2026
მდოგვის მარცვალი
42,00 ₾რა ხდება, როც მარცვალი ხედ იქცევა? ესეც იგივე ნაწილია. მარცვალი უნდა მოკვდეს – მხოლოდ ასე გადაიქცევა ის ხედ. ღმერთი მოკვდა სამყაროში. მას არ შეუძლია განზე დარჩეს, ის მასშია, ის ჩაიკარგა მასში. აი, რატომ არ შეგიძლიათ ღმერთის მოძებნა. თქვენ შეგიძლიათ წახვიდეთ ჰიმალაიში, მექაში, კაშში, ანდა სადაც გნებავთ, მაგრამ ვერსად იპოვით მას, რადგან ის აქ არის, ყოველთვის! – ზუსტად ისე, როგორც მარცვალი ცოცხლობს მთელ ხეში. ახლა უკვე მარცვლის მოძებნა შეუძლებელია, რადგან იგი მოკვდა ამ ყოფიერებაში და კოსმოსი გახდა. ის არ არის განყენებული რამ. ის არ ჰგავს დურგალს, რომელიც რაღაცას ქმნის და ხდება განყენებული. ეს შეუძლებელია, ღმერთი მარცვალს ჰგავს, მისგან ხე იზრდება, მაგრამ ის ხეში ქრება. თქვენ ღმერთის პოვნა შეგიძლიათ მხოლოდ მაშინ, როცა ხე გაქრება.
Treasures of Medieval Georgian Christian Art
135,00 ₾წიგნი მკითხველს აცნობს შალვა ამირანაშვილის სახელობის ხელოვნების მუზეუმში დაცულ შუა საუკუნეების საქართველოს ჭედურ და ფერწერულ ხატებს, ტიხრული მინანქრისა და ლითონმქანდაკებლობის უნიკალურ ნიმუშებს და სხვ. ნაშრომში მოთხრობილია ამ კოლექციის ისტორია და წარმოჩენილია მათ შესახებ დეტალური ინფორმაცია. ექსპონატები, მათი მნიშვნელობით, არა მხოლოდ საქართველოს, არამედ ზოგადქრისტიანული სასულიერო კულტურის გამორჩეული ეგზემპლარებია. წიგნი გათვლილია როგორც სპეციალისტებისათვის, ასევე მკითხველთა ფართო წრისათვის.
ტყის ბაღის ზღაპრები
20,00 ₾3 წლის წინ, მოულოდნელად, ტყის საბავშვო ბაღში დავიწყე მუშაობა აღმზრდელ-პედაგოგად ანუ ტყედაგოგად. ამ წიგნით ტყეში ნანახი ამბების გაზიარება მოვინდომე, ცოტა ფანტაზიაც დავამატე და ამ მომენტისთვის ეს გამოვიდა. ალბათ კიდევ გავაგრძელებ…
მთელი ცხოვრება მადლიერი ვიქნები ჩემი პატარა მეგობრების და ყველა იმ ადამიანის, ვისაც ტყის ბაღის სამყაროს არსებობისთვის ოდესმე ერთი აგური მაინც დაუდია. ასაწყობი ფაზლივით სულ ნაწილებად ვაგროვებდი ყველა სითბოსა და სიყვარულს, რომელიც ტყის ბაღის ,,ველური ბავშვებისგან“ იფრქვეოდა.
ქართული უტოპია – საბჭოთა სამეცნიერო ფანტასტიკური მწერლობა
20,00 ₾სამეცნიერო ფანტასტიკის ჟანრი ქართულ მწერლობაში საბჭოთა რეჟიმის პერიოდში გამოჩნდა და მჭიდროდ დაუკავშირდა სოცრეალისტურ ლიტერატურას. სწორედ ეს გარემოება აქცევს ქართულ სამეცნიერო ფანტასტიკურ რომანებსა და მოთხრობებს ღირებულ ისტორიულ წყაროდ, რადგან მათი მეშვეობით ქვეყნის უახლოეს წარსულს უნიკალური პერსპექტივიდან შეგვიძლია შევავლოთ თვალი.
აფხაზეთი 1917-1921 – მეხსიერების რეკონსტრუქცია
25,00 ₾საბჭოთა რუსულმა ოკუპაციამ არა მხოლოდ საქართველოს სახელმწიფოებრიობა, არამედ აფხაზეთში ჩამოყალიბებული დემოკრატიული ინსტიტუციური წესრიგიც გაანადგურა. შეწყდა თავისუფალი არჩევნები, გაუქმდა ადგილობრივი თვითმმართველობის არჩევითი ორგანოები, სასამართლოს დამოუკიდებლობასა და ნაფიც მსაჯულთა ინსტიტუტზე დაფუძნებული მართლმსაჯულების სისტემა. პოლიტიკური პლურალიზმი შეიცვალა ერთპარტიული ტოტალიტარული მმართველობით. საზოგადოებრივი ცხოვრების ყველა სფერო ცენტრალიზებულ კონტროლს დაექვემდებარა.
ნექსუს საინფორმაციო ქსელების მოკლე ისტორია ქვის ხანიდან ხელოვნურ ინტელექტამდე
27,90 ₾ამბებმა გაგვაერთიანა.
წიგნები იდეებისა და მითოლოგიების გავრცელებაში დაგვეხმარა.
ინტერნეტმა უსასრულო ცოდნის საცავი გაგვიხსნა.
ალგორითმმა ჩვენი საიდუმლოებები შეისწავლა.
რა ცვლილებებს მოიტანს ხელოვნური ინტელექტი?
Nexus მოგვითხრობს საინფორმაციო ტექნოლოგიების შექმნის ისტორიას ქვის ხანიდან ხელოვნურ ინტელექტამდე და გვიჩვენებს:
როგორ აყალიბებდა ინფორმაციის გავრცელება საზოგადოებებს
და პოლიტიკურ სისტემებს;
როგორ აკონტროლებს, ავრცელებს და თავის სამსახურში აყენებს ინფორმაციას ძალაუფლება;
როგორ მივიდა საზოგადოება დეზინფორმაციის უკონტროლო გავრცელებისა და პოპულიზმის აღზევებამდე.
ავტორი იკვლევს ინფორმაციისა და სიმართლის, ბიუროკრატიისა და მითოლოგიის, სიბრძნისა და ძალაუფლების რთულ ურთიერთობას და ცდილობს აგვიხსნას, რა გამოწვევების წინაშე დგას კაცობრიობა, როცა მთელ თავის ინფორმაციას ახალ, ყოვლისმომცველ და „მოაზროვნე“ საინფორმაციო ქსელს, ხელოვნურ ინტელექსტს ანდობს.
ისტორიკოსის და ფილოსოფოსის, იუვალ ნოახ ჰარარის ბესტსელერები: „საპიენსი“, „ჰომო დეუსი“; „21 გაკვეთილი 21-ე საუკუნისთვის“, „საპიენსის“ ციკლის გრაფიკული რომანები, თარგმნილია მსოფლიოს 65 ენაზე და გაყიდულია 50 მილიონზე მეტი ეგზემპლარი.
იუვალ ნოახ ჰარარი ისრაელში დაიბადა, დოქტორის ხარისხი ოქსფორდის უნივერსიტეტში მიიღო. ასწავლიდა იერუსალიმის უნივერსიტეტში, ამჟამად კი მთელი მსოფლიოს მასშტაბით კითხულობს ლექციებს საკუთარ წიგნებში განხილულ თემებზე.
დამკვირვებელი
16,90 ₾„მე ვბრუნდებოდი 24 წლის შემდეგ, მაგრამ არა საქართველოში, არამედ მის ნარჩენში და ყოფილში, როგორც აქ უწოდებდნენ იმას, რაც ადრე საქართველო იყო.“
დესპოტის თითქმის ნახევარსაუკუნოვანმა მმართველობამ ამ ქვეყნისგან მხოლოდ აჩრდილი, ზონებად დანაწევრებული და იდიოტებით დასახლებული ტერიტორია დატოვა. უცვლელობის, მიწისქვეშ მალვისა და სიყალბის ოცდაოთხმა წელიწადმა ქართველებს – ქვეყნის შიგნით თუ მის გარეთ – მომავლის შეგრძნება დაუკარგა. თბილისი გვირაბების ქალაქადაა ქცეული, ქვეყნის მკვიდრნი კი ზეცად ამაღლებულ ბაბას ეთაყვანებიან. ამ ვითარებაში, თითქოს მოულოდნელად, არჩევნების არჩევნები ინიშნება – გამოკითხვა, რომელშიც ქვეყნის მოსახლეობამ უნდა აირჩიოს, სურს თუ არა, არჩევნები იმართებოდეს. ამ პროცესზე დასაკვირვებლად კი მსოფლიოში გაბნეულ ქართველებს იწვევენ. მათ საკუთარი თვალით უნდა იხილონ სამშობლო, რომლის მცხოვრებლებიც აღარ აღიქმებიან თანამემამულეებად; დედაქალაქი, რომლისგანაც ძველებური თითქმის აღარაფერია შემორჩენილი; ენაც კი, რომელიც ყველას ერთი ჰქონდა, სხვაგვარად ჟღერს.
„დამკვირვებელი“ აღწერს დრო-სივრცეში დაკარგულ რეალობას, რომელსაც არა დისტოპიის, არამედ შავბნელი სარკის ეფექტი აქვს და დამთრგუნველი სიმძაფრით გვიჩვენებს დიდ გეოპოლიტიკურ ქარცეცხლებს შორის მოქცეული პატარა ქვეყნის პერსპექტივას.
