ლევან გოგაბერიშვილის (გორვანელი) წიგნი: „ირაციონალური ვაშლი“ ეძღვნება არაერთ მნიშვნელოვან ზოგადმსოფლმხედველობრივ და თეორიულ ასპექტს, რომელიც ფილოსოფიის ისტორიაში მუდმივი განხილვისა და შეფასების ობიექტს წარმოადგენდა. ნაშრომში რელიეფურად იკვეთება ავტორის შინაგანი რთული სააზროვნო თვალსაწიერი, გაგების ჰერმენევტიკული კონსტრუქცია და რაციონალური დასაბუთების მეთოდოლოგია, რომელიც შერწყმულია მეტაფიზიკის სიღრმისეული რეფლექსიის წანამძღვრებთან და ინტუიციური ჭვრეტის კრეატიულ ზეგრძნობად წიაღსვლებთან.