
არაფერი არსებობს, აწმყოს გარდა
12,95 ₾როგორ შევწყვიტოთ ბრძოლა დინების წინააღმდეგ?
აღმოსავლური ფილოსოფიისა და თანამედროვე დასავლური ფსიქოლოგიის სინთეზით, ალან უოტსი გვთავაზობს ერთგვარ ინსტრუქციას, რომელიც ყოველდღიური თუ ეგზისტენციალური შფოთვებისგან თავის დაღწევაში დაგეხმარებათ. ეს წიგნი არის გზამკვლევი მათთვის, ვისაც სურს ცხოვრების ნამდვილი არსი ამოიცნოს, რადგან, საბოლოოდ, არაფერი არსებობს, აწმყოს გარდა.
ქართულად უკვე გამოიცა ალან უოტსის ლექციების კრებული “აღმოსავლური სიბრძნე და თანამედროვეობა”.
ხელოვანის გზა
24,95 ₾არ აქვს მნიშვნელობა, რას საქმიანობთ, რამდენი წლის ხართ ან ცხოვრების რომელ გზას ადგახართ, ჯულია კემერონის მსოფლიო ბესტსელერი, „ხელოვანის გზა“ ცხოვრების თქვენი სურვილისამებრ წარმართვაში დაგეხმარებათ.
ჩვენ შემოქმედებითი არსებები ვართ, ამიტომ ჩვენი ცხოვრება ხელოვნების ნიმუშია. პრაქტიკაში მრავალგზის ნაცადი ინსტრუმენტებით კემერონი გვასწავლის, როგორ მივაკვლიოთ ჩვენს შინაგან შემოქმედებითობას და როგორ გამოვიყენოთ ეს უსაზღვრო ენერგია ჩვენი უზენაესი მიზნების მისაღწევად.
ჯადოსნური მთა
45,90 ₾გერმანული ლიტერატურის შედევრად აღიარებული რომანი „ჯადოსნური მთა” 1924 წელს გამოვიდა. თავად ავტორის შეფასებით, ეს წიგნი უაღრესად გერმანულია, თუმცა ევროპული განმანათლებლური, აღმზრდელობითი რომანის მოდერნიზაციადაც შეიძლება ჩაითვალოს და ცოტათი – მის პაროდიადაც.
მწერალი იკვლევს სიკვდილის პირისპირ მდგარი ადამიანისა და მისი ახლობლების ფსიქოლოგიას. მთავარი გმირის მსოფლმხედველობას თავდაყირა აყენებს სიკვდილის სიახლოვე, მისი სუნთქვა სიყვარულსაც კი განსხვავებულ ელფერს ანიჭებს.
ამ წიგნისთვის დამახასიათებელია აზრობრივი სიღრმე, მრავალპლანიანობა, დინჯი, აუჩქარებელი თხრობა, გამოკვეთილი ხასიათები და მწერლის ჰუმანური, ირონიანარევი დამოკიდებულება გმირების მიმართ.
დახვეწილი, მუსიკალურობამდე ამაღლებული, თუმცა ფრაზეოლოგიზმებისგან განტვირთული ენა და მონუმენტური ფორმა ინტელექტუალური რომანის ნიშან-თვისებებია, რომლის ერთ-ერთ ფუძემდებლადაც მსოფლიო ლიტერატურაში სწორედ თომას მანია მიჩნეული.
კილიმანჯაროს თოვლი
45,90 ₾ერნესტ ჰემინგუეის (1899-1961) მოთხრობების კრებული, სახელწოდებით „პირველი ორმოცდაცხრა“, პირველად 1938 წელს გამოქვეყნდა. 1987 წელს მისმა ამერიკელმა გამომცემელმა, „სკრიბნერსმა“, შეადგინა მოთხრობების სრული კრებული, რომელშიც შევიდა როგორც „პირველი ორმოცდაცხრა“, ისე ჟურნალ-გაზეთებში დაბეჭდილი და ასევე, მანამდე გამოუცემელი მოთხრობები. ქართველი მკითხველისთვის შეთავაზებული ეს გამოცემა აერთიანებს მწერლის ადრეულ მოთხრობებს, ანუ კრებულს „პირველი ორმოცდაცხრა“.
ჰემინგუეის, როგორც მწერლის, გენიალური სტილი ყველაზე უკეთ სწორედ მის მოთხრობებში გამოვლინდა: სხარტი, ძუნწი, დაწურული ფრაზებით სულ რამდენიმე გვერდზე გადმოცემულია ადამიანური ყოფის სისასტიკე და სინაზე, სასოწარკვეთილება და იმედი, ომით მიყენებული ტრავმა და რომანტიკული ურთიერთობა. ავტორი მკითხველს ხან ამერიკის პატარა ქალაქებში ამოგზაურებს, ხან ევროპის ქვეყნებში, ხანაც აფრიკის უსასრულო სავანაში. ქართველი მკითხველი შეხვდება ნიკ ადამსს – ავტორის ალტერ ეგოს – და შეიტყობს ბევრ ავტობიოგრაფიულ ეპიზოდს მწერლის ცხოვრებიდან.
დამცირებულნი და შეურაცხყოფილნი
25,90 ₾„დამცირებულნი და შეურაცხყოფილნი“ (1861) ფიოდორ დოსტოევსკის (1821- 1866) პირველი რომანია, რომელიც მან კატორღიდან დაბრუნების შემდეგ დაწერა. მთხრობელი ახალგაზრდა ლიტერატორია, ივანი, რომელსაც ავტორმა თავისი ბიოგრაფიის კონკრეტული შტრიხები უსახსოვრა, თუმცა ზუსტი ქრონოლოგიური ხაზის აღდგენა რთულია.
რომანი სოციალურ უთანასწორობაზეა _ როგორ ილახება ინდივიდის ბედი და თავმოყვარეობა, როცა საშუალო და დაბალი ფენის ადამიანებს ეგოიზმითა და ცინიზმით, გონებითა და ფულით აღჭურვილი გარეწარი უპირისპირდება.
რომანში ორი სიუჟეტური ხაზია, რომლებიც მოულოდნელად იკვეთება და აჩენს გარკვეულ ინტრიგას, რაც მთელ ტექსტს მიყვება და ითრევს მკითხველს.
ავტორი, რა თქმა უნდა, დამცირებულებისა და შეურაცხყოფილების, პატარა ადამიანების მხარესაა. ისინი უძლურნი არიან დიდი, დამანგრეველი ძალის პირისპირ, თუმცა მორალური გადარჩენის შესაძლებლობა მაინც რჩებათ, რადგან დოსტოევსკისეული ქრისტიანული ხედვა ყოველთვის ინდივიდის პირადი ძალისხმევისკენაა მიმართული.
გადარჩებიან თუ ვერა დოსტოევსკის დამცირებული და შეურაცხყოფილი გმირები, მაშინ როცა ბოროტების დამარცხების საშუალება მათ არა აქვთ? ღრმა თანაგრძნობითა და სიყვარულით დაწერილი ეს რომანი ამ კითხვაზეც იძლევა პასუხს.
დანიშნულნი
45,90 ₾„დანიშნულნი“ იტალიური რომანტიკული ლიტერატურის შედევრია. გოეთეს სიტყვებით, ეს არის რომანი, რომელიც „აღემატება ყველაფერს, რაც ამ ჟანრში ოდესმე შეგვხვედრია“. სიუჟეტი ვითარდება XVII საუკუნის ლომბარდიაში, ესპანური მმართველობის პერიოდში და შეყვარებულების, რენცოსა და ლუჩიას სევდიან ამბავს მოგვითხრობს. წყვილის ჯვრისწერას წინ აღუდგება დონ როდრიგო, ადგილობრივი ფეოდალი, რომელიც ბოროტად იყენებს ძალაუფლებას და სამოქალაქო თუ საეკლესიო ხელისუფლების წარმომადგენლებს თავისი გავლენის ქვეშ აქცევს. რენცო და ლუჩია არაერთ სიძნელეს გადალახავენ – საყოველთაო შიმშილს, მილანის აჯანყებებს, შავი ჭირის ეპიდემიას… ბოლოს, ხანგრძლივი განშორების შემდეგ, განგება ისევ შეახვედრებს ერთმანეთს მილანის ლაზარეთში, საიდანაც მათი ცხოვრების ახალი ეტაპი იწყება…
ალესანდრო მანძონი (1785-1873) იტალიური ლიტერატურის ერთ-ერთი თვალსაჩინო წარმომადგენელია. მას უდიდესი წვლილი მიუძღვის ერთიანი იტალიური ენის ჩამოყალიბებაში. ისტორიული რომანი „დანიშნულნი“ მანძონის შემოქმედების მწვერვალია და იტალიური რიზორჯიმენტოს სიმბოლოდ ითვლება.
ბურდღუნა ბრუნოს ერთგული მეგობრები
19,90 ₾ბურდღუნა ბრუნოს მოსაწყენად არ სცალია. ერთგულ მეგობრებთან ერთად ხან ფეხბურთს თამაშობს, ხან პონების ფერმაში სეირნობს, ხანაც დაბადების დღის წვეულებას აწყობს. თუმცა, მეგობრები მხოლოდ ლხინში კი არა, განსაცდელშიც ერთად უნდა იყვნენ, მაგალითად, მაშინ, თუ ქარიშხალი სახლს დაგინგრევს და ახლის აშენება მოსალოდნელ გრიგალამდე უნდა მოასწრო.
ბურდღუნა ბრუნოს და მისი ერთგული მეგობრების მხიარული ამბები გრძელდება.
ტექსტიცა და ილუსტრაციებიც გერმანელ ავტორს, დანიელ ნაპს ეკუთვნის.
ქალაქის უნდო გალავანი
32,90 ₾ჰარუკი მურაკამი თავის ახალ რომანში კვლავაც აგრძელებს ხილულ სინამდვილეში ჩამალული მისტიკისა და მისტიკაში ჩამალული მოუხელთებელი რეალობის კვლევა-ძიებას. ქართველ მკითხველს უყვარს მისი მოულოდნელი, გონებამიუწვდომელი პარალელური სამყაროები, უცხო განზომილებები, სადაც პერსონაჟის „მე“ გარდაიქმნება და სხვა სივრცის ნაწილი ხდება. იქ ავლენს გმირი საკუთარ ქვეცნობიერში დაფარულ მისწრაფებებს; ცდილობს, გაარკვიოს, როგორ გააგრძელოს ცხოვრება უკან, ყოველდღიურობაში დაბრუნების შემდეგ, იმ ახალ ცოდნასთან ერთად, რომელზეც მანამდე ხელი არ მიუწვდებოდა. მისტიკურ სამყაროში ხეტიალის მერე კი მის სიცოცხლეში ერთგვარი „თვალახელილობის“ ეტაპი იწყება. სწორედ ასეთი „გასხივოსნების“ ისტორიაა პანდემიის დროს დაწერილი „ქალაქის უნდო გალავანიც“, რომლის იდეაც მურაკამის 40 წლის განმავლობაში არ ასვენებდა და რომლის შუახნის გმირიც სიყმაწვილეში დაკარგულ შეყვარებულს სხვა განზომილებაში დაეძებს. უნდოდ აგებული, პარსონაჟთა წარმოსახვით შექმნილი ქალაქი, სადაც ადამიანებს ჩრდილები არ გააჩნიათ, უცებ რეალური, ცოცხალი სხეული ხდება, ცნობიერებას იძენს და მუდმივად იცვლის სახეს, რომ არ გაქრეს, იარსებოს და თავისი ბინადრები არსად გაუშვას. მას გარს ისეთი გალავანი არტყია, რომლიდან გამოღწევაც, შეიძლება, სიცოცხლის ფასად დაგიჯდეს. ამ წიგნში ადამიანები ხორცშესხმულ გარდაცვლილებს ელაპარაკებიან, ბიბლიოთეკის თაროებზე შენახულ, მანათობელი კვერცხის ფორმის ძველ სიზმრებს ხელებით კითხულობენ, თავიანთ შიშებს ებრძვიან და სიყვარულს ელტვიან. ჰარუკი მურაკამიმ მსოფლიო ლიტერატურა ისეთი უჩვეულო მსოფლხედვის პერსონაჟებით დაასახლა, არავის რომ არ ჰგვანან: ვატანაბე, ტორუ ოკადა, კაფ(უ)კა, ტენგო, მიდორი, კუმიკო და ა. შ. თუმცა, ამ წიგნის მთავარ გმირებს სახელი არ გააჩნიათ. რატომ? ამას მკითხველი თავად უნდა მიხვდეს. 76 წლის ჰარუკი მურაკამი არ ღალატობს ახალგაზრდობაში მიღებულ გადაწყვეტილებას, თავი მხოლოდ მწერლობით ირჩინოს. საკუთარი ნიჭითა და შრომით მართლაც მოიპოვა კეთილდღეობა, რადგან მისი ყველა წიგნი ბესტსელერია. ჰარუკი მურაკამის ნაწარმოებები ორმოცდაათზე მეტ ენაზეა თარგმნილი. იგი მრავალი საერთაშორისო ჯილდოს მფლობელია. ბოლო ხანს კი მიენიჭა ჰანს კრისტიან ანდერსენის პრემია, რომლის ლაურეატებს შორისაც არიან კარლ უვე კნაუსგორი, ისაბელ ალიენდე და სალმან რუშდი.
ადი მთაზე სახარებლად
23,90 ₾ჯეიმს ბოლდუინის ბრწყინვალე სამწერლო შესაძლებლობების ერთ-ერთი დასტურია მისი სადებიუტო რომანი „ადი მთაზე სახარებლად“. სიუჟეტი ჯონ გრაიმსის ბავშვობასა და მის ოჯახზე გვიყვება. ჯონი მამის, გაბრიელის მსგავსად მქადაგებელი უნდა გახდეს. ამ უკანასკნელის მიმართ კი, რომლის ფანატიზმსაც ოჯახისთვის ძალადობის გარდა არაფერი მოუტანია, ჯონის სიძულვილი იმდენად ძლიერია, რომ მტკიცედ განუზრახავს თავისი ცხოვრება სხვაგვარად წარმართოს. მწერალი წიგნის საწვავად საკუთარი ბავშვობის მოგონებებსა და განცდებს იყენებს. როგორც ამბობდა, უნდოდა გარკვეულიყო იმაში, რამაც ყველაზე მეტად დააზიანა და აქ მამამისი იგულისხმება.
ნაწარმოები იმდენად მძაფრად აღწერს მთავარი პერსონაჟის ემოციებსა და ვნებებს, რომ მხოლოდ შეგვიძლია წარმოვიდგინოთ რას განიცდიდა ახალგაზრდა ბოლდუინი.
ადამიანის ოკულტური ანატომია
15,00 ₾ცნობილი მწერლის, ლექტორისა და მისტიკოსის მენლი პალ მერ ჰოლის „ადამიანის ოკულტური ანატომია“ პირველად 1929 წელს გამოქვეყნდა. ამ წიგნში ავტორმა შეკრიბა მსოფლიოში ცნობილი წიგნებისა და ხელნაწერების კოლექცია ალქიმიის, მისტიკისა და ოკულტიზმის შესახებ.
ავტორი განმარტავს ადამიანის სხეულს, როგორც ალეგორიულ პასუხს სამყაროს საიდუმლოებებზე და ცდილობს ახსნას სამყაროს ბუნება შინაგანად – ადამიანის სხეულში.
ქართულ ენაზე ამ წიგნის გამოჩენა მნიშვნელოვანი მოვლენაა, რადგან აქამდე არავის შეუხედავს ადამიანის ანატომიისთვის, ერთდროულად, ოკულტური ცოდნის, კლასიკური მეცნიერებისა და რელიგიების პრიზმაში.
ასტროლოგიური ნაშრომი
15,00 ₾ნიკოლას კულპეპერის აღნიშნული ნაწარმოები ღრმად ჩაგახედებთ 17 საუკუნის ასტროლოგიურ მიდგომებსა და შეხედულებებში. დაინახავთ რაოდენ ოსტატტურად იყენებდნენ დღეს თითქმის მივიწყებულ ჰორარულ ასტროლოგიას და ელექციებს. კერძოდ კი თქვენ იხილავთ
ამავე დროს გაგაოცებთ ანალიზის სიზუსტე და სიღრმე, დაინახავთ ასტროლოგიის სწორად გამოყენებით როგორ შეიძლება გაიიოლოს ადამიანმა ცხოვრება. ამ ნაშრომში მოცემულია მხოლოდ პრაქტიკა. მოკლე დეტალური თეზისები, რომლებიც პირდაპირ მაგალითებით გაგიხსნით თითოეულ პოსტულატს. აქვე მოცემულია დეტალური სქოლიოები, რაც გაგიადვილებთ გაიგოთ ასტროლოგიური ტერმინები და შეიძლება ითქვას ისწავლოთ ანბანური ასტროლოგიის გარკვეული საკითხები.
ამ წიგნის წაკითხვით კიდევ ერთხელ დარწმუნდებით, რამდენად ზუსტ გამოთვლებს და წმინდა მათემატიკურ გაანგარიშებებს იყენებს ასტროლოგია ყოველი პროგნოზისას.
ალმასის სუტრა
12,00 ₾ბუდისტური სამყაროს ერთ-ერთ უძველეს და ღრმად პატივცემულ ტექსტად აღიარებული; ალმასის სუტრა; წარმოადგენს პრაჯნაპარამიტას („სრულყოფილი სიბრძნის“) ტექსტთა კორპუსის ნაწილს, რომელიც მაჰაიანური ბუდიზმის ცენტრალურ სწავლებებს განასახიერებს.
სუტრას უძველესი ბეჭდური ვერსია ჩინეთის დასავლეთ ნაწილში, დუნჰუანის მღვიმეებში აღმოაჩინეს, რომელიც 868 წლით თარიღდება. ეს ტექსტი მსოფლიოში ცნობილი უძველესი ბეჭდური წიგნია, რომელიც გაცილებით უსწრებს გუტენბერგის პრესას.
„ალმასის სუტრა“ წარმოადგენს დიალოგს ბუდასა და მის მოწაფეს სუბჰუთის შორის. იგი გადმოსცემს ბუდისტურ სწავლებას იმაზე, თუ როგორ უნდა განვთავისუფლდეთ საკუთარი „ეგოსგან“, ფორმისა და ობიექტური რეალობის ილუზიისგან.
წიგნში ასევე შესულია: 1. დჰარმა-ჩაკრა სუტრა, 2. გულის სუტრა, 3. ბუდას უკანასკნელი ქადაგება სიკვდილის წინ.
მაგია
15,00 ₾ჟან გასტონ ბურჟას „მაგია“ პირველად დაიბეჭდა პარიზში 1895 წელს. წიგნი წარმოადგენს ოკულტიზმის საფუძვლების მიმოხილვას, სადაც თქვენ იხილავთ ზოგად ცნობებს მაგიისა და პრაქტიკული მაგიის შესახებ.
რეალურად წიგნის შინაარსი მის სათაურზე მეტად მრავლისმომცველია. ავტორი განიხილავს მაგიის არა ვიწრო გაგებას (რაც გულისხმობს ასტრალური ძალების შესწავლასა და მართვას), არამედ აანალიზებს ოკულტური სწავლების მთელ სპექტრს.
თავისუფალი მასონობის დაკარგული გასაღებები
18,00 ₾თავისუფალი მასონობის დაკარგული გასაღებები, ჰირამ აბიფის საიდუმლო, არის კანადელი მისტიკოსის და თავისუფალი მასონის, მენლი პ. ჰოლის წიგნი, რომელიც პირველად 1923 წელს გამოქვეყნდა. ოკულტური და ეზოთერული ცნებების მიმართ ღრმა ცოდნით გამოჩენილი ჰოლი, ინიცირებულთა ჩახლართულ მოგზაურობას იკვლევს დაფარულ საზოგადოებაში. იგი უღრმავდება მასონობის განუყოფელ ეთიკურ პრინციპებს და იკვლევს დამახასიათებელ თვისებებს, რომლებიც მოწაფეებმა უნდა გამოიმუშაონ. მასონობა წარმოჩინდება, როგორც უბრალო ინსტიტუტზე აღმატებული, უძველესი ფილოსოფიური მისტერიებისა და ცერემონიების გამაგრძელებელი. ჰოლის განმარტებები ნათელს ჰფენს მუდმივ ელემენტებს, რომლითაც მასონთა თაობები არიან მოხიბლულნი. მოცემული წიგნი ემსახურება მასონური მსოფლმხედველობის დამაჯერებელ კვლევას, ასახავს მოგზაურობას ახალბედა საფეხურიდან დახელოვნებულ ადეპტამდე და რეზონანსში მოდის როგორც გამოცდილ წევრებთან, ასევე ცნობისმოყვარე დამკვირვებლებთან.
სიყვარულის და ქორწინების ეზოთერული ფილოსოფია
20,00 ₾დიონ ფორჩუნის “სიყვარულისა და ქორწინების ეზოთერული ფოლოსოფია”, მისი ერთ-ერთი ყველაზე ადრეული ნაშორმია, სადაც იგი ქორწინებისა და სიყვარულის ოკულტურ მნიშვნელობას, სექსისა და პოლარობის პრინციპების გამოვლინებათა სახით აღწერს, როგორც უნივერსალურ ძალას, რომელიც სამყაროს უმაღლეს და უმდაბლეს სფეროებში თანაბრად ფუნქციონიბებს. ნაშრობში განხილული თემები მოიცავს სრულფოდილ ქორწინებას, სულთა შორის არსებულ “კარმულ კავშირებს”, ასევე იმას, თუ როგორც პოულობენ სულები თავიანთ მეწყვილეებს და რა იგულისხმება “ტყუპ სულებში.
წიგნი თანაბრად ეხება კონტრაცეპტივების, მასტურბაციისა და აბორტის თემებს, რომელიც ხშირად მოძველებულად საკითხებად ეჩვენებათ, მაგრამ ფორჩუნი საფუძვლად მტკიცე ეზოთერულ არგუმენტებს იყენებს, რომელიც კითხვის ნიშნის ქვეშ აყენებს თანამედროვე მორალის ჭკუათმყოფელლობას.
ეს წიგნი აუცილებელ ინფორმაციას შეიცავს ოკულტიზმით და ეზოთერიზმით დაინტერესებული ადამიანისთვის, რომელიც ცხოვრების ერთ-ერთი ყველაზე ფუნდამენტური ასკექტით – სიყვარულით – არის დაინტერესებული.
იბნ არაბის მისტიკური ასტროლოგია
18,00 ₾XX საუკუნის ფილოსოფოსის, ხელოვნებათმცოდნისა და მთარგმნელის ტიტუს ბურჯჰარდტის ნაშრომი „იბნ არაბის მისტიკური ასტროლოგია“ ქართულად პირველად ითარგმნა.
ასტროლოგია მისტიკური ხელოცნებაა. იბნ არაბის “მეცნიერება ვარსკვლავებზე” მოიცავს ასტროლოგიურ და ასტრონომიუ ცოდნა, რომელიც ეგვიპტური, ელინური, ინდური და სპარსული ტრადიციების ღირსეული მემკვიდრეა, და რომელთა საფუძველიც, თავის მხრივ, სინკრეტული ნეოპლატონური და ჰერმეტული ფილოსოფიაა. ანდალუსიერლი სუფი მისტიკოსისა და დიდი შეიხის იბნ არაბის მსოფლმხედველობით დოქტრინა “როგორც ზემოთ, ისე ქვემოთ” მხოლოდ გამონათქვამი როდა, არამდე ცოცხალი ჭეშმარიტებაა, რომელიც სწორედ ამ წიგნით დასტურება.
ეს არის წიგნი კოსმოსზე, სადაც ყველაფერი განუფოფლად დაკავშირებულია, სადაც ღვთაებრივის გამოვლების არტიკულაიცა ასტროლოგიით ხდენა.
წიგნი რომელშიც მოცემულია მისტიკული ასტროლოგიის ძირითადი პრინციპები და ადამიანისა და ნებისმიერი ცოცხალისა და არსებულის დანიშნულება და მიზაინი – მიაღწიოს თავის სრულყოფილ ფორმასა და დანიშნულებას.
წიგნთან ერთად მოცემულია XII საუკუნის ილუსტრაცია, XVI საუკუნის სპარსული ხელნაწერიდან.
რიცხვთა წიგნი
32,00 ₾რიცხვების მაგია ადამიანებს ჯერ კიდევ იმ დროიდან აღაფრთოვანებდა, როდესაც მან რიცხვების წინასწარმეტყველების ღრმა მნიშვნელობა და შინაარსი გაშიფრა. ნუმეროლოგიის მეცნიერება ხსნის რიცხვების ოკულტურ მნიშვნელობას, მათ გავლენასა და კავშირს ადამიანის ცხოვრებასთან, ასევე გვიჩვენებს, როგორ განვსაზღვროთ ჩვენთვის იღბლიანი და მნიშვნელოვანი რიცხვები, სახელისა და საცხოვრებელი ადგილის რიცხვითი მნიშვნელობები და ხელსაყრელი დროები მნიშვნელოვანი გარიგებებისა და გადაწყვეტილებების მისაღებად. კაიროს მიერ ახსნილი ნუმეროლოგიის სისტემა, მარტივად გასაგებია და არ საჭიროებს ჩახლართულ მათემატიკურ გამოთვლებს. ეს სრული, შეუმცირებელი და ავტორიზებული გამოცემა საშუალებას მოგცემთ თავად გახდეთ ნუმეროლოგი, მოიპოვოთ პოპულარობა და თავიდან აგარიდოთ შარლატანების, მაწანწალებისა და უპასუხისმგებლო წინასწარმეტყველებების ხრიკები.
ტეტრაბიბლოსი
29,00 ₾კლავდიუს პტოლემეოსის „ტეტრაბიბლოსი“, ანუ „ოთხწიგნეული“, არის ერთ-ერთი ყველაზე მნიშვნელოვანი შემორჩენილი უძველესი ტექსტი ასტროლოგიაზე, რომელიც ათასწლეულების განმავლობაში სარგებლობდა ბიბლიის ავტორიტეტით ასტროლოგთა შორის. ის, რაც პტოლემეუსის ტეტრაბიბლოსს გამოარჩევს სხვა ასტროლოგიური ტექსტებისგან, არის მეცნიერული მიდგომა. მათთვის, ვინც დაინტერესებულია ასტროლოგიით და მისი ისტორიული განვითარებით, ეს წიგნი არის უძველესი სიბრძნის, მეცნიერული სიმკაცრის და ნოვატორული მიდგომის გამაერთიანებელი.
წიგნი დაყოფილია, ოთხ ნაწილად, რომელთაგან თითოეული ასტროლოგიის კონკრეტულ ასპექტებს ეხება.
წიგნი I – ყურადღებას ამახვილებს ასტროლოგიის ფუნდამენტურ პრინციპებზე, მათ შორის პლანეტების, სახლებისა და ასპექტების გავლენაზე;
წიგნი II – იკვლევს ციური პოზიციების გავლენას ადამიანის მახასიათებლებზე და ტემპერამენტებზე;
წიგნი III – ჰოროსკოპის ინტერპრეტაცია ინდივიდის დაბადების მომენტისთვის;
წიგნი IV – განიხილავს ასტროლოგიურ ტექნიკას ცხოვრების კონკრეტული სფეროების გამოკვეთისთვის.
არბატელი: ძველთა მაგიის შესახებ
18,00 ₾მაგიის შესაებ დაწერილ წიგნთა შორის, “არბატელი” მრავალი თვალსაზრისით უნიკალური ნაშორმია. ოკულტური ტექსტების უმრავლესობისგან განსხვავებით, იგი მკაფიო, ლაკონური და დახვეწილი სტილითაა დაწერილი.
არბატელის მაგია სავსეა საოცრებებით და თავისუფალია ავადსახსენებელი მუქარისგან, რომელიც, როგორც წესი, ასეთი თემატიკის ტექსტებს თან ახლავს. მაგრამ, არბატელი სულაც არ ეხება მხოლოდ მაგიას. იგი სავსეა ყოველდღიური, ცხოვრებისეული სიბრძნით, მოყვასისადმი დახმარების მოწოდებით, ასევე დადებითი, მადლიერი განწყობის აუცილებლობით და დროის გონივრულად გამოყენებით. რაც მთავარაია, არბატელი გვასწავლის ვიყოთ ყურადღებით, ვეძიოთ სასწაულები და ღვთის მიერ ბოძებული ტალანტი.
არბატელი თავდაპირველად ანონიმური ავტორის მიერ 1575 წელს გამოიცა ლათინურ ენაზე, შვეიცარიაში, ქალაქ ბაზელში. იგი 1655 წელს რობერტ ტურნერის მიერ პირველად ითარგმნა ინგლისურ ენაზე.
Невыносимая легкость бытия
17,00 ₾Милан Кундера принадлежит к числу самых популярных писателей современности. Его книги буквально завораживают читателя изысканностью стиля, умелым построением сюжета, накалом чувств у героев. Каждое новое произведение писателя пополняет ряд бестселлеров интеллектуальной прозы.
«Невыносимая легкость бытия» — самый знаменитый роман Милана Кундеры, которым зачитываются все новые и новые поколения читателей, открывающие для себя вершины литературы XX века. Книга Кундеры о любви и непростых человеческих отношениях, о трагическом периоде истории и вместе с тем это глубоко философская вещь. Автор пишет о непримиримой двойственности тела и души, о лабиринте возможностей, по которому блуждают герои, проживая свою единственную жизнь.
რა არის თავისუფლება
41,00 ₾ხშირად ფიქრობთ თავისუფლებაზე? როგორ განსაზღვრავთ მას? რას ნიშნავს თქვენთვის თავისუფლება?
თავის ახალ წიგნში „რა არის თავისუფლება?“ ტიმოთი სნაიდერი ჩვეული სიღრმითა და ორიგინალობით განსაზღვრავს თავისუფლებას, არა როგორც ბოროტების, ძალადობის ან ჩაგვრის არარსებობას, არამედ როგორც პოზიტიურ ღირებულებას;
ფილოსოფოსებისა და პოლიტიკური დისიდენტების ნამუშევრებზე დაყრდნობით, თანამედროვე მოაზროვნეებთან საუბრებისა და საკუთარ გამოცდილების საფუძველზე, სნაიდერი აღწერს, რა გვჭირდება თავისუფლებისათვის და რისი მიღწევა შეგვიძლია, თუ თავისუფალნი ვიქნებით.
თარგმნა და შენიშვნები დაურთო ხატია დეკანოიძემ.
დიდი საიდუმლო
18,50 ₾რელიგიის, ფილოსოფიისა და მეცნიერების ყველა დიდი კითხვებიდან უდიდესია კითხვა თვით ცხოვრების საზრისის შესახებ. ბევრი პასუხი გასცა ამ კითხვაზე დოქტრინულმა რელიგიებმა, თუმცა მხოლოდ მისტიკოსებმა შეიცნეს დიდი საიდუმლო.
წინამდებარე წიგნი წარმოადგენს ცხოვრების აზრის ისტორიული ძიების მიმოხილვას იმ კაცის მიერ, რომელიც იყო მისტიკოსისა და რეალისტის უცნაური ნაზავი, იმავდროულად – მსოფლიოში ცნობილი დრამატურგი და ნობელის პრემიის ლაურეატი ლიტერატურის სფეროში, ოდესღაც ბელგიელ შექსპირად აღიარებული. თუმცა იმდენი რამ მოხდა თანამედროვე სამყაროში მისი გარდაცვალების შემდეგ (1949 წ.), რომ დღეს მისი შემოქმედება თითქმის დავიწყებულია, მისი პიესები აღარ იდგმება, ეს წიგნი კი მხოლოდ მის ბიოგრაფიებში ფიგურირებს. არსებითად კი, „დიდი საიდუმლო“ იგნორირებული შედევრია.
მრავალგზიანი სახლი
26,90 ₾შარმეინ ბეიკერისთვის დიდი ბიძია უილიამის პატარა სახლის მოვლა ადვილი უნდა ყოფილიყო. საქმე იმან გაართულა, რომ მისთვის “დიდი ბიძია უილიამი” სხვებისთვის სამეფო კარის ჯადოქარი ნორლანდია. პატარა სახლი კი — დროსა და სივრცეს ამრუდებს, მისი კარი მრავალ გზას ხსნის: საძინებლისკენ, სამზარეულოსკენ, მთისქვეშა ქვაბულებისკენ, სამეფო რეზიდენციისკენ და ხანაც წარსულისკენ.
ამ კარის შეღებით შარმეინმა არა მარტო სახლზე აიღო პასუხისმგებლობა, არამედ ერთობ ჯადოსნურ მაწანწალა ძაღლზე, ჯადოქრის გონებაგაფანტულ შეგირდსა და მეფისთვის ფრიად მნიშვნელოვანი დოკუმენტების დასტაზეც.
მისივე წყალობით გადაეყარა თავზარდამცემ ლაბაკს, გააღიზიანა პატარა ლურჯი არსებების მთელი ტომი და განძზე გაჩაღებული ძიების შუაგულშიც ამოყო თავი. მეფე და მისი ასული სასოწარკვეთით ეძებენ ზღაპრულ ელფთაძღვენს და დასახმარებლად გრძნეულ სოფისაც კი უხმობენ. და სადაც სოფია, იქვე ახლოს ხომ ჯადოქარი ჰაული და ცეცხლის დემონი კალციფერიც იქნებიან? რა თქმა უნდა, ასეთი მაგიური ოჯახის მონაწილეობით ქაოსი და მოულოდნელი აღმოჩენები სრულიად გარდაუვალია.
ამბები დრაკონებზე
23,90 ₾კრებული აერთიანებს სხვადასხვა ავტორის მიერ სხვადასხვა დროს დაწერილ მოთხრობებს, რომლებიც ერთმანეთისგან სრულიად განსხვავებულ სამყაროში გვამოგზაურებენ, მაგრამ ერთ თემაზე გვიყვებიან — დრაკონებზე.
წიგნში თავმოყრილია როგორც კლასიკური ტექსტები, ისე XXI საუკუნის გამორჩეული ავტორების მრავალფეროვანი ინტერპრეტაციები — აქ შეხვდებით სახიფათო
ლეგენდებსაც და ზღაპრულ, თბილ, სევდიან და საოცრებით სავსე ამბებსაც.
მოთხრობები გვაცნობენ ბეოვულფისა და ლორდ დანსენის მძვინვარე ურჩხულებს, დაიანა უინ ჯონსისა და კენეთ გრემის ცოტა სასაცილო არსებებს, ელიზაბეთ ბეარისა და სარა მონეტის მშვენიერ და მითიურ ნამარხებს, ფენტეზის უკვე კლასიკოსად ქცეული ლე გუინისა და ტანით ლის მიერ დანახულ მზაკვარ მტერს.
“ამბები დრაკონებზე” გვახსენებს, რომ დრაკონი მხოლოდ მითოლოგიური ქმნილება კი არა, უსაზღვრო ფანტაზიის სიმბოლოა — და ყოველ ახალ მოთხრობაში თავიდან იძენს ფორმასა და მნიშვნელობას.
იატი განხორციელების კოდი დაა სინათლის ალქიმია
34,00 ₾ავტორი იკვლევს უძველეს დამწერლობებსა და სიმბოლურ სისტემებს, განსაკუთრებული აქცენტით დავიწყებულ ასო „იატიზე“ (Ѣ), რომელიც უკავშირდება შვიდი მუდრის ბეჭდურ სისტემას. წიგნში გაანალიზებულია კავშირი ასოებს, ბგერებს, ჩაკრებსა და რიცხვებს შორის, როგორც ერთიანი სიმბოლური კოდის ნაწილები. ნაშრომი წარმოადგენს მცდელობას დაინახოს უხილავი კავშირები სხეულს, ცნობიერებასა და მატერიას შორის.