ქართული
კომუნისტების მიერ აკრძალული საქართველოს ისტორია უძველესი დროიდან XIX საუკუნის დამდეგამდე
36,60 ₾ამ წიგნით 1943-1956 წლებში საქართველოს საშუალო სკოლების უფროს კლასებში ისწავლებოდა საქართველოს ისტორია.
1956 წელს წიგნი ამოიღეს სასწავლო პროგრამიდან და კრემლის ბრძანებით ,,დაატუსაღეს”.
1956 წლიდან წიგნს არ ენახა დღის სინათლე.
და დღეს ის გვიბრუნდება. გვიბრუნდება პირვანდელი სახით. დღევანდელი გადმოსახედიდან ცოტა ძველმოდურად ნაწერი, ცოტა ხარკმოხდილი, მაგრამ ალალი, მართალი, საქართველოს სიყვარულით და სიამაყით გასხივოსნებული
ვარსკვლავქვეშეთში
20,00 ₾ერეკლე ბეჟუაშვილის ლექსების, მოთხრობების, მინიატურების, ჰაიკუების, პროზაული ტანკების და ჩანაწერების კრებული. ერეკლე ბეჟუაშვილი 2010 წლის 12 ივლისს დაიბადა ქალაქ თელავში. არის რამდენიმე რომანისა და ასობით ლექსის ავტორი. მისი სადებიუტო, სათავგადასავლო წიგნი, “ტიბეტური საგანძური”, ბესტსელერად დასახელდა.
BTS: კეი-პოპის კერპი
29,00 ₾სამხრეთკორეული პოპჯგუფი, რომლის დიდება კორეის საზღვრებს გასცდა და თანდათანობით მთელი მსოფლიო დაიპყრო, ფენომენალურ მოვლენად მიიჩნევა მუსიკალურ ინდუსტრიაში. BTS არა მხოლოდ კეი-პოპის კერპია მგზნებარე და განსაკუთრებულად ერთგული ფანკლუბებით, არამედ მსოფლიოში ყველაზე ცნობილი კორეული მუსიკალური ჯგუფი, რომელმაც მილიონობით ადამიანის გულებში შეაღწია.
ედრიენ ბესლის ეს ბიოგრაფიული წიგნი BTS-ის თავბრუდამხვევ გზაზე მოგვითხრობს – გზაზე, რომელიც ჯგუფის შვიდმა წევრმა გაიარა პრაქტიკანტებიდან მსოფლიო ვარსკვლავობამდე; კორეული გასართობი შოუებიდან მსოფლიოს უდიდეს არენებამდე. აქ წაიკითხავთ, როგორ მოახერხა სამხრეთკორეულმა პოპჯგუფმა მსოფლიოს დაპყრობა და რამ განაპირობა მისი თავბრუდამხვევი წარმატება.
გარიგება, შეხვედრა
24,95 ₾გელა ჩქვანავას ახალი წიგნი მის ორ მცირე რომანს, „გარიგებასა“ და „შეხვედრას“ აერთიანებს.
„გარიგება“ შუახნის მარტოხელა ქალის, მედეას, ამბავს გვიყვება, რომელიც ზღვისპირა ქალაქში გადაწყვეტს დასვენებას და იქ გატარებული დღეები მისთვის ერთი მხრივ წარსულთან დაბრუნების, მეორე მხრივ კი განუხორციელებელი სურვილებისა და ახალი გადაწყვეტილებების სივრცედ იქცევა. ტექსტი სავსეა მსუბუქი სევდით, ირონიითა და ცხოვრების უბრალო, მაგრამ მნიშვნელოვანი დეტალებით.
ოთხი თავი
16,95 ₾გაგა ნახუცრიშვილის ლექსების კრებული “ოთხი თავი” არა უბრალოდ წარსულის გახსენებაა, არამედ გარდასული დროის სურათების ხატვა გახლავთ. მინიმალისტური პოეზია ამ წიგნში აკვარელით შესრულებულ ნამუშევრებს წააგავს.
სხვისი კლასი
19,95 ₾ბავშვობის მეგობრები წლების მერე, დაკრძალვაზე კვლავ შეხვდებიან ერთმანეთს, რათა
უკანასკნელ გზაზე გააცილონ კლასელი, რომელიც ქმარმა მოკლა. დაკრძალვიდან
წამოსვლის შემდეგ ქალები თავიანთ სკოლაში შედიან, საკლასო ოთახში მერხებთან
სხდებიან და საკუთარ ამბებს ჰყვებიან.
მათი ამბები არაერთ მძიმე ბრძოლასა და დაცემაზეა, მაგრამ ასევე წამოდგომასა და
ცხოვრების გაგრძელებაზე. „სხვისი კლასი“ თანამედროვე ქართველი ქალების ყოფის
ანარეკლია – შეულამაზებელი და მძიმე, თუმცა იმედითა და გამარჯვებით სავსეც.
სიმსივნის წინააღმდეგ მებრძოლი ქალი, რომელმაც ტკივილი რწმენად გარდაქმნა და
გაიმარჯვა; ნარკოდამოკიდებული და კრიმინალი ქმრისგან თავდაღწეული ქალი, რომელმაც
დამოუკიდებლად წამოიწყო საქმე და წარმატების ისტორია დაწერა; ემიგრანტი ქალი,
რომელმაც, სხეულისა და სულის ტკივილის მიუხედავად, შინ, სამშობლოსა და ოჯახში
დაბრუნების გზა იპოვა – ასეთი ამბებით ავტორი მკითხველს აჩვენებს, რომ გადარჩენა და
წარმატება სიყვარულით, შრომისმოყვარეობით, არდანებებით და თავგანწირვითაა
შესაძლებელი.
„სხვისი კლასის“ ამბები, სინამდვილეში, თითოეული ჩვენგანის ამბებია, ჩვენი მეგობრებისა
და თანაკლასელების.
პატარა ქალაქის დიდი ისტორიები
14,95 ₾რეალური ამბები რეალური ხალხით. მოქმედება იტალიის პატარა ქალაქში ხდება. ვცდილობ დავინახო ყოველდღიურობაში ბედნიერება, ვიპოვო ის. ამის გაზიარებას ვცდილობ ჩემს მკითხველთან. მოქმედება ხდება იტალიის რომაელების მიერ დაარსებულ პატარა ქალაქში. შუა საუკუნეების შემდეგ ამ პატარა ქალაქში არაფერი შეცვლილა. იგი მდებარეობს ალპების ლამაზი ქედის დოლომიტების ძირში ვენეციიდან ერთი საათის სავალზე. მიუხედავად იმისა, რომ ის კლასიკური გაგებით კუნძულს არ წარმოადგენს, თავისი არსითა და სტილით ნამდვილ კუნძულს წააგავს. იგი გრძელი ხეობის ბოლოს მდებარეობს ამაღლებულ ადგილას. ამბები, რომელსაც გიყვებით რეალურია, ჩემი კუთხით დანახული. მოქმედი პერსონაჟები რეალური ხალხია. ამის დამადასტურებლად მათი ფოტოებიც, ისევე, როგორც ლოკაციები ილუსტრაციებად თან გასდევს ნოველებს. ამ პატარა ქალაქს გააჩნია თავის, ქვის გალავნით შემოღობილი, ისტორიული ცენტრი. ამ ისტორიულ ცენტრში მხოლოდ რვაასი ადამიანი ცხოვრობს. აი, ეს ხალხია მოქმედი პირი ნოველების, ისევე, როგორც ბარები და პატარა რესტორნები თავიანთი საუცხოო წითელი ღვინით. სასიამოვნო კითხვას გისურვებთ.
თავისუფლებაზე
24,95 ₾წიგნში თავმოყრილია ამონარიდები მსოფლიოში ერთ-ერთი ყველაზე ცნობილი მწერლის, „1984“-სა და „ცხოველების კარ-მიდამოს“ ავტორის, ჯორჯ ორუელის რომანებიდან, ესეებიდან, სტატიებიდან… კამილა შამსმა, წიგნის შემდგენელმა, ეს ნაწყვეტები გააერთიანა თავისუფლების თემის გარშემო და კიდევ ერთხელ დაგვაფიქრა, რამდენად მნიშვნელოვანია სიტყვის, აზრის, პოლიტიკური თუ პიროვნული თავისუფლება. „ჯორჯ ორუელი თავისუფლებაზე“ დღევანდელ სისტემურ პროპაგანდასაც პასუხობს, რადგან ენა არ არის უბრალოდ კომუნიკაციის საშუალება, ესაა თავისუფალი აზროვნების საყრდენი. ავტორი გვახსენებს, რომ პრესა, წიგნები და ინტელექტუალური სივრცეები საჭიროებენ თავისუფლებას, წინააღმდეგ შემთხვევაში მწერალს წართმეული ექნება საკუთარი შესაძლებლობის, წარმოსახვისა და აზრის გამოთქმის უფლება
რევოლუციების ეპოქა
29,95 ₾ფარიდ ზაქარიას “რევოლუციების ეპოქა“ საინტერესო მონაცემებითა და ფაქტებითაა სავსე. ნაშრომში ავტორი ოსტატურად იკვლევს ეპოქებსა და მოძრაობებს, რომლებმაც შეარყიეს დადგენილი ნორმები და თანამედროვე სამყარო ჩამოაყალიბეს. პირველი ნიდერლანდები იყო, სადაც მეჩვიდმეტე საუკუნეში საბანკო და საზღვაო საქმეებში გარდაქმნებმა ეს პატარა მიწა მსოფლიოში ყველაზე მდიდარი გახადა და შექმნა ისეთი პოლიტიკა, როგორიც დღეს არის დამკვიდრებული. უდიდესი ცვლილებები გამოიწვია ინდუსტრიულმა რევოლუციამ დიდ ბრიტანეთსა და შემდგომ უკვე ამერიკის შეერთებულ შტატებში. საფრანგეთის სისხლიანი რევოლუცია კი გვიჩვენებს რადიკალური ცვლილებების საფრთხეს, რომლებიც ზემოდან ქვემოთ არის დაწესებული. ამის საბოლოო შედეგი, რაც მოჰყვა საფრანგეთის, რუსეთისა და ჩინეთის რევოლუციებს, იყო სოციალური ქაოსი და ფართოდ გავრცელებული ძალადობა. ისტორიული მოვლენების პარალელურად, ფარიდ ზაქარია იკვლევს დღევანდელ რევოლუციებს: გლობალიზაციას, ტექნოლოგიასა და იდენტობას. მიუხედავად მათი სარგებლიანობისა, გლობალიზაციამ და ტექნოლოგიურმა რევოლუციამ ღრმა რყევები და შფოთვა გამოიწვია ხალხში. და სულ უფრო მეტად იქცევა იდენტობა იმ ბრძოლის ველად, სადაც ოცდამეერთე საუკუნის პოლარიზებული პოლიტიკა იბრძვის.
ჩემი დიდი პაპა, მე და გმირები
10,00 ₾ჯეიმს კრუსი არის ერთ-ერთი ყველაზე ცნობილი გერმანელი საბავშვო ავტორი. მიღებული აქვს გერმანული ახალგაზრდული ლიტერატურის და “ჰანს კრისტიან ანდერსენის” პრემიები
ეთნიკური უმცირესობიდან სრულუფლებიან მოქალაქემდე
11,60 ₾სამაია მამედოვას წიგნი ეძღვნება საქართველოში მცხოვრებ ეთნიკურ უმცირესობებს და განსაკუთრებით, აზერბაიჯანული ეროვნების მოქალაქებიის კულტურულ და სოციალურ ინტერგრაციას ქართულ საზოგადოებასთან.
სოციოლოგიის მეთოდის წესები
25,00 ₾ემილ დიურკემი, ფრანგი სოციოლოგი და ფილოსოფოსი, ფრანგული სოციოლოგიის ფუძემდებელი, თხზულებაში „სოციოლოგიის მეთოდის წესები“ საგანგებოდ იკვლევს იმ მეთოდსა და წესებს, რომელთა მეშვეობითაც შესაძლებელია სოციალური მოვლენების განსაკუთრებული ბუნების შეცნობა და შეფასება.
ქალიშვილი
19,00 ₾ტამარა დუდა (ნამდვილი სახელი და გვარი – ტამარა ჰორიხა ზერნია) დაიბადა 1976 წლის 5 იანვარს კიევში. დაამთავრა ტარას შევჩენკოს სახელობის სახელმწიფო უნივერსიტეტის ფილოლოგიის ფაკულტეტი. „ქალიშვილი“ მისი სადებიუტო რომანია. ის 2019 წელს გამოიცა და მალევე მოიპოვა საერთაშორისო აღიარება – ბიბისიმ დუდას ნაწარმოები წლის საუკეთესო წიგნად დაასახელა. 2022 წელს მწერალს შევჩენკოს პრემია მიენიჭა. აღმოსავლეთ უკრაინაში რუსეთის მიერ განხორციელებული აგრესიის პირველივე წელს დუდა მოხალისედ წავიდა ფრონტზე, მოგვიანებით კი თავის მეუღლესთან ერთად აქტიურად ზრუნავდა უკრაინელი ჯარისკაცების მომარაგებაზე – როგორც საკვებით, ისე აღჭურვილობით.
როგორც წიგნის შესავალში თავად ავტორიც აღნიშნავს, „ქალიშვილი“ იმდენად არის დოკუმენტური წიგნი, რამდენადაც ეს მხატვრული ნაწარმოებისთვის არის შესაძლებელი. „ყოველი დიალოგი მართლაც შედგა, ყოველი ეპიზოდი მართლაც მოხდა, ოღონდ სხვაგან და სხვა თანამიმდევრობით. ყოველი გმირის უკან რეალური პროტოტიპი დგას,“ – ამბობს დუდა. ლიტერატურის ერთი ცნობილი კრიტიკოსის აზრით, „ქალიშვილი“ უნდა წაიკითხოს ყველამ, ვისაც კი სურს, უკეთ გაერკვეს რუსეთ-უკრაინის ომის ჭეშმარიტ მიზეზებში. რომანი ითარგმნა ინგლისურად, ლატვიურად, ლიეტუვურად, პოლონურად, მაკედონიურად და ახლა უკვე ქართულადაც.
პატარა წიგნი
23,00 ₾ეძღვნება ძვენს შვილებს, ყველა მეოცნებეს, მოგზაურს, რომელსაც სჯერა ამ სამყაროს ჯადოსნურობის
პატარა პრინცი დიდი ფორმატი
35,00 ₾ანტუან დე სენტ-ეგზიუპერის “პატარა პრინცი” ყველაზე პოპულარული ფრანგულენოვანი წიგნი და ყველა დროის ბესტსელერია, თავად ავტორი კი საფრანგეთის რამდენიმე უმაღლესი ლიტერატურული ჯილდოს ლაურეატი. ნაწარმოების ნახევარზე მეტი ავტორის თავს გადამხდარი ისტორიებია, მათ შორის გულისამაჩუყებელი ამბავი მარტოობაზე, მეგობრობაზე, სიყვარულსა და სასოწარკვეთაზე, რასაც ის დედამიწაზე ჩამოვარდნილი პატარა პრინცის პირით ჰყვება.
ჯენტლმენი მოსკოვში
35,00 ₾ისე მოხდა, რომ ემორ ტოულსის “ჯენტლმენი მოსკოვში” რუსთავის მე-12 საპყრობილეში წავიკითხე.
თავისუფლებაზე მყოფი კაცისთვის წიგნს ბევრი რამის მიცემა შეუძლია, თუმცა ციხეში წიგნი, უპირველეს ყოვლისა, ოთხი კედლის ერთფეროვნებისგან სხვა სამყაროში გაქცევის საშუალებაა. ამ რომანმა ეს მისია საუკეთესოდ შეასრულა.
არსებობს წიგნები, რომელთა კითხვასაც დაიწყებ და როცა უბრუნდები, ხვდები, რომ წიგნში გადმოცემული ამბავია ის, რაც გაინტერესებს, გითრევს, გიზიდავს და ერთი სული გაქვს, გაარკვიო, ბოლოს სად მიგიყვანს.
არსებობს წიგნები, რომლებშიც პერსონაჟები, მათი შინაგანი სამყარო და ხასიათის სიღრმე არის ის, რაც მიმზიდველი და საინტერესოა.
ამ რომანს არ აკლია არც ერთი, არც მეორე. თუმცა ის, რაზეც მოვა სიამოვნების უდიდესი წილი მისი კითხვისას, იქნება თხრობის სინატიფე, რომელიც პირველივე გვერდებიდან მოგნუსხავს.
ეს არის წიგნი, რომელიც ერთდროულად გაგახსენებთ “ექიმ ჟივაგოს”, “უკანასკნელ იმპერატორს” და “გაქცევას შოუშენკიდან”.
საბოლოო ჯამში კი, “ჯენტლმენი მოსკოვში” არის კიდევ ერთი ძალიან კარგი რომანი მეგობრობასა და სიყვარულზე.
ზურაბ გირჩი ჯაფარიძე
ერობა, თვითმმართველობის რეფორმა საქართველოს რესპუბლიკაში 1918 (ტომი 1)
30,00 ₾წიგნში თავმოყრილია სტატისტიკური ინფორმაცია ადგილობრივ არჩევნებზე, რომლებიც 1917 წლის რევოლუციიდან საბჭოთა რუსეთის მიერ საქართველოს ოკუპაციამდე პერიოდში ტარდებოდა. ნაშრომის ბოლოს მიმოხილულია რეფორმის პრაქტიკაში განხორციელება, დემოკრატიულად არჩეული თვითმმართველობითი ინსტიტუტების მუშაობა და მათი ჩართულობა წინააღმდეგობის მოძრაობაში საბჭოთა ოკუპაციის პირველ წელს. ნაშრომი ეხება 1918-1920 წლების საერობო რეფორმას.
ჩემი თავგადასავალი და ზოგიერთნი მოგონებანი
20,00 ₾წიგნი “ჩემი თავგადასავალი და ზოგიერთნი მოგონებანი” 1921 წლიდან ბერლინში პოლიტიკურ ემიგრაციაში მცხოვრები ქალის, ქრისტინე (ბადუ) თოდუა-წულუკიძის მოგონებებს აერთიანებს. იგი თავის სოციალ-დემოკრატ მეუღლეს, მიხეილ წულიკიძეს გაჰყვა ემიგრაციაში და დასახლდა ბერლინში, სადაც ქრისტინემ უმაღლესი სამედიცინო განათლების მიღება და წარმატებული საექიმო პრაქტიკის მოწყობა შეძლო. მოგონებებში ის სწორედ თავისი ურთულესი ცხოვრებისეული გზის შესახებ მოგვითხრობს. ეს იმ იშვიათ შემთხვევათაგანია, როდესაც პოლიტიკური ემიგრაცია ქალის თვალთახედვით არის გადმოცემული.
აქვეა წარმოდგენილი ქრისტინე წულუკიძის ძმის, იონა თოდუას ე.წ. “გაქცევის დღური”. ლამის ყოველდღიური ჩანაწერები, რომლებიც 1921 წლის 6 მარტიდან 28 აპრილამდე იწერებოდა. ისინი ზედმიწევნითი სიზუსტით ასახავს ქრისტინე და მიხეილ წულუკიძეების საქართველოდან გადახვეწის ამბავს. იონა თოდუა ამ პერიოდში მათ თან ახლდა. ეს დღიური ის იშვიათი გამონაკლისია, როდესაც ჩანაწერების გაკეთება მოგვიანებით კი არა, პროცესების კვალდაკვალ ხდებოდა.
პირისპირ, ზეპირი ისტორიები საბჭოთა ტერორზე 1 ტომი
25,00 ₾კრებული აერთიანებს ზეპირ ისტორიებს სოვლაბის საზოგადოებრივი არქივიდან. ინტერვიუები ჩაწერილია საბჭოთა რეჟიმის მიერ განხორციელებული ტერორის თითქმის ყველა ტალღის მსხვერპლთა შთამომავლებთან. პირველი ტომი აერთიანებს 26 ზეპირ ისტორიას სხვადასხვა სოციალური ფენის, პოლიტიკური მრწამსის თუ პროფესიის მქონე ადამიანებისგან. ასევე დაგეგმილია ამ სერიის მეორე და მესამე ტომების გამოცემა, რომლებიც 1980-იან წლების ბოლომდე პერიოდს მოიცავს.
ქალაქი – საქალაქო თვითმმართველობის რეფორმა და მუნიციპალური პოლიტიკა საქართველოს დემოკრატიულ რესპუბლიკაში 1917-1921
25,00 ₾ნაშრომში გამოკვლეულია საქალაქო თვითმმართველობის რეფორმა და მისი მუშაობის ისტორია — მათ შორის, რუსეთის იმპერიის პერიოდში ჩატარებული არჩევნები. აქვე გაანალიზებულია შეზღუდული თვითმმართველობები, რომლებიც საქართველოს რამდენიმე ქალაქს რუსეთის იმპერიის არსებობისა და 1917 წლის თებერვლის რევოლუციის შემდგომ პერიოდში მიენიჭა.
ასევე მიმოხილულია საქართველოს დემოკრატიული რესპუბლიკის მიერ განხორციელებული თვითმმართველობის რეფორმა და დეცენტრალიზაცია. განსაკუთრებული ყურადღება გამახვილებულია ურბანულ სივრცეებზე და დემოკრატიულად არჩეული თვითმმართველობის ინსტიტუტების ფუნქციონირებაზე. ნაშრომში საქართველოს ქალაქებში ჩატარებული თვითმმართველობათა არჩევნების რამდენიმე ციკლიცაა გაანალიზებული.
ჩემი თავგადასავალი
15,00 ₾სიღნაღელი გლეხი, მიხეილ ნატროშვილი მეორე მსოფლიო ომში იბრძოდა. ტყვედ ჩავარდნის შემდეგ მან ვერმახტის ლეგიონში დაიწყო სამსახური, რის გამოც ის 1945 წელს, სახლში დაბრუნების შემდეგ შორეულ აღმოსავლეთში გადაასახლეს. შრომა-გასწორების კოლონიაში მან შვიდი წელი გაატარა, რის მერეც სახლში დაბრუნების უფლება მიეცა.
მემუარები დაწერილია ქიზიყურ დიალექტზე და გარდა ომის ამბებისა, დეტალურად აღწერს საზღვარგარეთ ყოფნის შთაბეჭდილებებსა და საბჭოთა გულაგს.
ჩემი მოგონებები
20,00 ₾არაქელა ოქუაშვილი მუშა-ხალხოსანი, სოციალ-დემოკრატიული მოძრაობის ერთ-ერთი უხუცესი წევრი გახლდათ. მუშათა მოძრაობაში დიდი ავტორიტეტის მქონეს, შემდგომში „სტალინის მასწავლებლის“ სახელითაც იცნობდნენ. მრავალჯერ დაპატიმრებული და გადასახლებული არაქელა 1905 წლიდან ურყევი ბოლშევიკი იყო, თუმცა 1921 წელს მისი და „მოსწავლის“ გზები გაიყო.
1930-იანი წლების შუა პერიოდში დაწერილი ეს მემუარები 1937-1938 წლების დიდი ტერორის დროს ავტორის დახვრეტის შემდეგ საიდუმლოდ ინახებოდა და ის პირველად ამ გამოცემის სახით დაიბეჭდა.
ძენი და წერის ხელოვნება
16,95 ₾„ძენი და წერის ხელოვნება“ შთამბეჭდავი წიგნია, რომელშიც განუმეორებელი რეი ბრედბერი გვიზიარებს მთელი ცხოვრების განმავლობაში დაგროვილ სიბრძნესა და გამოცდილებას. ამ წიგნში შესული ესეები ოცდაათი წლის განმავლობაში, სხვადასხვა დროსაა დაწერილი, განსაკუთრებული აღმოჩენების გამოსახატად. აქ წაიკითხავთ პრაქტიკულ რჩევებს წერის ხელოვნების შესახებ – როგორ ვიპოვოთ ორიგინალური იდეები, როგორ დავხვეწოთ საკუთარი სტილი და ხმა. გარდა ამისა, რეი ბრედბერი გვიზიარებს საინტერესო ამბებს საკუთარი ცხოვრებიდან და კარიერიდან – როგორი იყო რომანების, მოთხრობების, ლექსების, ფილმებისა და პიესების ავტორის გრძელი და უჩვეულო გზა. „ძენი და წერის ხელოვნება“ უფრო მეტია, ვიდრე მხოლოდ სახელმძღვანელო დამწყები მწერლებისთვის: ესაა წერით მოგვრილი სიხარულის შესახებ დაწერილი წიგნი, რომელიც შთაგვაგონებს და გვახსენებს ლიტერატურის მნიშვნელობასა და ძალას. იგი ერთდროულად აღვიძებს ჩვენში მწერალს, რომელიც მზადაა, წეროს გატაცებით და მკითხველს, რომელიც ახალ ტექსტებთან შეხვედრას მოუთმენლად ელოდება. „როდესაც სიკვდილი სხვებს შეაჩერებს, თავ-პირის მტვრევით გავარდით საბეჭდი მანქანისკენ.“
უცნობი ქალის წერილი
11,95 ₾უცნობი ქალის წერილი” მე-20 საუკუნის უდიდესი მწერლის, შტეფან ცვაიგის, ყველაზე პოპულარული მოთხრობაა. მთელი მოთხრობა ერთი წერილია – ცნობილ მწერალ რ-ზე შეყვარებული უცნობი ქალის გულიდან ამოთქმული და ათრთოლებული ხელით დაწერილი წერილი. ვინ არის ეს ქალი? ბნელით მოსილი, ვნებით შეპყრობილი გოგონა წარსულიდან თუ, უბრალოდ, იდუმალი, უცნობი ქალი? ქალი, ვისთვისაც საყვარელ მამაკაცთან მორიგი შეხვედრისას ყველაფერი ნაცნობი და ამავე დროს, გამაოგნებლად ახალია..
ჰაიკუ
19,95 ₾იაპონური ჰაიკუ, მეჩვიდმეტე საუკუნეში შექმნილი იაპონური ტრადიციული ლექსი, მთელ მსოფლიოში დღემდე აღფრთოვანებას იწვევს. წიგნში წარმოდგენილია ჰაიკუს ოთხი უდიდესი ოსტატის – მაცუო ბაშოს. იოსა ბუსონის, კობაიასი ისას და მასაოკა შიკის ქართული თარგმანები. კრებულში მკითხველი არა მხოლოდ გაეცნობა უდიდესი პოეტების ნამუშევრებს, არამედ თვალს მიადევნებს ჰაიკუს თემატურ და ჟანრობრივ ცვლილებებს. ერთი შეხედვით მარტივი პოეტური ფორმა გამოხატავს პოეტის თვალით დანახულ სამყაროს, მის იმწამიერ შთაბეჭდილებას, მკითხველი კი თავად აკეთებს მოცემული სურათის ინტერპრეტაციას. სწორედ ამიტომ, ჰაიკუ ყოველი წაკითხვისას მკითხველში განსხვავებულ ემოციასა და ახალ-ახალი ინტერპრეტაციის სურვილს იწვევს.
მეზღაპრის გზა
14,95 ₾„მეზღაპრის გზა”” ზაალ სამადაშვილის უკანასკნელი წიგნია, რო მელიც თავად შეადგინა, როგორც ერთ გრძელ ისტორიად წა საკითხი ამბების კრებული. ასეც გამოვიდა — „მეზღაპრის გზა~ ამბების წიგნია, მთელი ცხოვრების განმავლობაში გადახდენილი, განცდილი და მეხსიერებაში ღრმად ჩაბეჭდილი ამბების წიგნი. მის გვერდებზე შემო ნახულია ადამიანები და მათი ხასიათები, შენობები, უბნები და ქუჩები და მათი — დღეს უკვე მხოლოდ ძველი თაობის თბილი სელებისთვის ნაცნობი — სახელები, ქალაქი, რომელშიც მიედინებოდა მწერლის ბავშვობა, სიჭაბუკე და სიჭარმაგე, ადგილები, რომელთა სახება ხან სიზმრებად მოფარფატდება მას თან, ხან სევდიან ფიქრებად, ხან მონატრებად და ხანაც დაუძლეველ სურვილად, სამუდამოდ აღბეჭდოს ისინი ტექსტებში, შეინახოს თავისთვის და შთამომავლობისთვის, ახალთაობელებისთვის. მერე კი გვამოგზაუროს ამ ამბებში „მალაკნის ბაზრიდან”” „ჩაის სახლამდე~, „ხაზის რადიოდან”” აუდიოკასეტაზე ჩაწერილ ტომ უეიტსის მუსიკამდე და თავად იყოს მეგზური გრძელ გზაზე, რომელიც გაიარა სასურველი მიზნის მიღწევამ
ოქტომბრის ერთ ეულ ღამეს
27,95 ₾“„ოქტობრის ერთ ეულ ღამეს“ ფანტასტიკური და იდუმალი სამყაროს კარიბჭე გაიხსნება და მკითხველი ალუზიების, ჯადოსნობის, მისტიკის, იუმორისა და ლიტერატურული მითების ნაირფერ სამყაროში აღმოჩნდება. ეს წიგნი ჰელოუინისთვის არის დაწერილი – სავსე მისტიკური ატმოსფეროთი, კაშკაშა ირონიითა და მაგიური ისტორიებით; ამ ამბის ყოველი გმირი საიდუმლოს მალავს, ხოლო ყოველი ღამე ახალი გამოცდის დასაწყისია… დიდი შერკინება ახლოვდება ბნელი კარიბჭის გამხსნელებსა და დამხურავებს შორის, მაგრამ მანამდე უნდა გაირკვეს, ვინ გამღებია და ვინ დამხურავი. ამის გასარკვევად მთხრობელს – ერთგულ, გონებამახვილ, ზოგჯერ ბრაზიან ძაღლს უნდა დაემგზავროთ ლონდონის მრავალსუნიან და ნისლიან გარეუბნებში, დღისით თუ ღამით… თუმცა, უფრო ღამით. უნდა შეხვდეთ იდუმალ, თუმცა ნაცნობ პერსონაჟებს (თქვენ აუცილებლად ამოიცნობთ მათ), რომლებიც ამ ამბავში თავ-თავიანთ შინაურ ცხოველებთან ერთად მონაწილეობენ. ჰელოიუნის ღამე ახლოვდება და… მაშ, კეთილი იყოს თქვენი მობრძანება როჯერ ზელაზნის მისტიკურ და ჯადოსნურ სამყაროში!
კუპატას თავგადასავალი
19,95 ₾ყველა ჩვეულებრივი ძაღლი არაჩვეულებრივია, ყველა არაჩვეულებრივი ძაღლი – ჩვეულებრივი. ეს წიგნიც ასეთ ძაღლზეა – ჩვეულებრივზე და თან არაჩვეულებრივზე. კუპატა ცხოვრობდა ბათუმში, ულამაზეს ზღვისპირა ქალაქში, სადაც მზრუნველმა ადამიანებმა მას ქუჩაში სახლი დაუდგეს. არ მოგესმა – მანამდე კუპატა მიუსაფარი იყო, ერთი იმათგანი, ძალიან ბევრს რომ ვხედავთ ჩვენ გარშემო, მაგრამ… დიდი ხნის განმავლობაში ამჩნევდნენ თანაქალაქელები ძაღლის უცნაურ ჩვევას – ის ფეხით მოსიარულეთა გადასასვლელებთან დგებოდა და ყეფით ანიშნებდა მძღოლებს, ბავშვები გაეტარებინათ. ასე გაიცნო მთელმა ქალაქმა და მერე უკვე მთელმა ქვეყანამაც ჭკვიანი, მამაცი და კეთილი კუპატა, რომელიც ამიერიდან ამ წიგნის ფურცლებიდან გააგრძელებს ცხოვრებას და სიკეთის თესვას თავის მეგობრებთან – ყველა მიუსაფარი ძაღლის ძიძა გულოსთან, მენაყინესთან, კნუტ კნატისთან, ავთოს ავტოსთან და სხვებთან ერთად.
მარცხი და ამბოხი
18,95 ₾“დედაქალაქი დაეცა. ბნელკაცი ჩრდილის ტახტზე ზის და რავკას მართავს. ახლა ქვეყნის ბედი მზის გამომწვევლის, დევნილი მეკვლისა და ოდესღაც დიადი და მაგიური, ახლა კი დანაწევრებული არმიის ნარჩენებზეა დამოკიდებული. ალინას მოუწევს ახალი კავშირების დამყარება, სანამ მალთან ერთად მოროზოვას უკანასკნელ გამაძლიერებელს იპოვის. ამასობაში ბნელკაცის საიდუმლოების ამოხსნისას აღმოაჩენს წარსულს, რომელიც სამუდამოდ შეცვლის იმ კავშირებსა და ძალას, რომელსაც ფლობს. მხოლოდ ფასკუნჯი დგას რავკასა და ნგრევას შორის და რომ იპოვოს კიდეც, შეიძლება იმ მომავლად დაუჯდეს, რომლისთვისაც იბრძვის. “
ჩამოყალიბდით
29,95 ₾თქვენ ხართ თქვენი ბრენდის საუკეთესო სტრატეგი! დიდი იდეების უმეტესობა დიდ ბრენდებად იმიტომ ვერ იქცევა, რომ ადამიანებმა არ იციან, საიდან დაიწყონ ან, უბრალოდ, ჩამოუყალიბებლად იწყებენ და საკუთარ ბედს ნაუცბათევ გადაწყვეტილებებს მიანდობენ ხოლმე. სუნ ძი „ომის ხელოვნებაში“ ამბობს, გამარჯვებული რაზმები ბრძოლას შეტაკებების წინ იგებენ და არა მათი მიმდინარეობისასო. ასეა ბრენდინგშიც – რაც უფრო უკეთ მომზადებული ხვდებით ბრძოლას, მით მეტია თქვენი ბიზნესიდეის დიდ ბრენდად ქცევის შანსი. ბრენდის სტრატეგიის ეს პრაქტიკული გზამკვლევიც სწორედ ამ ბრძოლისთვის თქვენს მზადებას ემსახურება.
კაცმანობის გარეშე
19,95 ₾” „რა გვაღვიძებს ღამით ტკბილად ძილისას? კოშმარი, ხმაური გარეთ, ბუნებრივი მოთხოვნილება…მიზეზი ბევრია, მაგრამ საფუძველი ერთი: უნდა შეწუხდე, რომ გამოიღვიძო. მექანიზმი, რომელიც გაღვიძებისას თითს მაშინვე snooze ღილაკზე გვაჭერინებს, მუდმივად ასეა მომართული – ურჩევნია დარჩეს კოშმარში თუ ტკბილ სიზმარში და ნებისმიერი წამიერი გამოფხიზლებაც კი უგულებელყოს, გვერდი იცვალოს და ძილის გაგრძელება სცადოს~. საშა კაცმანი ანტრეპრენერი, პოდკასტერი, პიროვნული და ორგანიზაციული ცნობიერების განვითარების მენტორია, რომელიც თვითგამორკვევის გზაზე 3000-ზე მეტ ადამიანს დაეხმარა. ამავდროულად, ის არის ადამიანი, რომელიც, კლასიკური გაგებით წარმატების ზენიტში მყოფი, „თვითშემეცნების ორმოში~ ჩავარდა, „გმირის მოგზაურობის გზას~ დაადგა და საკუთარი ხელით დაანგრია ქოხი, სარდაფში განძის მოსაძებნად. გზა გამთლიანებისკენ რთული და მტკივნეულია – საკუთარი ეგოს მხილებას, სისუსტეების გამოაშკარავებასა და ტყუილების გაშიშვლებას მოითხოვს. ბოლოსდაბოლოს, ვინ არის საშა კაცმანი კაცმანობის – რეგალიების, ფულის, გავლენის, რეპუტაციისა და ძალაუფლების – გარეშე? ვინ ხარ შენ იმის გარეშე, რაც გასწავლეს საკუთარ თავზე? რამდენად იცნობ შენს ეგოს? ის ხარ, ვინც აკვირდება, თუ ის, ვისაც აკვირდებიან?”
მსჯელობანი ტიტუს ლივიუსის პირველი დეკადის შესახებ
23,00 ₾ნაშრომი აანალიზებს ძველი რომის პოლიტიკურ გამოცდილებას. ავტორი განიხილავს სახელმწიფოს მმართველობის პრინციპებს, თავისუფლებას და მოქალაქეობრივ ვალდებულებებს. წიგნი ასწავლის აზროვნების სიღრმეს და პოლიტიკური პროცესების გააზრებას.
ჭეშმარიტების სამყაროში
12,00 ₾დიდი მოაზროვნის, გიორგი გურჯიევის წიგნი „ჭეშმარიტების სამყაროში“ სრული სახით პირველად იბეჭდება ქართულ ენაზე. იგი წარმოადგენს გამომცემლობა „სფინქსის” მიერ 1982 წელს შვეიცარიაში გერმანულ ენაზე გამოცემული წიგნის სრულ ქართულ თარგმანს.
ამ თხზულებას მნიშვნელოვანი ადგილი უჭირავს გიორგი გურჯიევის შემოქმედებაში – მასში მკითხველი გაეცნობა ავტორის მსოფლმხედველობას, მის შეხედულებებს, სამუშაო პრინციპებსა და მეთოდებს.
ეს წიგნი მკითხველს დიდ სარგებლობასა და სიკეთეს მოუტანს; ავტორისეული გამოცდილების, რჩევა-დარიგებებისა და მითითებების გათვალისწინება მას დაეხმარება ყოველდღიური საქმიანობის უკეთ წარმართვაში, ცხოვრებისეული პრობლემებისა თუ მისთვის საინტერესო მრავალი საკითხის წარმატებით გადაწყვეტაში.