ჩვენს წინაშეა გამორჩეულად საინტერესო ხელოვანის და, თამამად შეგვიძლია ვთქვათ, რომ კარგი პოეტის – ეთერ სადაღაშვილის პოეტური წიგნი ,,ბარათები უცხოეთიდან“, სადაც ავტორის შესანიშნავი ლექსები გვხვდება. სევდისა და სიხარულის თანაზომიერი აღქმითა და განაზრებით, ავტორი უკუაგდებს არსებობის ერთფეროვნების ქრისტიანულ მოდელს და გნოსტიკურ შემეცნებას გვთავაზობს, სადაც გონებითი მახასიათებელია უპირველესი, გარეგან გამოხატვებთან, – აღქმებთან და ხდომილობაშემდგარ ყოფით აქტებთან ერთად.